ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓑꓮꓲꓽ ꓐꓱ ꓶ ꓟꓬꓱꓽ ꓬꓰ ꓙ ꓗꓷ ꓟ ꓞꓳ ꓡꓱ (25000) ꓣꓳ ꓐꓰ ꓜꓲ ꓡꓯ ꓘꓳ ꓗꓷꓳ

ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓑꓮꓲꓽ ꓐꓱ ꓶ ꓟꓬꓱꓽ ꓬꓰ ꓙ ꓗꓷ ꓟ ꓞꓳ ꓡꓱ (25000) ꓣꓳ ꓐꓰ ꓜꓲ ꓡꓯ ꓘꓳ ꓗꓷꓳ
37 ꓧꓪꓹ ꓟ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓐꓴ ꓦꓬꓼ ꓠꓬꓲ (World Youth Day) ꓑꓮꓲꓽ ꓔꓯ ꓧꓪꓸ ꓧꓪꓸꓼ ꓡꓰꓽ ꓬꓰ ꓐ ꓡ ꓠꓹ ꓟ ꓐꓱ ꓶ ꓟꓬꓱꓽ ꓬꓰ ꓙ ꓖꓶ ꓔꓬ ꓟ ꓞꓳ ꓡꓱ ꓐꓴ ꓮ ꓟꓬꓹ ꓙꓳˍ ꓡꓳ=
ꓗꓴꓷꓼ 140 ꓗꓴꓷꓼ ꓗꓪ ꓐꓰ ꓬꓰ ꓙ ꓢꓴ (25000) ꓣꓳ ꓠꓬ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓑꓮꓲꓽ ꓗꓪ ꓛꓲ ꓡ ꓢꓴ ꓮ ꓙꓵꓽ ꓐꓱ ꓶ ꓜꓽ ꓓꓴ꓾ ꓓꓳ ꓓꓴ꓾ ꓔꓬ ꓖꓴ ꓐꓰ ꓠꓱꓸ ꓐꓯ ꓣꓱꓽ ꓞꓹ ꓟ ꓮ ꓙꓵꓽ ꓐꓱ ꓶ ꓟꓬꓱꓽ ꓬꓰ ꓙ ꓗꓷ ꓢꓴ ꓐꓴ ꓥ ꓡꓳ=
ꓔꓲ ꓒ ꓪ ꓔꓲ Francis ꓠꓬ ꓟꓬꓱꓽ ꓬꓰ ꓙ ꓗꓷ ꓟ ꓞꓳ ꓡꓱ ꓐꓴ ꓐꓰ ꓜꓲ ꓡꓯ ꓘꓳ ꓗꓷ ꓢꓲ ꓬꓲ ꓪ ꓔꓯ ꓫꓸ ꓟꓳ ꓘꓶꓽ ꓫꓸ ꓕꓱ ꓗꓷꓳ= ꓖꓳ ꓗ ꓠꓯꓸ ꓬꓲ ꓡꓰ ꓝ ꓢꓲ "ꓠꓵꓻ ꓠꓲꓹ ꓬꓲꓻ ꓒꓻ꓾ ꓢꓴ ꓔꓯ ꓣꓱꓽ ꓙˍ ꓟ ꓬꓲꓻ ꓒꓻ ꓐꓴ ꓔꓯ ꓝ ꓢꓲ ꓜꓶꓽ ꓡꓯ꓾ ꓠꓵꓻ ꓠꓲꓹ ꓬꓲꓻ ꓒꓻ ꓜꓶꓽ ꓢꓴ ꓒꓬꓱꓼ ꓡ ꓝꓲ" ꓐꓰ ꓐꓯ ꓢꓲ ꓢꓯꓼ ꓖꓶ ꓗꓷꓳ=
ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓱ ꓐꓴ ꓑꓮꓲꓽ ꓦꓬꓼ ꓠꓬꓲ ꓔꓯ ꓑꓳ-ꓔꓴ-ꓖꓲ ꓗꓴꓷꓼ꓾ ꓡꓲꓢꓐꓳꓠ ꓡꓳ ꓒꓱ ꓗꓪ 8 ꓦ 1 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓬꓰ ꓗꓷ ꓢꓲ꓾ ꓑꓮꓲꓽ ꓖꓳ ꓟ ꓗꓪ ꓔ ꓡ ꓢꓴ ꓞꓳ ꓡꓱ ꓐꓴ ꓠꓬ 10 ꓫꓬꓹ ꓟꓽ ꓞꓲ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=