ꓔꓲꓺ ꓒ ꓪ ꓔꓲ Francis ꓠꓬ ꓣ‐ꓫ ꓗꓴꓷꓼ ꓙꓵꓽ ꓢꓲꓽ ꓒ ꓑꓴ‐ꓔꓲ ꓔꓯ ꓢꓰꓼ ꓡꓯ ꓘꓳ, ꓟ ꓠꓽ ꓗꓷ ꓠ, ꓟ ꓐꓯ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ ꓣ‐ꓫ ꓗꓴꓷꓼ ꓙꓵꓽ ꓢꓲꓽ ꓒ  ꓑꓴ‐ꓔꓲ ꓔꓯ ꓢꓰꓼ ꓡꓯ ꓘꓳ, ꓟ ꓠꓽ ꓗꓷ ꓠ, ꓟ ꓐꓯ ꓟ ꓓꓳꓽ

10 ꓦ ꓟ 18 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓣ‐ꓫ ꓗꓴꓷꓼ ꓙꓵꓽ ꓢꓲꓽ ꓒ ꓑꓴ‐ꓔꓲ ꓔꓯ ꓢꓰꓼ ꓡꓯ ꓘꓳˍ ꓟ ꓠꓽ ꓗꓷ ꓠ, ꓟ ꓓꓰꓽ ꓗꓷꓳ ꓐꓰ ꓐꓯ ꓔ ꓡꓳ꓿ꓔꓲꓺ ꓒ ꓪ ꓔꓲ ꓡꓰ ꓐꓯ ꓟ ꓠꓬ ꓮ ꓟꓬ, ꓒꓬꓱꓼ ꓔꓬ ꓟ ꓞꓳ ꓤ ꓢꓰꓼ ꓡꓯ ꓘꓳ, ꓟ ꓫꓵꓽ ꓪꓴ ꓑꓶ. ꓓꓴ ꓥꓪ ꓮ ꓘꓶ. ꓠꓲ, ꓟ ꓫ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓲ ꓠꓯ ꓕꓯꓽ ꓢꓲ ꓗꓪ  ꓮ ꓟꓬ, ꓟꓽ ꓙꓲꓻ ꓟ ꓟꓬꓱꓽ ꓥ ꓟꓲ ꓠꓴꓚꓡꓰꓮꓣ ꓣꓱꓽ ꓢꓲ ꓠꓬꓲ ꓞꓳ ꓤ ꓢꓰꓼˍ ꓟ ꓚꓱ, ꓔꓯ ꓮ ꓟꓬ, ꓠꓲ, ꓟ ꓫ. ꓔꓬ ꓟ ꓔꓯ ꓐꓯ ꓟ. ꓖꓶ ꓗꓷꓳ꓿

ꓔꓲꓺ ꓒ ꓪ ꓔꓲ ꓠꓬ ꓣ‐ꓫ ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓔꓯ ꓑ ꓫꓬ ꓐꓴ ꓔꓯ ꓫ. ꓟꓳ ꓫ. ꓙꓯꓼ ꓬꓰ ꓚꓱ, ꓔꓯ ꓠꓽ ꓠ, ꓟ ꓐꓰ ꓞꓳ ꓤ ꓢꓰꓼˍ ꓟ ꓚꓱ, ꓔꓯ ꓓꓽ ꓪꓴ. ꓠꓽ ꓠ, ꓟ ꓐꓯ ꓗꓷꓳ꓿ ꓴꓗꓣꓮꓲꓠꓰ ꓗꓴꓷꓼ ꓙꓵꓽ ꓢꓲꓽ ꓒ ꓔꓯ ꓥ ꓟꓲ ꓟꓲ ꓠꓯ ꓢꓲ ꓡꓲ ꓟꓶ ꓠ, ꓟ ꓚꓱ, ꓔꓯ ꓢꓯꓼ ꓕꓵꓼ ꓠ, ꓟ ꓐꓯ ꓗꓷꓳ꓿ ꓴꓗꓣꓮꓲꓠꓰ ꓗꓴꓷꓼ ꓗꓪ ꓑ ꓫꓬ ꓮ ꓟꓬ, ꓔꓬ ꓖꓴ ꓦꓲꓻ ꓐꓰ ꓜꓽ ꓓꓴ ꓓꓳꓻ ꓓꓴ ꓫ. ꓔꓬ ꓟ ꓪꓴ. ꓠꓬꓲ ꓤ ꓠꓱ ꓤ ꓐꓴ ꓐꓰ ꓞꓳ ꓟꓳꓽ ꓐꓴ ꓮ ꓘꓶ.   ꓫ. ꓔꓬ ꓟ ꓔꓯ ꓐꓯ ꓟ. ꓖꓶ ꓗꓷꓳ꓿ ꓟꓲ ꓠꓯ ꓕꓯ ꓢꓲ ꓟꓽ ꓙꓲꓻ ꓟ ꓟꓬꓱꓽ ꓥ ꓟ ꓞꓳ ꓤ ꓢꓰꓼ ꓟꓬꓱꓽ ꓔꓯ ꓠꓽ ꓠ, ꓟ ꓪꓴ‐ꓢ ꓟꓬꓱꓺ ꓗꓪ ꓐꓰ ꓓꓰꓽˍ ꓥꓳ ꓐꓰ ꓔꓲꓺ ꓒ ꓪ ꓔꓲ ꓝꓣꓮꓠꓚꓲꓢ ꓟꓬ ꓦꓮꓔꓲꓚꓮꓠ ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓪꓽ ꓘꓴ ꓙꓵ, ꓗꓪ ꓴꓗꓣꓮꓲꓠꓰ ꓗꓪ ꓢꓲ ꓡꓲ ꓟꓶ ꓠ, ꓟ ꓪꓽ ꓘꓴ ꓙ ꓟ ꓙꓵ, ꓗꓪ ꓫ. ꓕꓱ ꓗꓷ ꓟ ꓥ ꓡꓳ꓿