Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Francis ꓠꓬ ꓢꓯ. ꓬꓲꓼ ꓡ ꓟ ꓑꓮꓲꓽ ꓗꓪ ꓟꓬ‐ꓟ ꓗꓴꓷꓼ ꓐꓱ ꓶ ꓢꓲ ꓡꓲ, ꓟꓶ ꓠ, ꓟ ꓪꓽ ꓘꓴ ꓙ ꓖꓶ ꓗꓷ ꓟ ꓓꓳꓽ
Monday, April 10, 2023
ꓔꓲꓺ ꓒ ꓪ ꓔꓲ Francis ꓠꓬ ꓢꓯ. ꓬꓲꓼ ꓡ ꓟ ꓑꓮꓲꓽ ꓗꓪ ꓟꓬ‐ꓟ ꓗꓴꓷꓼ ꓐꓱ ꓶ ꓢꓲ ꓡꓲ, ꓟꓶ ꓠ, ꓟ ꓪꓽ ꓘꓴ ꓙ ꓖꓶ ꓗꓷ ꓟ ꓓꓳꓽ
4 ꓦ ꓟ 9 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ ꓠꓬ ꓚꓬꓴ ꓢꓲꓺ ꓒ ꓬꓰ‐ꓢꓴ ꓫꓵꓻ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓑꓮꓲꓽ ꓗꓪ ꓪꓽ ꓘꓴ ꓟ ꓙꓵ, ꓕꓯ ꓟꓬ‐ꓟ ꓗꓴꓷꓼ ꓢꓲ ꓡꓲ, ꓟꓶ ꓠ, ꓟ ꓔꓲꓺ ꓒ ꓪ ꓔꓲ ꓠꓬ ꓪꓽ ꓘꓴ ꓙ ꓖꓶ ꓗꓷꓳ꓿ ꓚꓬꓴ ꓢꓲꓺ ꓒ ꓬꓰ‐ꓢꓴ ꓫꓵꓽ ꓗꓪ ꓐꓰ ꓢꓯ. ꓬꓲꓼ ꓡ ꓟ ꓑꓮꓲꓽ ꓔꓯ Vatican ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓢꓯ. ꓬꓲꓼ ꓡ ꓑꓮꓲꓽ ꓔꓯ ꓬꓰ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓠꓬ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓙ ꓗꓷꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓟꓬ‐ꓟ ꓗꓴꓷꓼ ꓙꓵꓽ ꓢꓴ ꓢꓲꓽ ꓒ ꓐꓴ ꓠꓲ, ꓟ ꓔꓯ ꓢꓲꓽ ꓫꓬ ꓟ ꓦꓻ ꓪꓴ‐ꓢ ꓡꓰ ꓢꓯꓼ ꓪ ꓧꓳꓽ ꓖꓶ ꓢꓲ ꓠꓬꓲ ꓗꓴꓷꓼ ꓔꓯ ꓢꓲ ꓡꓲ ꓟꓶ ꓠ, ꓟ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷꓳ꓿ ꓖꓳ ꓡꓱ ꓡꓰ ꓟꓽ ꓞꓲ ꓟꓬ‐ꓟ ꓗꓴꓷꓼ ꓗꓪ ꓠꓲ, ꓫ ꓟꓬ, ꓫ ꓔꓳ, ꓜꓳ ꓔꓬ ꓢꓴ ꓐꓴ ꓐꓱ ꓶ ꓥ ꓟꓲ ꓪꓽ ꓘꓴ ꓙ ꓖꓶ ꓗꓷꓳ꓿
ꓟꓬ‐ꓟ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓮ ꓙꓵꓽ ꓢꓴ ꓐꓴ ꓔꓯ ꓢꓯ. ꓬꓲꓼ ꓡ ꓟ ꓢꓲꓺ ꓒ ꓬꓰ‐ꓢꓴ ꓡꓰ ꓶꓼ ꓥꓳꓽ ꓙꓱꓽ ꓖꓶ ꓝꓲ ꓐꓰ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓙ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓬ‐ꓟ ꓗꓴꓷꓼ ꓐꓱ ꓶ ꓮ ꓟꓬ, ꓧꓪ, ꓪꓽ ꓘꓴ ꓙ ꓗꓷ ꓟ ꓥ ꓢꓲ ꓠꓬꓲ ꓒꓴ ꓫꓵꓺ ꓗꓪ ꓐꓰ ꓥ ꓟꓲ ꓬꓰ ꓙ ꓔꓳ, ꓙ ꓗꓷ ꓟ ꓥ ꓡꓳ꓿
ꓔꓲꓺ ꓒ ꓪ ꓔꓲ ꓠꓬ ꓣꓳ‐ꓟ ꓗꓴꓷꓼ Vatican ꓡꓳ ꓒꓱ ꓗꓪ ꓔꓬ ꓢꓲ ꓠꓬꓲ ꓟꓵꓽ ꓗꓳ ꓓꓵ ꓓꓵ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓧꓳꓽ ꓪꓴ. ꓟꓴ ꓔꓬ ꓟ ꓝꓲ ꓓꓴ ꓒꓲ‐ꓕꓱ ꓗꓪ ꓐꓰ ꓝ. ꓢꓲ ꓠꓬꓲ ꓘꓴ ꓜꓲꓼ ꓞꓳ ꓔꓯ ꓧꓳꓽ ꓪꓴ. ꓟꓴ ꓔꓬ ꓢꓴ (266) ꓣꓳ ꓟ ꓔꓲꓺ ꓒ ꓪ ꓔꓲ ꓥ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment