ꓔꓲꓺ ꓒ ꓪ ꓔꓲ Francis ꓠꓬ cardinal ꓬꓲ ꓫꓵꓼ 21 ꓣꓳ ꓔꓯ ꓢꓲꓺ ꓓꓴ ꓥꓳ

ꓔꓲꓺ ꓒ ꓪ ꓔꓲ Francis ꓠꓬ cardinal ꓬꓲꓸ ꓫꓵꓼ 21 ꓣꓳ ꓔꓯ ꓢꓲꓺ ꓓꓴ ꓥꓳ ꓐꓰ ꓠꓽ ꓦꓬꓼ ꓠꓬꓲ ꓕꓯ ꓐꓯ ꓑꓶ ꓗꓷꓳ= ꓬꓲ ꓞꓲꓼ 86 ꓘꓳꓼ ꓙꓳˍ ꓟ ꓔꓲꓺ ꓒ ꓪ ꓔꓲ Francis ꓠꓬ 7 ꓦ 9 ꓠꓬꓲ ꓕꓯ Angelus ꓪꓽ ꓘꓴ ꓓꓳ ꓡꓰ ꓗ ꓠꓯꓸ ꓙꓲꓻ ꓫꓬ ꓢꓴ ꓒꓲ-ꓕꓱ ꓑꓹ ꓠꓬꓲ ꓟꓳ ꓓꓴ ꓗ ꓘꓶꓽ ꓒꓰꓼ ꓗꓪ ꓐꓰ ꓐꓯ ꓑꓶ ꓗꓷ ꓟ ꓥ ꓡꓳ=

ꓔꓲ ꓒ ꓪ ꓔꓲ ꓠꓬ 2013 ꓘꓳꓼ ꓕꓯ ꓔꓲ ꓒ ꓪ ꓔꓲ ꓒꓬꓱꓼ ꓡ ꓗꓷ ꓗ ꓠꓯꓸ cardinal ꓬꓲ ꓫꓵꓼ 121 ꓣꓳ ꓔꓯ ꓟꓲ ꓠꓯ ꓕꓲ ꓚꓳ ꓡꓳ 66 ꓗꓴꓷꓼ ꓗꓪ ꓐꓰ ꓢꓲꓺ ꓚꓰꓸ ꓗꓷ ꓟ ꓥ ꓡꓳ= Vatican ꓗꓪ ꓬꓳꓸ ꓚꓵˍ ꓟ ꓟꓬꓱꓽ ꓬꓰ ꓢꓴ 8 ꓣꓳ ꓔꓯ ꓥ ꓟꓲ ꓢꓲꓺ ꓗꓷ ꓟ ꓥ ꓡꓳ=

ꓡꓳꓸ ꓬꓰˍ ꓕꓲ ꓧꓪꓹ cardinal ꓬꓲꓸ ꓫꓵꓼ ꓢꓲꓺ ꓗꓷ ꓟ ꓠꓬ ꓗꓳꓸ ꓗꓷ ꓟ 2022 ꓘꓳꓼ 8 ꓦ 27 ꓠꓬꓲ ꓕꓯ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=