ꓔꓲꓺ ꓒ ꓪ ꓔꓲ ꓠꓬ Canada ꓗꓴꓷꓼ ꓗꓪ ꓐꓰ ꓙꓲ‐ꓢꓴ ꓢꓲꓺꓤ ꓐꓴ ꓐꓱ ꓶ ꓠꓲ, ꓟ ꓟꓽ ꓗ, ꓛꓲ ꓟ ꓓꓳꓽ

Thursday, July 28, 2022

   ꓔꓲꓺ ꓒ ꓪ ꓔꓲ ꓠꓬ Canada ꓗꓴꓷꓼ ꓗꓪ ꓐꓰ ꓙꓲ‐ꓢꓴ ꓢꓲꓺꓤ ꓐꓴ ꓐꓱ ꓶ ꓠꓲ, ꓟ ꓟꓽ ꓗ, ꓛꓲ ꓟ ꓓꓳꓽ

7 ꓦ ꓟ 25 ꓠꓬꓲ 2022 ꓠꓽ ꓕꓲ ꓠꓬꓲ ꓕꓯ ꓔꓲꓺ ꓒ ꓪ ꓔꓲ Francis ꓠꓬ Canada ꓗꓴꓷꓼ  Edmonton ꓡꓳ ꓒꓱꓼ ꓗꓪ Maskwacis ꓗꓪ ꓑ ꓫꓬ ꓐꓴ ꓐꓰ ꓜꓲꓼ ꓡꓯꓼ ꓘꓳ ꓗꓷ ꓕꓯ ꓑ ꓫꓬ ꓐꓴ ꓐꓱ ꓶ ꓠꓲ, ꓟ ꓟꓽ ꓗ, ꓛꓲ ꓟ ꓔꓯ ꓐꓯ ꓖꓶ ꓗꓷꓳ꓿ India ꓞꓳ ꓫꓵꓽ ꓐꓴ ꓔꓬ ꓟ ꓢꓳ ꓦꓲꓻ ꓗꓪ ꓒꓬꓱꓼ ꓗꓷ ꓟ ꓟꓽ ꓔꓱ , ꓟꓽ ꓜꓳꓽ ꓟ ꓚꓱ, ꓐꓰ ꓟꓽ ꓙꓲꓻ ꓟ ꓮ ꓟꓬ, ꓫꓵꓽ ꓔꓯ ꓢꓷ. ꓪ ꓡꓰ ꓟ ꓑꓶ. ꓓꓴ ꓑ ꓫꓬ ꓐꓴ ꓐꓱ ꓶ ꓠꓲ, ꓟ ꓟꓽ ꓗ, ꓛꓲ ꓡꓳ ꓐꓰ ꓔꓲꓺ ꓒ ꓪ ꓔꓲ ꓠꓬ ꓐꓯ ꓖꓶ ꓗꓷꓳ꓿

ꓝꓮꓲ India ꓞꓳ ꓫꓵꓽ ꓐꓴ ꓔꓬ ꓟ ꓢꓳ ꓦꓲꓻ ꓗꓪ ꓟ ꓢꓳ ꓤ ꓐꓴ ꓔꓯ ꓢꓷ. ꓠꓲ ꓚꓱ, ꓐꓰ ꓓꓵꓽ ꓙ ꓚꓱ, ꓮ ꓟꓬ, ꓫꓵꓽ ꓗꓪ ꓟꓽ ꓔꓱ, ꓟꓽ ꓜꓳꓽ ꓟ ꓒꓬꓱꓼ ꓗꓷ ꓟ ꓪꓴ. ꓠꓬꓲ ꓮ ꓘꓶ. ꓠꓲ, ꓟ ꓟꓽ ꓗ, ꓛꓲ ꓟ ꓚꓱ, ꓔꓯ ꓐꓯ ꓖꓶ ꓗꓷꓳ꓿ ꓕꓱ ꓟꓽ ꓔꓱ, ꓟꓽ ꓜꓳ ꓟ  ꓮ ꓟꓬ, ꓫꓵꓽ ꓬꓰ ꓥꓳꓽ ꓡꓰ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓙꓵꓽ ꓔꓯ ꓔꓲꓺ ꓒ ꓪ ꓔꓲ ꓠꓬ ꓖꓶꓻ ꓬꓲ ꓗꓷꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓞꓳ ꓘ, ꓗꓪ ꓔꓬ ꓟ ꓑ ꓫꓬ ꓐꓴ ꓦ ꓡꓱ ꓚꓱ, ꓞꓳ ꓙꓳ ꓢꓯ. ꓔꓬ ꓚꓱ, ꓡꓲ ꓒꓲꓼ ꓚꓱ, ꓮ ꓙꓵꓽ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓙꓵꓽ ꓪ ꓙꓳ ꓢꓴ ꓐꓴ ꓔꓯ ꓐꓯ ꓖꓶ ꓗꓷꓳ ꓐꓰ ꓢꓷ. ꓪ ꓡꓳ꓿    

Add new comment

6 + 8 =

Quick Links