ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓧꓯ‐ꓓꓲ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓠꓲ, ꓟ ꓫ. ꓔꓬ ꓟ ꓐꓰ ꓟꓽ ꓙꓲ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓡ ꓞꓳ ꓢꓰꓼ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓓꓰꓽ ꓔ ꓟ ꓓꓳꓽ (Church news)

 ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓧꓯ‐ꓓꓲ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓪꓴ. ꓠꓬꓲ ꓠꓲ, ꓟ ꓫ. ꓔꓬ ꓟ ꓐꓰ ꓟꓽ ꓙꓲ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓡ ꓞꓳ ꓢꓰꓼ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓓꓰꓽ ꓔ ꓟ ꓓꓳꓽ (Pope prays for peace in Haiti and global solidarity)

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ 3 ꓦ ꓟ 10 ꓠꓬꓲ 2024 ꓘꓳꓼ ꓢꓲꓺ ꓒ ꓦꓬꓼ ꓠꓬꓲ ꓕꓯ ꓧꓯ‐ꓓꓲ ꓗꓴꓷꓼ ꓗꓪ ꓑ ꓫꓬ ꓮ ꓟꓬ, ꓠꓬ ꓟꓽ ꓙꓲ ꓢꓴ ꓐꓴ ꓡꓰ ꓢꓰꓼ ꓗꓷ ꓟ ꓔꓯ ꓔꓳ ꓜꓳ ꓡꓰ ꓟ ꓪꓴ. ꓠꓬꓲ ꓠꓲ, ꓟ ꓫ. ꓔꓬ ꓟ ꓐꓰ ꓕꓱ ꓟꓽ ꓙꓲ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓧꓯ‐ꓓꓲ ꓗꓪ ꓗꓴꓷꓼ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓔꓬ ꓟ ꓓꓳꓽ ꓔꓯ ꓐꓯ ꓟ. ꓖꓶ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓠꓬ ꓠꓲ, ꓟ ꓫ. ꓟ ꓐꓰ ꓠꓲ, ꓟ ꓟꓽ ꓢ ꓓꓴ ꓮ ꓟꓬ, ꓫꓵꓽ ꓔꓯ ꓔꓳ, ꓜꓳ ꓔꓬ ꓟ ꓥ ꓡꓳ꓿ ꓑ ꓫꓬ ꓮ ꓟꓬ, ꓠꓬ ꓬꓲ ꓙꓵ, ꓟꓶ ꓫꓵˍ ꓫꓵˍ ꓟꓽ ꓙꓲ ꓢꓴ ꓐꓴ ꓡꓰ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓟ ꓐꓰ ꓫ. ꓓꓴ ꓟꓷꓽ ꓢꓴ ꓮ ꓟꓬ, ꓖꓶ ꓟ ꓪꓴ. ꓠꓬꓲ ꓠꓲ, ꓫ ꓟꓬ, ꓫ. ꓔꓬ ꓟ ꓑ ꓫꓬ ꓐꓴ ꓕꓲ ꓪ ꓔꓲꓺ ꓒ ꓪ ꓔꓲ ꓠꓬ ꓔꓬ ꓟ ꓚꓱ, ꓔꓯ ꓐꓯ ꓔ ꓟ ꓥ ꓡꓳ꓿

ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓐꓯ ꓔ ꓟ ꓥ ꓡꓳ꓿ ꓝꓮꓲ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓰ ꓫ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ 3 ꓦ ꓟ 10 ꓠꓬꓲ ꓕꓯ ꓟꓴꓢꓲꓡꓟ ꓶꓻ ꓤ ꓠꓬꓲ ꓤ ꓐꓴ ꓜ ꓚꓲ. ꓚꓲ. ꓟ ꓙꓵ, ꓞꓲ ꓡ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓥ ꓟꓲ ꓬꓲ ꓪ ꓐꓰ ꓕꓲ ꓪ ꓔꓬ ꓟ ꓚꓱ, ꓔꓯ ꓪꓽ ꓘꓴ ꓙ ꓟ ꓗꓪ ꓐꓰ ꓐꓯ ꓟ. ꓖꓶ ꓗꓷꓳ꓿ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓠ, ꓟ ꓐꓯ ꓟ. ꓔ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓮ ꓟꓶ ꓟ ꓙꓵ, ꓗꓪ ꓗꓴꓷꓼ ꓘꓴꓽ ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓣ‐ꓫ ꓐꓰ ꓴ‐ꓗ‐ꓣꓲ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓠ, ꓟ ꓮ ꓘꓶ. ꓛꓲ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ  ꓴ‐ꓗ‐ꓣꓲ ꓗꓴꓷꓼ ꓐꓱ ꓶ ꓥ ꓟꓲ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓙ ꓖꓶ ꓗꓷꓳ꓿ ꓟꓬ‐ꓟ ꓗꓴꓷꓼ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷꓳ꓿

ꓕꓲ ꓟꓲ ꓠꓯ ꓡꓱꓼ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓟ ꓡ ꓞꓳ ꓮ ꓙꓵꓽ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓔꓬ ꓟ ꓐꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓠ, ꓟ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓫ. ꓕꓱ ꓔ ꓡꓳ ꓐꓰ (ꓦꓮꓔꓲꓚꓮꓠ ꓠꓰꓪꓢ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿