Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓳ ꓗꓳ ꓓꓵ ꓓꓵ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓐꓴ ꓐꓱ ꓶ 6 ꓦ ꓟ ꓘꓴꓽ ꓗꓪ ꓪꓽ ꓘꓴ ꓟ
Monday, June 05, 2023
ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓳ ꓗꓳ ꓓꓵ ꓓꓵ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓐꓴ ꓐꓱ ꓶ 6 ꓦ ꓟ ꓘꓴꓽ ꓗꓪ ꓪꓽ ꓘꓴ ꓟ
ꓔꓲꓺ ꓒ ꓪ ꓔꓲ ꓠꓬ 5 ꓦ ꓟ 31 ꓠꓬꓲ 2023 ꓘꓳꓼ ꓕꓯ ꓟꓳ ꓗꓳ ꓓꓵ ꓓꓵ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓐꓴ ꓐꓱ ꓶ 6 ꓦ ꓘꓴꓽ ꓗꓪ ꓪꓽ ꓘꓴ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓠꓬ ꓟꓲ ꓠꓯ ꓕꓯ ꓢꓲ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓟꓽ ꓙꓲꓻ ꓢꓴ ꓐꓴ ꓡꓰ ꓖꓶ ꓟ ꓫ. ꓙꓵꓻ ꓟꓶ ꓙꓵꓻ ꓓꓴ ꓮ ꓟꓬ, ꓔꓳ ꓜꓳ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ 6 ꓦ ꓘꓴꓽ ꓗꓪ ꓕꓲ ꓟꓲ ꓠꓯ ꓡꓱ ꓗꓪ ꓫ. ꓙꓵꓻ ꓟꓶ ꓙꓵꓻ ꓔꓬ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓙꓵꓽ ꓢꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓥ ꓡꓳ꓿
ꓟꓲ ꓠꓯ ꓕꓯ ꓢꓲ ꓗꓪ ꓮ ꓟꓬ, ꓫ. ꓓꓴ ꓔꓳ, ꓜꓳ ꓔꓬ ꓢꓴ ꓙꓲ‐ꓢꓴ ꓢꓲ ꓤ ꓐꓴ ꓮ ꓟꓬ, ꓙꓳ ꓡꓳ꓿ ꓗꓴꓷꓼ ꓘꓴꓽ ꓗꓪ ꓢꓰꓼ ꓡꓯꓽ ꓘꓳ, ꓟ ꓪꓴ. ꓠꓬꓲ ꓕꓲ ꓐꓱ ꓠꓬ ꓗꓴꓷꓼ ꓧꓳꓽ ꓪꓴ. ꓟꓴ ꓢꓴ ꓐꓴ ꓟꓽ ꓙꓲꓻ ꓟ ꓪꓴ. ꓠꓬꓲ ꓝꓮꓲ ꓜꓴꓻ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓐꓴ ꓟꓽ ꓙꓲꓻ ꓕꓲ ꓒꓳ, ꓗꓪ ꓐꓰ ꓧꓳꓽ ꓣꓱ ꓔꓬ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓫ. ꓙꓵꓻ ꓟꓶ ꓙꓵꓻ ꓔꓬ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿ ꓡ ꓞꓳ ꓢꓰꓼ ꓟ ꓟꓽ ꓙꓲꓻ ꓟ ꓟꓬꓱꓽ ꓮ ꓙꓵꓽ ꓔꓯ ꓠꓽ ꓗꓷ ꓠ, ꓟ ꓝꓮꓲ ꓡ ꓞꓳ ꓕꓲ ꓣꓳ ꓔꓯ ꓪꓽ ꓘꓴ ꓡꓰ ꓚꓰꓼ ꓔ ꓟ ꓡꓯ ꓫꓴꓻ ꓔꓯ ꓞꓳ ꓒꓵꓽ ꓗꓴ. ꓠ, ꓟ ꓬꓰ ꓡꓯ ꓐꓰ ꓐꓯ ꓔ ꓡꓳ꓿ ꓗꓴꓷꓼ ꓫꓵꓽ ꓪꓴꓽ ꓝꓮꓲ ꓠꓱ. ꓐꓯꓼ ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓫꓵꓽ ꓪꓴꓽ ꓖꓶ ꓟ ꓚꓱ, ꓮ ꓙꓵꓽ ꓔꓯ ꓠꓽ ꓗꓶꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓽ ꓠꓽ ꓠꓽ ꓪꓽ ꓘꓴ ꓓꓴ ꓬꓰ ꓡꓯ ꓐꓰ (Catholic News Agency ) ꓓꓳꓽ ꓗꓪ ꓐꓳ ꓔ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment