ꓔꓲꓺ ꓒ ꓪ ꓔꓲ Francis ꓠꓬ Ukraine ꓗꓴꓷꓼ ꓗꓪ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳꓽ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ

ꓔꓲꓺ ꓒ ꓪ ꓔꓲ  Francis ꓠꓬ Ukraine ꓗꓴꓷꓼ ꓗꓪ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳꓽ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ

5 ꓦ ꓟ 5 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓟꓳꓼ ꓡꓳ ꓪꓽ ꓘꓴ ꓙꓵ, ꓗꓪ Ukraine ꓗꓪ ꓠꓲ, ꓫ. ꓟꓬ ꓫ. ꓔꓳ, ꓜꓳꓽ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙ꓾ ꓢꓯꓼ ꓖꓶ ꓙ ꓗꓷꓳ꓿ ꓔꓲꓺ ꓒ ꓪ ꓔꓲ ꓡꓰ ꓐꓯ ꓟ ꓫ. ꓕꓱ ꓘꓶꓽ ꓠꓬ 5 ꓦ ꓠꓬ ꓣꓳ‐ꓢ‐ꓣꓲ ꓪꓽ ꓘꓴ ꓠ, ꓟ ꓦ ꓐ ꓥ ꓡꓳ꓿ ꓖꓳ ꓟ ꓑꓶ. ꓓꓴ ꓟꓲ ꓠꓯ ꓢꓲꓺ ꓡꓲ ꓟꓶ ꓠ, ꓟ ꓣꓳ‐ꓢ‐ꓣꓲ ꓪꓽ ꓘꓴ ꓠ, ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓐꓯ ꓖꓶ ꓗꓷꓳ꓿

ꓔꓲꓺ ꓒ ꓪ ꓔꓲ ꓠꓬ ꓙꓲ‐ꓢꓴ ꓢꓲꓺ ꓤ ꓮ ꓟꓬ, ꓔꓬ ꓟ Ukraine ꓗꓴꓷꓼ Mariupol ꓡꓳ ꓒꓱ ꓔꓯ ꓣ‐ꓫ. ꓗꓴꓷꓼ ꓡꓰ ꓐꓳꓽ ꓢꓶꓽ ꓐꓶꓺ ꓩꓴ ꓡ, ꓟ ꓑꓶ. ꓓꓴ ꓡꓳ ꓒꓱ ꓐꓬ ꓡꓰꓳ꓿ ꓡꓳ ꓒꓱ ꓗꓪ ꓔꓬ ꓢꓴ ꓞꓲꓼ ꓪꓴꓽ ꓢꓴ ꓐꓰ ꓤ ꓠꓱ ꓤ ꓐꓴ ꓮ ꓟꓬ, ꓟꓲ ꓜꓽ ꓓꓴ ꓓꓳꓻ ꓓꓴ ꓫ. ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓡ ꓞꓳ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓗꓷ ꓠ, ꓟ ꓓꓰꓽˍ ꓟ ꓥ ꓡꓳ꓿ ꓣ‐ꓫ. ꓗꓴꓷꓼ ꓗꓪ ꓐꓰ Ukraine ꓗꓴꓷꓼ ꓙꓵꓽ ꓢꓲ ꓒꓽ ꓐꓴ ꓔꓯ ꓢꓲꓺ ꓡꓲ ꓐꓰ ꓖꓪ ꓙꓱꓻ ꓜꓲꓼ ꓓꓴ ꓬꓰ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓓꓰꓽˍ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓡꓰ ꓗꓴꓷꓼ ꓙꓵꓽ ꓢꓴ ꓐꓴ ꓔꓯ ꓠꓲ, ꓟ ꓓꓵꓽ ꓙ ꓒꓳ, ꓬꓲꓼ ꓡ ꓠ, ꓟ ꓪꓽ ꓘꓴ ꓙ ꓡꓯ ꓐꓰ ꓐꓯ ꓖꓶ ꓔ ꓡꓳ꓿