Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓲꓽ ꓒ Joe Biden ꓐꓴ ꓐꓰ Ukraine ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓖꓪ ꓙꓱ ꓡꓯ ꓘꓳ, ꓟ ꓓꓳꓽ
Monday, July 24, 2023
ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓲꓽ ꓒ Joe Biden ꓐꓴ ꓐꓰ Ukraine ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓖꓪ ꓙꓱ ꓡꓯ ꓘꓳ, ꓟ ꓓꓳꓽ
7 ꓦ ꓟ 21 ꓠꓬꓲ 2023 ꓘꓳꓼ ꓕꓯ ꓦꓮꓔꓲꓚꓮꓠ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓴꓢꓮ ꓗꓴꓷꓼ ꓙꓵꓽ ꓢꓲꓽ ꓒ ꓙꓳꓰ ꓐꓲꓓꓰꓠ ꓐꓴ ꓴꓗꓣꓮꓲꓠꓰ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓖꓪ ꓙꓱ ꓡꓯ ꓘꓳ ꓗꓷꓳ ꓐꓰ ꓐꓯ ꓔ ꓡꓳ꓿ Ukraine ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓙꓵꓽ ꓪ ꓖꓶ ꓗꓷ ꓢꓴ ꓠꓬ ꓔꓲꓺ ꓒ ꓓꓽ Cardinal Matteo Zuppi ꓟꓬꓱꓺ ꓔ ꓢꓴ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓝꓲ ꓓꓴ ꓠꓬ ꓴꓢꓮ ꓗꓴꓷꓼ ꓗꓪ ꓙꓰ ꓢꓲ ꓠꓬꓲ ꓖꓪ ꓙꓱ ꓡꓯ ꓘꓳ ꓗꓷ ꓟ ꓥ ꓡꓳ꓿ Cardinal ꓠꓬ ꓴꓢꓮ ꓗꓴꓷꓼ ꓗꓪ ꓛꓲ ꓡꓰ ꓟ ꓠꓬꓲꓽ ꓠꓬꓲ ꓟ ꓕꓲ ꓠꓬꓲ ꓕꓯ ꓴꓢꓮ ꓗꓴꓷꓼ ꓢꓲꓽ ꓒ ꓐꓰ ꓖꓪ ꓙꓱ ꓡꓯ ꓘꓳ, ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓔꓲꓺ ꓒ ꓪ ꓔꓲ ꓝꓲ ꓓꓴ ꓐꓰ ꓴꓢꓮ ꓗꓴꓷꓼ ꓢꓲꓽ ꓒ ꓐꓴ ꓴꓗꓣꓮꓲꓠꓰ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓖꓪ ꓙꓱ ꓡꓯ ꓘꓳ ꓗꓷ ꓟ ꓠꓬ ꓮ ꓟꓬ, ꓛꓲ ꓙꓲˍ ꓟ ꓟꓬꓱꓽ ꓕꓲ ꓫꓵꓽ ꓥ ꓡꓳ ꓐꓰ ꓮ ꓘꓶ. ꓗ, ꓛꓲ ꓟ ꓓꓳꓽ ꓥ ꓡꓳ ꓐꓰ ꓴꓢꓮ ꓗꓴꓷꓼ ꓗꓪ ꓐꓰ Cardinal Francis Prevost ꓡꓰ ꓐꓯ ꓔ ꓡꓳ꓿
ꓕꓱ ꓖꓪ ꓙꓱ ꓡꓯ ꓘꓳ ꓗꓷ ꓟ ꓗꓪ ꓴꓗꓣꓮꓲꓠꓰ ꓤ ꓠꓱ ꓤ ꓐꓴ ꓔꓯ ꓗꓴꓷꓼ ꓗꓪ ꓐꓰ ꓣ‐ꓫ ꓟꓯꓼ ꓐꓴ ꓡꓰ ꓣꓴ ꓔꓯ, ꓙꓰ ꓢꓴ ꓐꓴ ꓔꓯ ꓴꓗꓣꓮꓲꓠꓰ ꓗꓴꓷꓼ ꓗꓪ ꓝꓮꓲ ꓬꓯꓼ ꓡ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓰ ꓴꓗꓣꓮꓲꓠꓰ ꓗꓴꓷꓼ ꓐꓰ ꓣ‐ꓫ ꓗꓴꓷꓼ ꓢꓰꓼ ꓡꓯ ꓘꓳ, ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓐꓰ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓠ, ꓟ ꓮ ꓟꓬ, ꓫꓵꓽ ꓔꓯ ꓖꓪ ꓙꓱ ꓡꓯ ꓘꓳ ꓗꓷꓳ ꓐꓰ Vatican ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment