ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓕꓲꓽ ꓘꓳꓼ ꓘꓴꓽ ꓗꓪ ꓡꓽ ꓛꓴ. ꓑꓳ ꓐꓱ ꓶ ꓣꓱꓽ ꓗꓷ ꓟ ꓒꓴ ꓫꓵꓺ ꓗꓪ ꓐꓰ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓗꓷˍ ꓥꓳꓽ ꓐꓯ ꓫ. ꓢꓴ ꓟꓷꓼ ꓢꓴ ꓟꓽ ꓙꓳ ꓡ ꓓꓴ ꓥꓳ ꓐꓯ ꓗꓷ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓕꓲꓽ ꓘꓳꓼ ꓘꓴꓽ ꓗꓪ ꓡꓽ ꓛꓴ. ꓑꓳ ꓐꓱ ꓶ ꓣꓱꓽ ꓗꓷ ꓟ ꓒꓴ ꓫꓵꓺ ꓗꓪ ꓐꓰ  ꓕꓲ ꓟꓲ ꓠꓯ ꓡꓱꓸꓼ ꓗꓪ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓗꓷˍ ꓥꓳꓽ ꓐꓯ ꓫ. ꓢꓴ ꓟꓷꓼ ꓢꓴ ꓟꓽ ꓙꓳ ꓡ ꓓꓴ ꓥꓳ ꓐꓯ ꓗꓷ ꓟ ꓓꓳꓽ

12 ꓦ ꓟ 7 ꓠꓬꓲꓽ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓕꓲꓽ ꓘꓳꓼ ꓘꓴꓽ ꓗꓪ ꓡꓽ ꓛꓴ. ꓑꓳ ꓐꓱ ꓶ ꓣꓱꓽ ꓗꓷ ꓟ ꓒꓴ ꓫꓵꓺ ꓗꓪ ꓐꓰ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓫ. ꓢꓴ ꓟꓷꓼ ꓢꓴ ꓐꓴ ꓔꓯ ꓬꓰ ꓙ ꓗꓷ ꓥꓳ ꓐꓯ ꓫ. ꓢꓴ ꓟꓷꓼ ꓢꓴ ꓟꓽ ꓙꓳ ꓡ ꓓꓴ ꓥꓳ ꓐꓰ ꓐꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓟꓲ ꓠꓯ ꓕꓯꓽ ꓢꓲ ꓗꓪ ꓢꓰꓼ ꓡꓯ ꓘꓳ ꓓꓴ ꓮ ꓟꓬ, ꓗꓪ ꓣꓱꓽ ꓗꓷ ꓟ ꓒꓴ ꓫꓵꓺ ꓔꓯ ꓠꓬ ꓙꓲꓻ ꓖꓴ ꓟꓽ ꓙꓳ ꓗꓷ ꓡꓰ ꓟ ꓥ ꓡꓳ꓿

ꓕꓱ ꓒꓴ ꓫꓵꓺ ꓔꓯ ꓟꓲ ꓠꓯ ꓗꓪ ꓫ. ꓢꓴ ꓟꓷꓼ ꓢꓴ ꓐꓴ ꓐꓱ ꓶ ꓣꓱꓽ ꓠ, ꓟ ꓞꓳ ꓜꓴꓻ ꓗꓴꓷꓼ ꓔꓯ ꓟ. ꓖꓶ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓗꓪ ꓙꓵꓽ ꓢꓴ ꓐꓴ ꓠꓵꓻ ꓠꓲ, ꓣꓱꓽ ꓢꓲ ꓠꓬꓲ ꓬꓰ ꓔꓬ ꓢꓴ ꓔꓯ ꓬꓰ ꓙ ꓠ, ꓟ ꓐꓯ ꓟ. ꓖꓶ ꓗꓷꓳ꓿ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓠꓵꓻ ꓠꓲ, ꓔꓯ ꓣꓱꓽ ꓢꓲ ꓠꓬꓲ ꓫ. ꓢꓴ ꓔꓯ ꓬꓰ ꓙ ꓠ, ꓟ ꓥ ꓡꓳ꓿ ꓣꓳ ꓠꓬ ꓦꓻ ꓡꓱ ꓢꓴ ꓥ ꓟꓲ ꓫ. ꓢꓴ ꓔꓯ ꓟꓽ ꓬꓰ ꓙ ꓠꓬ ꓣꓳ ꓙꓵꓻ ꓠꓲ, ꓕꓶꓺ ꓡꓰ ꓠ, ꓟ ꓙꓲꓻˍ ꓟ ꓟꓬꓱꓽ ꓬꓰ ꓠ, ꓟ ꓟ. ꓖꓶ ꓔ ꓡꓳ꓿

ꓦꓻ ꓡꓱ ꓢꓴ ꓐꓯ ꓠꓬ ꓠꓵꓻ ꓠꓲ, ꓔꓯ ꓪꓳꓽ ꓔ ꓢꓲ ꓬꓰ ꓙ ꓠ, ꓟ ꓟ. ꓖꓶ ꓔ ꓡꓳ꓿ ꓟꓲ ꓠꓯ ꓕꓯꓽ ꓢꓲ ꓢꓰꓼ ꓡꓯ ꓘꓳˍ ꓟ ꓔꓯ ꓠꓽ ꓗꓷ ꓠ, ꓟ ꓝꓮꓲ ꓪꓴ‐ꓢ ꓠꓵꓻ ꓠꓲ, ꓗꓪ ꓐꓰ ꓕꓲ ꓣꓳ ꓛꓳ ꓕꓲ ꓣꓳ ꓠꓲ, ꓠꓵꓻ ꓠ, ꓟ ꓐꓯ ꓟ. ꓖꓶ ꓗꓷꓳ꓾ ꓐꓰ ꓢꓷ. ꓪ ꓡꓳ꓿