ꓔꓲꓺ ꓒ ꓪ ꓔꓲ ꓠꓬ Marseille ꓗꓪ ꓚꓳ ꓙꓰ ꓠꓹ ꓟ ꓚꓱꓹ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ ꓗꓷ ꓟ꓾

Thursday, September 21, 2023

ꓔꓲꓺ ꓒ ꓪ ꓔꓲ ꓠꓬ Marseille ꓗꓪ ꓚꓳ ꓙꓰ ꓠꓹ ꓟ ꓚꓱꓹ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ ꓗꓷ ꓟ꓾

ꓔꓲꓺ ꓒ ꓪ ꓔꓲ ꓠꓬ Marseille ꓗꓪ 9 ꓦ 22- 23 ꓠꓬꓲ ꓗꓪ ꓛꓲ ꓠꓱꓸ ꓐꓯꓼ ꓗꓴꓷꓼ ꓝꓲ ꓓꓴ ꓐꓰ ꓚꓳ ꓙꓰ ꓠꓹ ꓟ ꓥꓳ꓾ Marseille ꓠꓬ ꓝꓣꓮꓠꓚꓰ ꓖꓴ ꓟꓶꓸ ꓕꓲ ꓛꓱ ꓗꓪ ꓐꓰ ꓡꓳ ꓒꓱ ꓕꓲ ꓟ ꓥ ꓡꓳ꓾ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓫꓵ ꓪꓴ ꓑꓶ ꓓꓴ ꓠꓲꓹ ꓫ ꓟꓬ ꓫ ꓔꓬ ꓢꓴ Ukraine ꓗꓴꓷꓼ ꓐꓰ ꓬꓲꓻ ꓗꓳ ꓡꓳ ꓟꓵꓽ ꓗꓪ ꓔꓬ ꓟ ꓑ ꓫꓬ ꓐꓴ ꓐꓰ ꓕꓲ ꓪꓼ ꓔꓬ ꓡꓳ ꓐꓰ ꓐꓯ ꓔ ꓡꓳ=

Marseille ꓗꓪ ꓚꓳ ꓙꓰ ꓠꓹ ꓟ ꓬꓲꓸ ꓔꓶꓻ ꓙꓱꓼ ꓠꓬ ꓖꓪ ꓙꓱ ꓜꓲꓼ ꓓꓴ ꓬꓲꓸ ꓟꓶ ꓐꓲꓸ ꓑꓮꓲ ꓐꓱ ꓶ ꓥ ꓡꓳ꓾ ꓕꓱ ꓖꓪ ꓙꓱ ꓜꓲꓼ ꓓꓴ ꓗꓪ ꓠꓬ ꓔꓲꓺ ꓒ ꓓꓽ ꓐꓴ ꓞꓳ ꓡꓱ ꓐꓴ ꓜꓲꓼ ꓡ ꓢꓲ꓾ 9 ꓦ 17-24 ꓠꓬꓲ ꓗꓪ ꓛꓲ ꓥ ꓡꓳ=

ꓕꓱ ꓟ ꓠꓬ ꓬꓲꓼ ꓠꓬꓲ ꓤ ꓠꓵ ꓠꓲꓹ ꓔꓯ ꓟꓬ ꓠꓬꓲ ꓟꓬ ꓡ ꓠꓹ ꓟ ꓐꓱ ꓶ ꓬꓲꓸ ꓚꓱꓹ ꓕꓲ ꓟ ꓥ ꓡꓳ꓾ ꓕꓱ ꓗꓪ ꓜꓲꓼ ꓡ ꓢꓴ ꓐꓴ ꓠꓬ ꓡꓳ ꓒꓱ ꓗꓪ ꓐꓰ ꓝꓲ ꓓꓴ ꓐꓰ ꓡ_ ꓟ ꓥꓳ ꓐꓰ ꓐꓯ ꓔ ꓡꓳ= ꓔꓲꓺ ꓒ ꓪ ꓔꓲ ꓠꓱꓸ ꓐꓯꓼ ꓗꓴꓷꓼ ꓝꓲ ꓓꓴ ꓟꓬꓱꓽ ꓐꓰ ꓙꓰ_ ꓟ 44 ꓧꓪꓹ ꓟ ꓗꓷ ꓡꓰ ꓟ ꓥꓳ=