ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓲ ꓠꓯ ꓗꓪ ꓡ ꓞꓳ ꓪꓴꓽ ꓜ ꓟ ꓟꓬꓱꓽ ꓔꓯ ꓟꓶꓽ ꓡꓰ ꓠ, ꓟ ꓐꓰ ꓕꓱ ꓟꓽ ꓙꓲ ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓝꓴꓲ ꓖꓶ ꓠ, ꓟ ꓐꓯ ꓔ ꓟ ꓓꓳꓽ (Vatican news)

#creditphoto #Protests against human trafficking

Monday, February 12, 2024

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓲ ꓠꓯ ꓗꓪ ꓡ ꓞꓳ ꓪꓴꓽ ꓜ ꓟ ꓟꓬꓱꓽ ꓔꓯ ꓟꓶꓽ ꓡꓰ ꓠ, ꓟ ꓐꓰ ꓕꓱ ꓟꓽ ꓙꓲ ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓝꓴꓲ ꓖꓶ ꓠ, ꓟ ꓐꓯ ꓔ ꓟ ꓓꓳꓽ

2 ꓦ ꓟ 8 ꓠꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓗꓳ. ꓓꓵ ꓓꓵ ꓗꓪ ꓡ ꓞꓳ ꓪꓴꓽ ꓜ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ (10) ꓧꓪ, ꓖꓪ ꓙꓱ ꓜꓲꓼ ꓓꓴ ꓗꓪ ꓡ ꓞꓳ ꓪꓴꓽ ꓜ ꓟ ꓟꓬꓱꓽ ꓔꓯ ꓟꓶꓽ ꓡꓰ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓰ ꓕꓱ ꓟꓽ ꓙꓲ ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓝꓴꓲ ꓖꓶ ꓠ, ꓟ ꓓꓰꓽ ꓔ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓗꓪ ꓟꓽ ꓙꓲ ꓟ ꓟꓬꓱꓽ ꓬꓰ ꓔꓬ ꓟ ꓡ ꓞꓳ ꓪꓴꓽ ꓜ ꓟ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓝꓴꓲ ꓖꓶ ꓠ, ꓟ ꓟꓬꓱꓽ ꓔꓯ ꓬꓰ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓘꓴꓽ ꓗꓪ 2 ꓦ ꓟ 8 ꓠꓬꓲ ꓗꓪ ꓟꓵꓽ ꓗꓳ. ꓓꓵ ꓓꓵ ꓗꓪ ꓡ ꓞꓳ ꓪꓴꓽ ꓜꓽ ꓟ ꓟꓬꓱꓽ ꓔꓯ ꓟꓶꓽ ꓡꓰ ꓠ, ꓟ ꓬꓰ_ ꓟ ꓦꓬꓼ ꓠꓬꓲ ꓗꓪ ꓡ ꓞꓳ ꓪꓴꓽ ꓜꓽ ꓟ ꓟꓬꓱꓽ ꓠꓬ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓽ ꓙꓲ ꓟ ꓟꓬꓱꓽ ꓥ ꓟ ꓔꓯ ꓐꓯ ꓔ ꓡꓳ꓿

ꓕꓱ ꓟꓲ ꓠꓯ ꓗꓪ ꓡ ꓞꓳ ꓪꓴꓽ ꓜꓽ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓖꓪ ꓙꓱ ꓜꓲꓼ ꓓꓴ ꓒꓬꓱꓼ ꓡ ꓟ ꓠꓬ ꓗꓳ. ꓗꓷ ꓟ (1869-1947) ꓘꓳꓼ ꓕꓯ ꓗ‐ꓔꓳ‐ꓡꓲꓗ ꓔꓲꓺ ꓟ ꓕꓲ ꓣꓳ ꓠꓬ ꓔꓲꓺ ꓟ ꓟꓽ ꓒꓬꓱꓼ ꓡ ꓢꓲ ꓕꓯ ꓟꓽ ꓙꓲ ꓢꓴ ꓐꓴ ꓡꓰ ꓪꓴꓽ ꓜꓽ ꓗꓷ ꓟ ꓔꓯ ꓔꓳ, ꓜꓳ ꓡꓰ ꓟ ꓥ ꓡꓳ꓿

ꓕꓱ ꓔꓲꓺ ꓟ ꓟꓬꓱꓺ ꓠꓬ ꓢꓮꓲꓠꓔ ꓐꓮꓗꓧꓲꓔꓮ ꓟꓬꓱꓺ ꓔ ꓢꓴ ꓥ ꓡꓳ꓿ ꓬꓲ ꓠꓬ ꓟꓽ ꓙꓲ ꓢꓴ ꓐꓴ ꓡꓰ ꓪꓴꓽ ꓜꓽ ꓗꓷ ꓥ ꓟꓲ ꓲꓔꓮꓡꓬ ꓗꓴꓷꓼ ꓗꓪ ꓛꓲ ꓡ ꓗꓷ ꓠ, ꓟ ꓪꓴ‐ꓢ ꓟꓬꓱꓽ ꓬꓰ ꓢꓴ ꓔꓲꓺ ꓟ ꓐꓴ ꓡꓰ ꓚꓬꓴ ꓙ ꓗꓷ ꓟ ꓪꓴ. ꓠꓬꓲ ꓗ. ꓠꓯ ꓬꓲ ꓠꓬ ꓔꓲꓺ ꓟ ꓒꓬꓱꓼ ꓡ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓔꓲꓺ ꓟ ꓐꓮꓗꓧꓲꓔꓮ ꓬꓲ ꓮ ꓟꓬ, ꓛꓲ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓡꓰ ꓟ ꓐꓰ ꓮ ꓡꓰ ꓫꓵꓽ ꓔꓳ, ꓜꓳ ꓡꓰ ꓟ ꓔꓯ ꓓꓵꓽ ꓙ ꓠ, ꓟ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓯ ꓗꓷ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓗꓪ ꓫ. ꓓꓴ ꓟꓷꓼ ꓢꓴ ꓔꓳ, ꓜꓳ ꓔꓬ ꓢꓴ ꓐꓴ ꓐꓰ ꓟꓯꓼ ꓘꓰ ,ꓟꓯꓼ ꓑꓬ ꓔꓬ ꓢꓴ ꓐꓴ ꓐꓰ ꓠꓱꓼ ꓐꓯꓼ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓪ ꓒꓵꓽ ꓮ ꓟꓬ, ꓟꓽ ꓪ ꓢꓴ ꓐꓴ ꓢꓯꓼ ꓔꓯ ꓠ ꓠ, ꓠ, ꓟ ꓐꓯ ꓔ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓮ ꓟꓶ ꓟ ꓙꓵ, ꓗꓪ ꓥ ꓟꓲ ꓡ ꓞꓳ ꓪꓴꓽ ꓜꓽ ꓟ ꓐꓰ ꓚꓳ ꓑ. ꓬꓰ ꓝꓲ ꓟ ꓟꓬꓱꓽ ꓮ ꓟꓬ, ꓔꓯ ꓠꓬꓲ. ꓠꓬꓲ ꓗꓪ ꓛꓲ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓕꓱ ꓟꓽ ꓙꓲ ꓟ ꓟꓬꓱꓽ ꓔꓯ ꓟꓶꓽ ꓡꓰ ꓠ, ꓟ ꓟꓬꓱꓽ ꓬꓰ ꓠ, ꓟ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓐꓯ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓪꓴꓽ ꓜꓽ ꓗꓷ ꓢꓴ ꓣꓳ ꓠꓬꓲ ꓤ ꓠꓬꓲ ꓟ ꓐꓴ ꓢꓯꓼ ꓔꓯ ꓠ ꓠ, ꓠ, ꓟ ꓐꓰ ꓟꓯꓼ ꓢꓰꓼ ꓡꓯꓼ ꓘꓳ, ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓐꓴ ꓢꓯꓼ ꓔꓯ ꓠ ꓠ, ꓠ, ꓟ ꓐꓯ ꓔ ꓟ ꓥ ꓡꓳ ꓐꓰ (Vatican News ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿