ꓔꓲꓺ ꓒ ꓪ ꓔꓲ Francis ꓠꓬ ꓮ ꓟꓬ, ꓠꓻ ꓓꓴ ꓒꓬꓽ ꓓꓴ ꓔꓳ, ꓜꓳꓽ ꓔꓬ ꓟ ꓞꓳ ꓡꓯ. ꓕꓲ ꓣꓳ ꓔꓯ ꓢꓯꓼ ꓖꓶ ꓘꓶꓽ ꓫꓸ ꓕꓱ ꓢꓲ ꓪꓽ ꓘꓴ ꓖꓶ ꓔꓬ ꓟ ꓚꓱ, ꓔꓯ ꓦꓲꓓꓰꓳ ꓗꓪ ꓐꓰ ꓫ. ꓕꓱ ꓗꓷ ꓟ ꓓꓳꓽ

Pope Francis on June 23 sent a heartfelt video message to a 17-year-old Portuguese girl suffering from a serious illness. Moved by her words, Pope Francis sent Edna a personal message to thank her. “Edna, I received your letter; thank you! Thank you for y
Monday, June 26, 2023

ꓔꓲꓺ ꓒ ꓪ ꓔꓲ Francis ꓠꓬ ꓮ ꓟꓬ, ꓠꓻ ꓓꓴ ꓒꓬꓽ ꓓꓴ ꓔꓳ, ꓜꓳꓽ ꓔꓬ ꓟ ꓞꓳ ꓡꓯ. ꓕꓲ ꓣꓳ ꓔꓯ ꓢꓯꓼ ꓖꓶ ꓘꓶꓽ ꓫꓸ ꓕꓱ ꓢꓲ ꓪꓽ ꓘꓴ ꓖꓶ ꓔꓬ ꓟ ꓚꓱ, ꓔꓯ ꓦꓲꓓꓰꓳ ꓗꓪ ꓐꓰ ꓫ. ꓕꓱ ꓗꓷ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ 6 ꓦ ꓟ 23 ꓠꓬꓲ 2023 ꓘꓳꓼ ꓕꓯ ꓮ ꓟꓬ, ꓛꓲ ꓠꓻ ꓓꓴ ꓒꓬꓽ ꓓꓴ ꓔꓳ, ꓜꓳꓽ ꓔꓬ ꓟ ꓬꓲ. ꓞꓲꓼ (17) ꓘꓳꓼ ꓙꓳˍ ꓟ ꓑꓳ‐ꓔꓴ‐ꓖꓲ ꓞꓳ ꓡꓯ. ꓤ ꓟꓶ ꓤ ꓕꓲ ꓣꓳ ꓔꓯ ꓢꓯꓼ ꓖꓶ ꓘꓶꓽˍ ꓐꓰ ꓪꓽ ꓘꓴ ꓙ ꓖꓶ ꓔꓬ ꓟ ꓚꓱ, ꓔꓯ ꓦꓲꓓꓰꓳ ꓗꓪ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿

ꓕꓱ ꓞꓳ ꓡꓯ. ꓠꓬ ꓠꓻ ꓓꓴ ꓒꓬꓼ ꓓꓴ ꓔꓳ, ꓜꓳꓽ ꓔꓬ ꓟ ꓪꓴ. ꓠꓬꓲ ꓟꓵꓽ ꓗꓳꓹ ꓓꓵ ꓓꓵ ꓞꓳ ꓡꓯ. ꓦꓬꓼ ꓠꓬꓲ ꓑꓮꓲꓽ ꓗꓪ ꓡ ꓟꓽ ꓘꓴ ꓟ ꓪꓴ. ꓠꓬꓲ ꓠꓲ, ꓟ ꓫ ꓔꓬ ꓟ ꓚꓱ, ꓔꓯ ꓔꓲꓺ ꓒ ꓪ ꓔꓲ ꓔꓯ ꓕꓳ ꓶ ꓗꓪ ꓐꓰ ꓐꓳ ꓖꓶ ꓗꓷ ꓟ ꓥ ꓡꓳ꓿ ꓬꓲ. ꓟꓬꓱꓺ ꓠꓬ ꓮ‐ꓠ ꓥ ꓡꓳ꓿ ꓮ‐ꓠ ꓠꓬ ꓔꓲꓺ ꓒ ꓪ ꓔꓲ ꓔꓯ ꓡꓳ. ꓟꓳ ꓠꓲ, ꓫꓵˍ ꓟ ꓞꓳ ꓡꓯ. ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ. ꓠꓯꓸꓼ ꓗꓪ ꓠꓻ ꓓꓴ ꓔꓳ, ꓜꓳꓽ ꓔꓬ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓔꓯ ꓜꓲ ꓟꓽ ꓪ ꓟ ꓔꓯ ꓠꓲ, ꓟ ꓟꓽ ꓢ ꓟ ꓥ ꓡꓳ꓿

ꓮ‐ꓠ ꓡꓰ ꓐꓳ ꓩꓴ ꓡ ꓟ ꓕꓳ ꓶ ꓔꓯ ꓔꓲꓺ ꓒ ꓪ ꓔꓲ ꓡꓳ. ꓟꓳ ꓪ ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓠꓬ ꓮ‐ꓠ ꓔꓯ  ꓦꓲꓓꓰꓳ ꓗꓪ ꓐꓰ ꓫ. ꓕꓱ ꓢꓲ ꓠꓬꓲ ꓢꓯꓼ ꓖꓶ ꓘꓶꓽ ꓐꓰ ꓮ‐ꓠ ꓠꓻ ꓓꓴ ꓔꓳ, ꓜꓳꓽ ꓔꓬ ꓟ ꓔꓯ ꓔꓲꓺ ꓒ ꓪ ꓔꓲ ꓡꓰ ꓪꓽ ꓘꓴ ꓙ ꓖꓶ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓮ‐ꓠ ꓔꓯ ꓠꓴ ꓬꓰ ꓗꓷ ꓟ ꓙꓲˍ ꓟ ꓟꓬꓱꓽ ꓮ ꓟꓬ, ꓔꓯ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓮ ꓘꓶ. ꓫ. ꓟꓳˍ ꓡꓳ ꓐꓰ ꓔꓲꓺ ꓒ ꓪ ꓔꓲ ꓡꓰ ꓮ‐ꓠ ꓔꓯ ꓫ. ꓕꓱ ꓗꓷ ꓟ ꓥ ꓡꓳ꓿

ꓮ‐ꓠ ꓠꓬ ꓗꓳ. ꓗꓷ ꓟ (8) ꓘꓳꓼ ꓕꓯ ꓡꓰ ꓠꓻ ꓓꓴ ꓒꓬꓽ ꓓꓴ ꓔꓳ, ꓜꓳꓽ ꓔꓬ ꓟ ꓞꓳ ꓡꓯ. ꓕꓲ ꓣꓳ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓐꓹ ꓐ ꓪꓴ‐ꓢ ꓡꓰ ꓠꓻ ꓫꓬ, ꓖꓶˍ ꓟ ꓗꓪ ꓐꓰ ꓠꓻ ꓓꓴ ꓓꓻ ꓡꓰ ꓝꓲ ꓐꓰ ꓪꓽ ꓘꓴ ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ ( Catholic news Agency) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

5 + 3 =

Quick Links