ꓔꓲꓺ ꓒ ꓪ ꓔꓲ ꓠꓬ ꓦꓮꓔꓲꓚꓮꓠ ꓗꓪ ꓤ ꓠꓱ ꓤ ꓐꓴ ꓢꓳꓺ ꓜꓲꓼ ꓓꓴ ꓬꓰ_ ꓟ ꓗꓪ ꓚꓳ ꓙꓰ ꓟ꓾

ꓔꓲꓺ ꓒ ꓪ ꓔꓲ ꓠꓬ ꓦꓮꓔꓲꓚꓮꓠ ꓗꓪ ꓤ ꓠꓱ ꓤ ꓐꓴ ꓢꓳꓺ ꓜꓲꓼ ꓓꓴ ꓬꓰ_ ꓟ ꓗꓪ ꓚꓳ ꓙꓰ ꓟ꓾

7 ꓦ 18 ꓠꓬꓲ꓾ ꓠꓽ ꓠꓬꓲ ꓠꓬꓲ ꓕꓯ ꓔꓲꓺ ꓒ ꓪ ꓔꓲ ꓠꓬ ꓦꓮꓔꓲꓚꓮꓠ ꓗꓪ ꓤ ꓠꓱ ꓤ ꓐꓴ ꓢꓳꓺ ꓜꓲꓼ ꓓꓴ ꓬꓰ_ ꓟ ꓗꓪ ꓤ ꓠꓱ ꓐꓴ ꓐꓰ ꓜꓲ ꓡꓯꓼ ꓘꓳ ꓟ ꓥꓳ= ꓕꓱ ꓢꓳꓺ ꓜꓲꓼ ꓓꓴ ꓠꓬ 7 ꓦ 3 ꓠꓬꓲ ꓗꓪ ꓐꓰ 8 ꓦ 4 ꓠꓬꓲ ꓗꓪ ꓛꓲ ꓥ ꓡꓳ= ꓤ ꓠꓱ ꓤ ꓐꓴ ꓠꓬ 5 ꓘꓳꓼ ꓗꓪ ꓐꓰ 13 ꓘꓳꓼ ꓛꓲ ꓥ ꓢꓲ꓾ ꓮ ꓙꓵ ꓠꓬ 250 ꓣꓳ ꓛꓲ ꓢꓳꓺ ꓜꓲꓼ ꓡ ꓟ ꓥꓳ=  

ꓤ ꓠꓱ ꓤ ꓐꓴ ꓔꓲꓺ ꓒ ꓪ ꓔꓲ ꓔꓯ ꓠ ꓠꓬꓲ ꓘꓶꓽ ꓔꓯ ꓒꓳꓹ ꓖꓶ_ ꓟ ꓗꓪ ꓐꓰ Edoardo ꓐꓰ ꓟꓬꓱꓺ ꓟ ꓤ ꓠꓱ ꓤ ꓡꓰ ꓥꓪ ꓠꓴ ꓮꓽ ꓐ ꓮ ꓟ ꓠꓯꓼ ꓗꓪ ꓥꓪ ꓠꓴ ꓗꓪ ꓐꓰ ꓮ ꓫꓵ ꓐꓯ ꓘꓶꓽ ꓮ ꓫꓵ ꓓꓳꓽ ꓖꓶ ꓐ ꓡ ꓡ꓾ ꓐꓰ ꓠ ꓠꓬꓲ ꓡꓳ= ꓔꓲꓺ ꓒ ꓪ ꓔꓲ ꓡꓰ ꓮꓽ ꓐ ꓮ ꓟ ꓐꓴ ꓔꓯ ꓫꓸ ꓟꓳ ꓗꓴꓸ ꓠꓹ ꓟ꓾ ꓮ ꓟꓶ ꓗꓪ ꓛꓲ ꓡꓳꓸ ꓙ ꓐꓳ ꓙ ꓖꓶ ꓡ ꓟ ꓔꓯ ꓮ ꓕꓯ ꓟꓲ ꓫꓸ ꓟꓳ ꓐꓰ ꓐꓯ ꓠꓹ ꓟ ꓒꓳꓹ ꓖꓶ_ ꓡꓳ=

Elena ꓡꓰ ꓠ ꓠꓬꓲ ꓟ ꓠꓬ ꓔꓲꓺ ꓒ ꓪ ꓔꓲ ꓔꓯ ꓔꓲꓺ ꓒ ꓪ ꓔꓲ ꓢꓴꓑꓰꓣꓧꓰꓣꓳ ꓠꓬ ꓮ ꓟ ꓥ ꓡ ꓐꓰ ꓠ ꓠꓬꓲ_ ꓡꓳ= ꓔꓲꓺ ꓒ ꓪ ꓔꓲ ꓠꓬ ꓞꓲꓼ ꓪꓴ ꓢꓴ ꓮ ꓑ ꓮ ꓣ ꓥ ꓡꓳ꓾ ꓬꓲꓸ ꓪ ꓠꓯꓼ ꓗꓪ ꓬꓲꓸ ꓪ ꓔꓳꓹ ꓜꓳ ꓡ ꓟ ꓗꓪ ꓐꓰ ꓢꓷꓸ ꓠꓲꓹ ꓮ ꓟꓬꓹ ꓙꓳ_ ꓡꓳ꓾ ꓖꓳ ꓟ ꓑꓶ ꓓꓴ ꓬꓲꓸ ꓪ ꓐꓰ ꓫꓸ ꓕꓱ ꓠꓹ ꓟ ꓮ ꓘꓶꓸ ꓣꓳꓸ ꓚꓵ_ ꓡꓳ ꓐꓰ ꓒꓳꓹ ꓖꓶ_ ꓡꓳ=

ꓕꓱ ꓢꓳꓺ ꓜꓲꓼ ꓓꓴ ꓗꓪ ꓐꓰ ꓤ ꓠꓱ ꓤ ꓐꓴ ꓔꓯ ꓬꓲꓻ ꓙꓬ ꓢꓸ ꓔ ꓟ꓾ ꓔꓰꓠꓠꓲꓢ ꓡꓳ ꓖꓪ ꓟ꓾ ꓠꓱꓸ ꓐꓯꓼ ꓡꓳ ꓖꓪ ꓫꓵ꓾ ꓡꓯꓽ ꓟꓬꓱꓽ꓾ ꓐꓰ ꓢꓷꓸ ꓠꓲꓹ ꓮ ꓟꓬꓹ ꓤ ꓠꓱ ꓤ ꓐꓴ ꓔꓯ ꓬꓰ ꓖꓶ ꓟꓸ ꓖꓶ_ ꓟ ꓡꓰ ꓐꓰ ꓕꓲ ꓣꓳ ꓛꓳ ꓕꓲ ꓣꓳ ꓪ ꓡꓯ ꓘꓳ ꓫꓱꓸ ꓡꓯꓼ ꓘꓳ ꓟ ꓐꓰ ꓬꓲꓸ ꓒꓵ ꓔꓯ ꓢꓷꓸ ꓠꓹ ꓟ ꓥ ꓟꓲ ꓟꓸ ꓖꓶ_ ꓟ ꓥꓳ=