ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓡ ꓠꓹ ꓟ 11 ꓦ ꓕꓯ ꓐꓮꓧꓣꓮꓲꓠ ꓗꓴꓷꓼ ꓗꓪ ꓙꓰ ꓓꓴ ꓥꓳ꓾

Bahrain ꓪ ꓔꓲ ꓬꓲ ꓛꓲꓺ Sheikh Kahlid bin Ahmed Al Khalifa ꓔꓯ 2021 ꓘꓳꓼ 11 ꓦ 25 ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓡꓰ ꓘꓳꓹ ꓣꓴ ꓔꓬ ꓟ ꓐꓬꓱꓽ (Vatican News)

Thursday, September 29, 2022

ꓡ ꓠꓹ ꓟ 11 ꓦ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓐꓮꓧꓣꓮꓲꓠ ꓗꓪ ꓙꓰ ꓓꓴ ꓥꓳ꓾

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓑꓰꓣꓢꓲꓮꓠ ꓬꓲꓻ ꓗꓳ ꓡꓳ ꓟꓵꓽ ꓥ ꓟ ꓐꓮꓧꓣꓮꓲꓠ ꓗꓴꓷꓼ ꓗꓪ 2022 ꓘꓳꓼ 11 ꓦ 3-6 ꓠꓬꓲ ꓗꓪ ꓛꓲꓺ ꓙꓰ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓦꓮꓔꓲꓚꓮꓠ ꓣꓳꓹ ꓗꓪ ꓐꓰ ꓓꓲꓣꓰꓚꓔꓳꓣ ꓡꓰ ꓠꓽ ꓢꓽ ꓠꓬꓲ ꓕꓯ ꓐꓯ ꓑꓶ ꓔ ꓟ ꓘꓴꓽ ꓗꓪ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓑ ꓫꓬ ꓐꓴ ꓐꓰ ꓙꓵꓻ ꓠꓲꓹ ꓚꓱꓹ ꓔꓯ ꓟꓳꓸ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓘꓴ ꓔ ꓟ ꓔꓯ ꓘꓳ ꓣꓴ ꓗꓷ ꓟ ꓥ ꓡꓳ꓾ ꓐꓰ ꓐꓯ ꓔ ꓡꓳ=

ꓖꓳ ꓡꓱ ꓚꓳꓻ ꓙꓰˍ ꓟ ꓘꓴꓽ ꓗꓪ ꓔꓲꓺ ꓒ ꓪ ꓔꓲ ꓠꓬ “ꓞꓳ ꓤ ꓐꓴ ꓕꓲ ꓠꓲꓹ ꓕꓲ ꓪ ꓞꓳ ꓙꓳ ꓢꓯꓸ ꓔꓬ ꓠꓹ ꓟ ꓚꓱꓹ ꓔꓯ ꓟꓳꓸ ꓐꓮꓧꓣꓮꓲꓠ ꓝꓳꓣꓴꓟ- ꓐꓶ ꓓꓳ ꓐꓰ ꓐꓶ ꓓꓵꓽ ꓖꓪ ꓙꓱ ꓜꓲꓼ ꓓꓴ ꓐꓱ ꓶ ꓚꓲꓸ ꓟꓶ ꓓꓴ ꓐꓯ ꓢꓲ ꓟ-ꓠ-ꓟ ꓡꓳ ꓒꓱ ꓐꓰ ꓮ-ꓪ-ꓡꓲ ꓡꓳ ꓒꓱ ꓐꓴ ꓗꓪ ꓙꓰ ꓠꓹ ꓟ ꓥꓳ=

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓐꓮꓧꓣꓮꓲꓠ ꓗꓴꓷꓼ ꓬꓲꓸ ꓪꓴꓸ ꓛꓲꓺ ꓬꓰ ꓟ ꓔꓲꓺ ꓒ ꓪ ꓔꓲ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=