ꓔꓲꓺ ꓒ ꓪ ꓔꓲ ꓠꓬ ꓙ‐ꓑ ꓢꓲꓽ ꓒꓽ ꓓꓽ Shinzo Abe ꓫꓵꓻ ꓡꓰ ꓟ ꓑꓶ. ꓓꓴ ꓠꓲ, ꓫ ꓟꓬ ꓫ ꓔꓬ ꓡꓳ ꓐꓯ ꓟ ꓓꓳꓽ

ꓔꓲꓺ ꓒ ꓪ ꓔꓲ ꓠꓬ ꓙ‐ꓑ ꓢꓲꓽ ꓒꓽ ꓓꓽ Shinzo Abe ꓫꓵꓻ ꓡꓰ ꓟ ꓑꓶ. ꓓꓴ ꓠꓲ, ꓫ ꓟꓬ ꓫ ꓔꓬ ꓡꓳ ꓐꓯ ꓟ ꓓꓳꓽ

7 ꓦ 12 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓙ‐ꓑ ꓗꓴꓷꓽ ꓢꓲꓽ ꓒꓽ ꓓꓽ Shizo Abe ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓡꓽ ꓛꓴ. ꓑꓳ ꓗꓪ ꓐꓰ ꓢꓰꓼ ꓗꓷꓳ ꓐꓰ ꓢꓷ. ꓡꓰ ꓟ ꓪꓴ. ꓠꓬꓲ ꓮ ꓘꓶ. ꓠꓲ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓗꓳ. ꓗꓷ ꓟ ꓕꓲꓽ ꓫꓵꓽ ꓠꓽ ꓟ ꓠꓽ ꓥꓪꓽ ꓠꓬꓲ ꓕꓯ ꓙ‐ꓑ ꓗꓴꓷꓼ ꓙꓵꓽ ꓢꓲꓺ ꓒꓽ ꓓꓽ ꓔꓯ ꓟꓽ ꓙꓲꓻ ꓢꓴ ꓡꓰ ꓢꓰꓼ ꓗꓷꓳ ꓐꓰ ꓑ ꓙ ꓗꓷ ꓗ ꓠꓯ. ꓔꓲꓺ ꓒ ꓪ ꓔꓲ ꓠꓬ ꓢꓲꓺ ꓒꓽ ꓓꓽ ꓕꓲꓽ ꓦꓲꓻ ꓐꓰ ꓙ‐ꓑ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓕꓳꓽ ꓶ ꓗꓪ ꓐꓰ ꓢꓲꓺ ꓒꓽ ꓓꓽ ꓐꓱ ꓶ ꓠꓲ, ꓫ. ꓟꓬ ꓫ. ꓔꓬ ꓡꓳ ꓕꓳ ꓶ ꓐꓳ ꓖꓶ ꓗꓷꓳ꓿ꓢꓲꓽ ꓒꓽ ꓓꓽ ꓠꓬ ꓙ‐ꓑ ꓗꓴꓷꓼ ꓗꓪ ꓬꓲ ꓙꓵ, ꓟꓶ ꓫꓵˍ ꓫꓵˍ ꓙ‐ꓑ ꓗꓴꓷꓼ ꓔꓯ ꓪꓴꓽ ꓟꓴ ꓡ ꓠ, ꓟ ꓢꓯꓼ ꓢꓴ ꓕꓲ ꓣꓳ ꓥ ꓡꓳ꓿

ꓢꓲꓽ ꓒꓽ ꓓꓽ ꓠꓬ ꓟꓲ ꓠꓯ ꓡ ꓞꓳ ꓫ. ꓢꓴ ꓟꓷꓼ ꓢꓴ ꓔꓯ ꓗꓴꓷꓼ ꓮ ꓟꓬ, ꓗꓪ ꓬꓰ ꓙ ꓔꓳ ꓙ ꓢꓴ ꓟꓲ ꓥ ꓡꓳ꓿ꓖꓳ ꓡꓱ ꓥ ꓟ ꓑꓶ. ꓓꓴ ꓢꓲꓽ ꓒꓽ ꓓꓽ ꓫꓵꓻ ꓡꓰ ꓟ ꓠꓬ ꓗꓴꓷꓼ ꓑ ꓫꓬ ꓐꓴ ꓡꓰ ꓟꓽ ꓞꓲꓺ ꓟꓵꓽ ꓗꓳ, ꓓꓵ ꓓꓵ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓐꓱ ꓶ ꓠꓲ, ꓟ ꓫ. ꓓꓴ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓗꓳ. ꓗꓷ ꓟ 2019 ꓘꓳꓼ ꓕꓯ ꓙ‐ꓑ ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓬ ꓗꓪ ꓚꓳ ꓙꓰˍ ꓕꓯ ꓢꓲꓽ ꓒꓽ ꓓꓽ ꓐꓰ ꓕꓲꓽ ꓪ ꓫ. ꓕꓱ ꓢꓲ ꓠꓬꓲ ꓙꓲˍ ꓟ ꓟꓬꓱꓽ ꓮ ꓟꓬ ꓬꓰ ꓗꓷꓳ ꓐꓰ ꓢꓷ. ꓪ ꓡꓳ꓿