ꓔꓲꓺ ꓒ ꓪ ꓔꓲ Francis ꓠꓬ 9 ꓦ ꓘꓴꓽ ꓗꓪ Mongolia ꓗꓴꓷꓼ ꓗꓪ ꓙꓰ ꓠ, ꓟ ꓐꓯ ꓑꓶ ꓗꓷ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis ꓠꓬ 9 ꓦ ꓘꓴꓽ ꓗꓪ Mongolia ꓗꓴꓷꓼ ꓗꓪ ꓙꓰ ꓠ, ꓟ ꓐꓯ ꓑꓶ ꓗꓷ ꓟ ꓓꓳꓽ

4 ꓦ ꓟ 14 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ Mongolia ꓗꓴꓷꓼ ꓗꓪ ꓙꓰ ꓠ, ꓟ ꓐꓯ ꓑꓶ ꓗꓷ ꓥ ꓡꓳ꓿ Mongolia ꓗꓴꓷꓼ ꓗꓪ ꓠꓬ ꓗ‐ꓔꓳ‐ꓡꓲꓗ ꓔꓲꓺ ꓒ ꓪ ꓔꓲ ꓐꓴ ꓬꓲ. ꓪꓴ. ꓕꓲ ꓧꓪ, ꓙꓰ ꓟ ꓥ ꓡꓳ꓿ Mongolia ꓗꓴꓷꓼ ꓗꓪ ꓑ ꓫꓬ ꓮ ꓟꓬ, ꓟꓽ ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿ ꓔꓲꓺ ꓒ ꓪ ꓔꓲ Mongolia ꓗꓴꓷꓼ ꓗꓪ ꓙꓰ ꓟ ꓚꓱ, ꓠꓬ ꓘꓴ ꓜꓲꓼ ꓞꓳ ꓐꓱ ꓶ ꓥ ꓟꓲ ꓗꓴꓷꓼ ꓐꓱ ꓶ ꓥ ꓟꓲ ꓙꓵꓻ ꓠꓲ, ꓚꓱ, ꓐꓰ ꓪꓴꓽ ꓟꓴ ꓡ ꓟ ꓚꓱ, ꓮ ꓟꓬ, ꓫꓵꓽ ꓔꓯ ꓬꓰ ꓠ, ꓟ ꓥ ꓡꓳ꓿ Mongolia ꓗꓴꓷꓼ ꓠꓬ ꓡꓳꓻ ꓔ (2880) ꓔꓷ, ꓙꓳ_ ꓟ ꓗꓴꓷꓼ ꓥ ꓡꓳ꓿ ꓝꓮꓲ Mongolia ꓗꓴꓷꓼ ꓠꓬ ꓧꓶꓽ ꓗꓴꓷꓼ ꓑ ꓕꓲ ꓗꓪ ꓙꓳˍ ꓟ ꓗꓴꓷꓼ ꓟꓲ ꓥ ꓡꓳ꓿ ꓗꓴꓷꓼ ꓑ ꓫꓬ (3) ꓫꓬ, ꓣꓳ ꓗꓪ ꓐꓰ ꓗ‐ꓔꓳ‐ꓡꓲꓗ ꓢꓲꓺ ꓤ ꓠꓬ (1300) ꓣꓳ ꓔꓬ ꓟ ꓥ ꓡꓳ꓿ ꓘꓴ ꓜꓲꓼ ꓞꓳ ꓗꓪ ꓐꓰ ꓠꓬꓲꓽ ꓧꓪ, ꓕꓲ ꓧꓪ, ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ ꓠꓬ (1922) ꓘꓳꓼ ꓕꓯ ꓥ ꓢꓲ ꓠꓬꓲ Mongolia ꓗꓴꓷꓼ ꓗꓪ ꓐꓰ ꓓꓽ ꓪꓴ. ꓬꓲ. ꓪꓴ. ꓔꓲꓺ ꓒ ꓒꓬꓱꓼ ꓡ ꓟ ꓠꓬ (2016) ꓘꓳꓼ ꓕꓯ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ Mongolia ꓗꓴꓷꓼ ꓗꓪ ꓚꓳ ꓙꓰ ꓗ. ꓠꓯ India ꓗꓴꓷꓼ ꓗꓪ ꓝꓮꓲ ꓙꓰ ꓠ, ꓟ ꓙꓳˍ ꓡꓳ ꓐꓰ Vatican ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿