ꓔꓲꓺ ꓒ ꓪ ꓔꓲ Francis ꓠꓬ ꓕꓲ ꓟꓲ ꓠꓯ ꓡꓱ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓟ

ꓔꓲꓺ ꓒ ꓪ ꓔꓲ Francis ꓠꓬ ꓕꓲ ꓟꓲ ꓠꓯ ꓡꓱ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓟ   

ꓔꓲꓺ ꓒ ꓪ ꓔꓲ Francis ꓠꓬ ꓕꓲ ꓟꓲ ꓠꓯ ꓡꓱ ꓢꓲ ꓡꓲ ꓟꓶ ꓠ, ꓟ ꓐꓱ ꓶ 10 ꓦ ꓟ 27 ꓠꓬꓲ 2023 ꓘꓳꓼ ꓕꓯ Vatican ꓗꓴꓷꓼ ꓙꓲꓻ ꓫꓬ ꓢꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓓꓽ ꓗꓪ  ꓪꓽ ꓘꓴ ꓙ ꓖꓶ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓮ ꓟꓶ ꓟ ꓙꓵ, ꓗꓪ ꓢꓰꓼ ꓡꓯꓽ ꓘꓳ, ꓔꓬ ꓟ ꓬꓲ‐ꓢꓷ‐ꓡꓰ ꓟꓯꓼ ꓐꓰ ꓧꓮꓟꓮꓢ ꓟꓯꓼ ꓜꓴꓻ ꓐꓴ ꓔꓯ ꓢꓰꓼ ꓡꓯꓽ ꓘꓳ, ꓠ, ꓟ ꓔꓯ ꓠꓽ ꓗꓷ ꓠ, ꓟ ꓐꓯ ꓗꓷ ꓟ ꓐꓰ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿ 

ꓝꓮꓲ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓠꓬ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓮ ꓘꓶ ꓛꓲ ꓪꓽ ꓘꓴ ꓠ, ꓟ ꓥ ꓟꓲ ꓓꓰꓽ ꓔ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓢꓲꓺ ꓒ ꓬꓰ‐ꓢꓴ ꓟ, ꓟ ꓥ ꓟ ꓟ, ꓟ ꓟꓲ‐ꓡꓲ ꓗꓪ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓪꓴ‐ꓢ ꓠꓯ, ꓗꓪ ꓪꓽ ꓘꓴ ꓙ ꓠ, ꓟ ꓶꓻ ꓓꓰꓽ ꓗꓷ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓢꓯ. ꓔꓬ ꓗꓷ ꓟ ꓙꓵ, ꓕꓯ ꓟ, ꓟ ꓟ‐ꓡꓲ ꓮ ꓡꓰ ꓐꓰ ꓞꓳ ꓙꓳ ꓢꓯ. ꓔꓬ ꓗꓷ ꓟ ꓔꓯ ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯꓻ ꓢꓳꓻ ꓠ, ꓟ ꓔꓯ ꓐꓯ ꓗꓷ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ ꓠꓬ ꓬꓲ‐ꓢꓷ‐ꓡꓰ ꓟꓯꓼ ꓜꓴꓻ ꓐꓰ ꓧꓮꓟꓮꓢ ꓟꓯꓼ ꓐꓴ ꓢꓰꓼ ꓡꓯꓽ ꓘꓳ, ꓟ ꓔꓯ ꓠꓽ ꓗꓷ ꓠ, ꓟ ꓕꓲ ꓟꓲ ꓠꓱ ꓡꓱ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜ ꓚꓵꓺ ꓚꓵꓺ ꓪꓽ ꓘꓴ ꓠ, ꓟ ꓐꓯ ꓔ ꓟ ꓟꓲ ꓥ ꓡꓳ꓿

ꓝꓮꓲ ꓟꓯꓼ ꓢꓰꓼ ꓡꓯꓽ ꓘꓳ, ꓟ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓔꓯ ꓪꓴ‐ꓢ ꓗꓪ ꓐꓰ ꓙꓲˍ ꓟ ꓙ ꓜꓲꓼ ꓠꓲ, ꓢꓷ. ꓠꓲ, ꓡꓵꓽ ꓖꓶ ꓠ, ꓟ ꓢꓰꓼ ꓡꓯꓼ ꓘꓳ ꓔꓬ ꓟ ꓚꓱ, ꓔꓯ ꓠꓽ ꓖꓶ ꓠ, ꓟ ꓪꓴ‐ꓢ ꓗꓪ ꓐꓰ ꓢꓯꓼ ꓪ ꓖꓶ ꓠ, ꓟ ꓶꓻ ꓓꓰꓽ ꓪꓽ ꓘꓴ ꓙ ꓖꓶ ꓗꓷ ꓐꓰ (Catholic News Agency ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿