Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Francis ꓠꓬ ꓟꓽ ꓙꓲ_ ꓟ ꓟꓬꓱꓽ ꓔꓯ ꓠꓽ ꓡꓰ ꓠ, ꓟ ꓣ‐ꓫ ꓗꓴꓷꓼ ꓙꓵꓽ ꓢꓲ ꓒꓽ ꓔꓯ ꓓꓰꓽ ꓗꓷ ꓟ ꓟ ꓓꓳꓽ
Monday, October 03, 2022
ꓔꓲꓺ ꓒ ꓪ ꓔꓲ Francis ꓠꓬ ꓟꓽ ꓙꓲ_ ꓟ ꓟꓬꓱꓽ ꓔꓯ ꓠꓽ ꓡꓰ ꓠ, ꓟ ꓣ‐ꓫ ꓗꓴꓷꓼ ꓙꓵꓽ ꓢꓲ ꓒꓽ ꓔꓯ ꓓꓰꓽ ꓗꓷ ꓟ ꓟ ꓓꓳꓽ
10 ꓦ ꓟ 2 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓔꓬ ꓟ ꓗꓪ ꓐꓰ ꓠꓽ ꓡꓰ ꓠ, ꓟ ꓣ‐ꓫ ꓗꓴꓷꓼ ꓙꓵꓽ ꓢꓲ ꓒꓽ ꓔꓯ ꓓꓰꓽ ꓗꓷꓳ ꓐꓯ ꓔ ꓡꓳ꓿ ꓝꓴꓲ ꓟꓽ ꓙꓳ ꓟ ꓑ ꓫꓬ ꓐꓴ ꓔꓯ ꓢꓰꓼ ꓟ ꓟꓬꓱꓽ ꓠꓽ ꓡꓰ ꓠ, ꓟ ꓝꓮꓲ ꓑ ꓫꓬ ꓐꓴ ꓔꓯ ꓠꓵꓻ ꓠꓲ, ꓣꓱꓽ ꓢꓲ ꓠꓬꓲ ꓗꓴꓷꓼ ꓔꓯ ꓧꓳꓽ ꓪꓴ. ꓟꓴ ꓠ, ꓟ ꓐꓯ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓟ ꓠꓬ ꓣ‐ꓫ ꓡꓰ Ukraine ꓗꓴꓷꓼ ꓔꓯ ꓟꓯꓼ ꓢꓰꓼ ꓔꓬ ꓟ ꓠꓬ ꓮ ꓟꓬ, ꓓꓵꓽ ꓙ ꓫ. ꓓꓴ ꓚꓱ, ꓐꓰ ꓟꓲ ꓠꓯ ꓕꓯ ꓢꓲ ꓗꓪ ꓮ ꓘꓶ. ꓛꓲ ꓠꓲ, ꓟ ꓟꓽ ꓗ, ꓛꓲ ꓓꓴ ꓚꓱ, ꓥ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓯꓼ ꓢꓰꓼ ꓡꓯ ꓘꓳ ꓔꓬ ꓟ ꓪꓴ. ꓠꓬꓲ Ukraine ꓗꓴꓷꓼ ꓗꓪ ꓤ ꓠꓱ ꓤ ꓐꓴ ꓐꓰ ꓞꓲꓼ ꓪꓴꓽ ꓢꓴ ꓐꓰ ꓮ ꓘꓶ. ꓔꓬ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ Francis ꓠꓬ ꓣ‐ꓫ ꓗꓴꓷꓼ ꓐꓰ Ukraine ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓢꓯꓼ ꓕꓵꓼ ꓢꓲ ꓠꓬꓲ ꓟꓬꓱꓽ ꓬꓰ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ ꓡ ꓞꓳ ꓕꓲ ꓣꓳ ꓡꓰ ꓕꓲ ꓣꓳ ꓠꓲ, ꓟ ꓗꓪ ꓡ ꓞꓳ ꓔꓯ ꓠꓲ, ꓠꓵ ꓢꓲ ꓠꓬꓲ ꓡ ꓞꓳ ꓢꓰꓼ ꓟ ꓟꓬꓱꓽ ꓔꓯ ꓠꓽ ꓡꓰ ꓠ, ꓟ ꓔꓲꓺ ꓒ ꓪ ꓔꓲ Francis ꓠꓬ Vatican ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓙꓵ, ꓗꓪ ꓐꓯ ꓗꓷ ꓟ ꓥ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment