ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓢꓷ. ꓠꓲ, ꓠꓬ ꓟꓲ ꓠꓯ ꓡ ꓞꓳ ꓐꓴ ꓮ ꓙꓵꓽ ꓐꓱ ꓶ ꓮ ꓘꓶ. ꓙꓲ_ ꓟ ꓥꓳ ꓡꓳ. ꓓꓴ ꓥ ꓡꓳ ꓐꓰ ꓐꓯ ꓔ ꓟ ꓓꓳꓽ(Church news)

Monday, February 26, 2024

ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓢꓷ. ꓠꓲ, ꓠꓬ ꓟꓲ ꓠꓯ ꓡ ꓞꓳ ꓐꓴ ꓮ ꓙꓵꓽ ꓐꓱ ꓶ ꓮ ꓘꓶ. ꓙꓲ_ ꓟ ꓥꓳ ꓡꓳ. ꓓꓴ ꓥ ꓡꓳ ꓐꓰ ꓐꓯ ꓔ ꓟ ꓓꓳꓽ (Pope: Education is an act of hope for a better society)

2 ꓦ ꓟ24 ꓠꓬꓲ 2024 ꓘꓳꓼ ꓕꓯ ꓢꓑꓮꓲꓠ ꓗꓴꓷꓼ ꓗꓪ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓧꓳꓽ ꓪꓴ. ꓟꓴ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓔꓯ ꓮ ꓡꓰ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓖꓪ ꓙꓱꓼ ꓜꓲꓼ ꓓꓴ ꓬꓰ ꓟ ꓙꓵ, ꓕꓯ ꓟꓲ ꓠꓯ ꓢꓷ. ꓠꓲ, ꓠꓬ ꓟꓲ ꓠꓯ ꓡ ꓞꓳ ꓮ ꓙꓵꓽ ꓐꓱ ꓶ ꓮ ꓘꓶ. ꓛꓲ ꓙꓲ_ ꓟ ꓥꓳ ꓡꓳ. ꓓꓴ ꓥ ꓡꓳ ꓐꓰ ꓐꓯ ꓔ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓟꓲ ꓠꓯ ꓢꓷ. ꓠꓲ, ꓣꓳ ꓮ ꓙꓵꓽ ꓢꓴ ꓐꓴ ꓐꓱ ꓶ ꓔꓱ, ꓚꓵ_ ꓟ ꓥꓳ ꓡꓳ. ꓓꓴ ꓥ ꓟ ꓐꓰ ꓐꓬ ꓡꓰ ꓟ ꓜꓴꓻ ꓔꓯ ꓝꓮꓲ ꓕꓲ ꓧꓪ, ꓫꓬ, ꓠ, ꓟ ꓟꓬꓱꓽ ꓔꓯ ꓬꓰ ꓟ ꓙꓵ, ꓕꓯ ꓟꓲ ꓠꓯ ꓢꓷ. ꓠꓲ, ꓮ ꓘꓶ. ꓛꓲ ꓣꓳꓺ ꓚꓵ. ꓟ ꓔꓯ ꓟ. ꓖꓶ ꓗꓷꓳ꓿

ꓔꓲꓺ ꓒ ꓪ ꓔꓲ ꓡꓰ ꓢꓑꓮꓲꓠ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓬꓰ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓠꓬ ꓮ ꓘꓶ. ꓛꓲ ꓣꓳ. ꓚꓵ_ ꓟ ꓟꓬꓱꓽ ꓕꓲ ꓟ ꓥ ꓟ ꓪꓴ. ꓠꓬꓲ ꓢꓯꓼ ꓕꓵꓼ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓐꓰ ꓤ ꓠꓱ ꓤ ꓮ ꓙꓵꓽ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓟꓶ ꓠ, ꓟ ꓟꓬꓱꓽ ꓬꓰ ꓠ, ꓟ ꓐꓯ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓟꓵꓽ ꓗꓳ. ꓓꓵ ꓓꓵ ꓗꓪ ꓟꓲ ꓠꓯ ꓢꓷ. ꓠꓲ, ꓢꓳꓻ ꓟꓽ ꓪ ꓢꓴ ꓐꓴ ꓐꓱ ꓶ ꓮ ꓟꓬ, ꓛꓲ ꓠꓲ, ꓟ ꓫ. ꓟ ꓐꓰ ꓢꓷ. ꓠꓲ, ꓢꓳꓻ ꓟꓽ ꓪ ꓢꓴ

ꓐꓴ ꓤ ꓠꓱ ꓤ ꓐꓴ ꓐꓱ ꓶ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓓꓴ ꓙ ꓫ. ꓓꓴ ꓥ ꓡꓳ ꓐꓰ ꓐꓯ ꓔ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓤ ꓠꓱ ꓮ ꓙꓵꓽ ꓟꓲ ꓠꓯ ꓢꓷ. ꓠꓲ, ꓢꓳꓻ ꓣꓴ ꓟꓶ ꓠ, ꓟ ꓐꓯ ꓗꓷꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓲ ꓠꓯ ꓗꓪ ꓫ. ꓓꓴ ꓟꓶ ꓓꓴ ꓮ ꓟꓬ, ꓛꓲ ꓙꓳ ꓟ ꓗꓴꓷꓼ ꓗꓪ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓟ ꓟꓬꓱꓽ ꓠꓬ ꓗ‐ꓔꓳ‐ꓡꓲ ꓘꓴ ꓜꓲꓼ ꓞꓳ ꓗꓪ ꓮ ꓟꓬ, ꓛꓲ ꓟꓬꓱꓺ ꓓꓳ ꓙꓳ ꓟ ꓟꓬꓱꓽ ꓥ ꓟ ꓔꓯ ꓐꓯ ꓗꓷꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓡꓲꓽ ꓒꓰꓼ ꓐꓰ ꓙꓵꓻ ꓠꓲ, ꓮ ꓙꓵꓽ ꓔꓯ ꓒꓵꓽ ꓗꓴ. ꓠ, ꓟ ꓐꓯ ꓗꓷꓳ ꓐꓰ (Vatican News ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿