ꓔꓲꓺ ꓒ ꓪ ꓔꓲ Francis ꓠꓬ ꓡ ꓠꓹ ꓟ (2024) ꓘꓳꓼ ꓗꓪ ꓬꓲ ꓦꓵꓻ ꓟꓵꓽ ꓥ ꓟ ꓮꓣꓖꓰꓠꓔꓲꓠꓮ ꓗꓪ ꓙꓰ ꓠꓹ ꓟ ꓙꓽ ꓖꓶ ꓔꓬ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓡꓰ ꓬꓲ ꓠꓬ ꓬꓲ ꓔꓯ ꓦꓵꓻ ꓖꓴ ꓟꓵꓽ ꓮꓣꓖꓰꓠꓔꓲꓠꓮ ꓗꓪ ꓙꓰ ꓠꓹ ꓟ ꓙꓼ ꓖꓶ ꓔꓬꓹ ꓡꓳ꓾ ꓐꓰ ꓐꓯ ꓑꓶ ꓗꓷꓳ=

ꓔꓲꓺ ꓒ ꓪ ꓔꓲ Francis ꓠꓬ ꓔꓲꓺ ꓒ ꓪ ꓔꓲ ꓟꓬꓱꓽ ꓔꓯ ꓬꓰ ꓪꓴꓸ ꓔꓴ ꓗꓷ ꓟ (2013) ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ ꓮ ꓟꓶ ꓗꓪ ꓛꓲ ꓬꓲ ꓔꓯ ꓦꓵꓻ ꓖꓴ ꓟꓵꓽ ꓗꓪ ꓟꓽ ꓛꓲꓺ ꓬꓰ ꓢꓰꓽ= ꓮꓣꓖꓰꓠꓔꓲꓠꓮ ꓗꓴꓷꓼ ꓗꓪ ꓛꓲ ꓡˍ ꓟ (2024) ꓘꓳꓼ ꓕꓯ ꓙꓰ ꓠꓹ ꓟ ꓙꓽ ꓖꓶ ꓔꓬ ꓟ ꓔꓯ ꓮꓣꓖꓰꓠꓔꓲꓠꓮ ꓗꓴꓷꓼ ꓓꓳꓽ ꓕꓳꓽ ꓶ ꓥ ꓟ ‘La Nacion’ ꓗꓪ ꓒꓳꓹ ꓖꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓔꓲꓺ ꓒ ꓪ ꓔꓲ Francis ꓡꓰ ꓮꓣꓖꓰꓠꓔꓲꓠꓮ ꓗꓪ ꓙꓰ ꓠꓲꓹ ꓫꓵˍ ꓟ ꓠꓲꓹ ꓟ ꓙꓳˍ ꓡꓳ= ꓖꓳ ꓡꓱ ꓥˍ ꓟꓲ ꓮꓣꓖꓰꓠꓔꓲꓠꓮ ꓗꓴꓷꓼ ꓫꓵꓽ ꓪꓴ ꓐꓰ ꓠꓬ ꓮ ꓫꓵꓽ ꓗꓴꓸ ꓙꓲꓽ ꓟꓽ ꓙꓳ= ꓬꓲ ꓔꓯ ꓦꓵꓻ ꓖꓴ ꓟꓵꓽ ꓗꓪ ꓙꓰ ꓠꓹ ꓟ ꓔꓯ ꓠꓬ (2017) ꓘꓳꓼ ꓕꓯ ꓡꓰ ꓙꓽ ꓖꓶ ꓔ ꓟ ꓥ ꓡꓳ= ꓒꓬꓱꓼ ꓡ ꓟꓽ ꓓ ꓟ ꓚꓱꓹ ꓮ ꓟꓬꓹ ꓚꓱꓹ ꓑꓶꓸ ꓓꓴ ꓮ ꓟꓶ ꓗꓪ ꓛꓲꓺ ꓠꓽ ꓔ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=