ꓔꓲꓺ ꓒ ꓪ ꓔꓲ Francis ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓚꓲ. ꓡ ꓟ ꓡ ꓞꓳ ꓐꓴ ꓔꓯ ꓬꓰ ꓙ ꓠ, ꓟ EU ꓗꓴꓷꓼ ꓐꓴ ꓔꓯ ꓐꓯ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓚꓲ. ꓡ ꓟ ꓡ ꓞꓳ ꓐꓴ ꓔꓯ ꓬꓰ ꓙ ꓠ, ꓟ EU ꓗꓴꓷꓼ ꓐꓴ ꓔꓯ ꓐꓯ ꓟ ꓓꓳꓽ

11 ꓦ 7  2022 ꓘꓳꓼ ꓕꓯ ꓠꓱ. ꓐꓯꓼ ꓗꓴꓷꓼ ꓗꓪ ꓐꓰ ꓚꓲ. ꓡ ꓟ ꓡ ꓞꓳ ꓐꓴ ꓔꓯ ꓬꓰ ꓙ ꓠ, ꓟ E U ꓗꓴꓷꓼ ꓜꓴꓻ ꓔꓯ ꓔꓲꓺ ꓒ ꓪ ꓔꓲ ꓡꓰ ꓐꓯ ꓗꓷꓳ꓿ ꓠꓱ. ꓐꓯꓼ ꓗꓴꓷꓼ ꓗꓪ ꓐꓰ ꓚꓲ. ꓡ ꓟ ꓡ ꓞꓳ ꓐꓴ ꓔꓯ  EU ꓗꓴꓷꓼ ꓜꓴꓻ ꓡꓰ ꓬꓰ ꓙ ꓔꓳ, ꓙ ꓠ, ꓟ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓐ‐ꓣꓲ ꓗꓴꓷꓼ ꓗꓪ ꓐꓰ ꓡꓽ ꓙꓰˍ ꓟ ꓙꓵ, ꓕꓯ ꓓꓳꓽ ꓫꓵꓽ ꓠꓻ ꓠꓬꓲ ꓢꓴ ꓐꓴ ꓔꓯ ꓕꓱ ꓡꓱ ꓫ. ꓕꓱ ꓖꓶˍ ꓟ ꓥ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓠꓱ. ꓐꓯꓼ ꓗꓴꓷꓼ ꓗꓪ ꓐꓰ ꓚꓲ. ꓡ ꓢꓴ ꓑ ꓫꓬ ꓐꓴ ꓔꓯ ꓠꓵꓻ ꓠꓲ, ꓡꓰ ꓗꓴꓷꓼ ꓘꓴꓽ ꓗꓪ ꓘꓳ, ꓣꓴ ꓠ, ꓟ ꓐꓰ ꓠꓻ ꓔꓬ ꓢꓴ ꓐꓴ ꓔꓯ ꓬꓰ ꓙ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓫ. ꓔꓬ ꓢꓴ ꓑ ꓫꓬ ꓐꓴ ꓐꓰ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓗꓪ ꓚꓲ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓠ, ꓟ ꓞꓳ ꓜꓴꓻ ꓗꓴꓷꓼ ꓔꓯ ꓮ ꓕꓯ ꓥ ꓟꓲ ꓫ. ꓕꓱ ꓢꓴ ꓥ ꓡꓳ꓿ ꓔꓲꓺ ꓒ ꓪ ꓔꓲ Francis ꓠꓬ Vatican ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓔꓬ ꓢꓲ ꓠꓬꓲ ꓗ‐ꓕꓳ‐ꓡꓲꓗ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ 266 ꓣꓳ ꓕꓲ ꓣꓳ ꓟ ꓔꓲꓺ ꓒ ꓪ ꓔꓲ ꓥ ꓡꓳ꓿