ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓘꓳꓼ ꓐꓰ ꓫꓸ ꓓꓴ ꓔꓳꓹ ꓜꓳ ꓔꓬ ꓟ Slovenia ꓐꓰ Georgia ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓟꓵꓽ ꓘꓳꓼ ꓐꓰ ꓫꓸ ꓓꓴ ꓔꓳꓹ ꓜꓳ ꓔꓬ ꓟ Slovenia ꓐꓰ Georgia ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓔꓬ ꓟ꓾

ꓠꓽ ꓢ ꓠꓬꓲ ꓕꓯ ꓲ-ꓔ-ꓡꓲ ꓪꓽ ꓘꓴ ꓜꓲꓼ ꓡ ꓢꓴ ꓐꓴ ꓔꓯ ꓔꓲꓺ ꓒ ꓪ ꓔꓲ ꓡꓰ ꓡꓳꓹ ꓬꓰ ꓟ ꓙꓵꓹ ꓗꓪ ꓟꓵꓽ ꓘꓳꓼ ꓑꓶꓸ ꓓꓴ ꓡ ꓞꓳ ꓫꓵꓻ ꓡꓰ ꓟ꓾ ꓫꓸ ꓓꓴ ꓔꓳꓹ ꓜꓳ ꓔꓬ ꓟ Slovenia ꓐꓰ Georgia ꓗꓴꓷꓼ ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ=

“ꓫꓸ ꓔꓬ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓟ ꓥꓳ꓾ ꓥꓪ ꓦ ꓕꓲ ꓒꓳꓹ ꓗꓪ ꓐꓰ ꓬꓲꓸ ꓪ ꓕꓲ ꓦꓲꓻ ꓢꓴ ꓐꓴ ꓐꓰ ꓕꓲ ꓪꓼ ꓔꓬ ꓡꓳ꓾” ꓐꓰ ꓐꓯ ꓔ ꓡꓳ= ꓝꓮꓲ ꓫꓱꓸ ꓤ ꓠꓲꓹ ꓐꓰ ꓬꓰ ꓙ ꓔꓳꓹ ꓙ ꓢꓴ ꓔꓯ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓫꓸ ꓟꓳ ꓘꓶꓽ ꓐꓯ ꓔ ꓡꓳ=

ꓡꓳꓹ ꓬꓰ ꓟ ꓙꓵꓹ ꓕꓯ Slovenia ꓗꓪ ꓟꓶꓽ ꓦ ꓮ ꓘꓶꓸ ꓦ ꓟ ꓔꓳꓹ ꓜꓳ ꓡꓰ ꓟ ꓥꓳ= ꓬꓲꓻ ꓙꓬ ꓮ ꓟꓬ ꓙꓵꓽ_ ꓟ ꓑꓶ ꓓꓴ ꓞꓳ ꓤ 6 ꓣꓳ ꓫꓵꓻ ꓡꓰ ꓢꓲ꓾ ꓡ ꓞꓳ ꓮ ꓟꓬꓹ ꓔꓬ ꓦꓲꓻ ꓟꓽ ꓙꓳ꓾ ꓜ ꓓꓴ ꓓꓳꓺ ꓓꓴ ꓫꓸ ꓓꓴ ꓔꓳꓹ ꓜꓳ ꓡꓰ ꓟ ꓥꓳ=

ꓡꓳꓹ ꓬꓰ ꓟ ꓠꓽ ꓡꓲꓸ ꓠꓬꓲ ꓕꓯ Georgia ꓗꓴꓷꓼ ꓐꓶ ꓓꓵꓽ ꓕꓲ ꓛꓱ 140 km ꓗꓪ Shovi ꓪꓽ ꓚꓲ ꓡꓳ ꓧꓳꓹ ꓧꓳꓹ ꓡꓰ ꓢꓲ꓾ ꓞꓳ ꓤ 19 ꓣꓳ ꓛꓲ ꓫꓵꓻ ꓡꓰ ꓟ ꓥꓳ ꓐꓰ ꓢꓷꓸ ꓪ ꓡꓳ=