ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓟꓬ‐ꓟ ꓗꓴꓷꓼ ꓗꓪ ꓟꓯꓼ ꓓꓰꓽ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓟꓽ ꓟꓲ ꓡꓰ ꓠ, ꓟ ꓐꓯ ꓗꓷ ꓟ (Church news)

#Pope Francis #Pray #Myanmar #creditphoto

Monday, April 15, 2024

ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓟꓬ‐ꓟ ꓗꓴꓷꓼ ꓗꓪ ꓟꓯꓼ ꓓꓰꓽ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓔꓯ ꓟꓽ ꓟꓲ ꓡꓰ ꓠ, ꓟ ꓐꓯ ꓗꓷ ꓟ

4 ꓦꓟ 11 ꓠꓬꓲ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓡꓰ ꓟꓬ‐ꓟ ꓗꓴꓷꓼ ꓗꓪ ꓮ ꓟꓶ ꓟ ꓙꓵ, ꓗꓪ ꓟꓯꓼ ꓓꓶꓽ ꓟꓯꓼ ꓢꓰꓼ ꓡꓯꓽ ꓘꓳ, ꓔꓬ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓮ ꓙꓵꓽ ꓔꓯ ꓟꓽ ꓟꓲ ꓡꓰ ꓠ, ꓟ ꓝꓮꓲ ꓕꓲ ꓧꓪ, ꓐꓯ ꓗꓷ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓦꓮꓔꓲꓚꓮꓠ ꓗꓴꓷꓼ ꓗꓪ ꓫꓬ, ꓦ ꓟ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓓꓽ ꓟ ꓗꓪ ꓪꓽ ꓘꓴ ꓙꓵ, ꓕꓯ ꓟꓬ‐ꓟ ꓗꓴꓷꓼ ꓐꓱ ꓶ ꓫ. ꓕꓱ ꓗꓷ ꓟ ꓥ ꓡꓳ꓿

ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓠꓬ ꓟꓵ ꓗꓳ ꓓꓵ ꓓꓵ ꓥ ꓟꓲ ꓟꓬ‐ꓟ ꓗꓴꓷꓼ ꓔꓯ ꓟꓽ ꓟꓲ ꓡꓰ ꓠ, ꓟ ꓫ. ꓕꓱ ꓗꓷ ꓟ ꓥ ꓡꓳ꓿ꓝꓮꓲ ꓟꓬ‐ꓟ ꓗꓴꓷ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓪꓴ. ꓠꓬꓲ ꓠꓲ, ꓫ. ꓟꓬ ꓫ. ꓔꓳ, ꓜꓳ ꓔꓬ ꓢꓴ ꓐꓴ ꓮ ꓙꓵꓽ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓢꓲ ꓠꓬꓲ ꓬꓰ ꓙ ꓔꓳ, ꓙ ꓠ, ꓟ ꓫ. ꓕꓱ ꓗꓷ ꓔ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ 4 ꓦ ꓟ 13 ꓠꓬꓲ ꓕꓯ ꓮꓴꓢꓔꓲꓡꓲꓮ ꓗꓴꓷꓼ ꓢꓬꓓꓠꓰꓬ ꓡꓳ ꓒꓱ ꓗꓪ ꓟꓽ ꓙꓲ ꓢꓴ ꓕꓲ ꓣꓳ ꓡꓰ ꓮ‐ꓕ ꓔꓯ ꓢꓲ ꓠꓬꓲ ꓙꓵ, ꓔꓲ ꓗꓪ ꓙꓰ ꓔꓬ ꓟ ꓑ ꓫꓬ 6 ꓣꓳ ꓔꓯ ꓢꓲ ꓔꓯ ꓫꓵꓻ ꓡꓰ ꓝꓲ ꓟ ꓐꓰ ꓠꓻ ꓓꓴ ꓡꓰ ꓢꓴ ꓮ ꓟꓬ, ꓙꓳˍ ꓟ ꓪꓴ. ꓠꓬꓲ ꓠꓲ, ꓟ ꓫ. ꓫ ꓔꓬ ꓟ ꓔꓯ ꓫ. ꓕꓱ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓮ ꓘꓶ. ꓪꓽ ꓘꓴ ꓠ, ꓟ ꓐꓯ ꓔ ꓡꓳ ꓐꓰ (ꓦꓮꓔꓲꓚꓮꓠ ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿