Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Francis ꓡꓰ ꓡ‐ꓛꓴ. (ꓑꓳ) ꓣꓱꓽ ꓢꓲ ꓠꓬꓲ ꓟꓲ ꓠꓯ ꓢꓲ ꓡꓲ ꓓꓴ ꓔꓯ ꓪ ꓟꓽ ꓓ ꓐꓯˍ ꓟ ꓓꓳꓽ
Pope: 'War will never be resolved through the childish logic of weapons'#creditphotoThursday, November 10, 2022
ꓔꓲꓺ ꓒ ꓪ ꓔꓲ Francis ꓡꓰ ꓡ‐ꓛꓴ. (ꓑꓳ) ꓣꓱꓽ ꓢꓲ ꓠꓬꓲ ꓟꓲ ꓠꓯ ꓢꓲ ꓡꓲ ꓓꓴ ꓔꓯ ꓪ ꓟꓽ ꓓ ꓐꓯˍ ꓟ ꓓꓳꓽ
11 ꓦ 10 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ Vatican ꓗꓴꓷꓼ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓫ. ꓕꓱˍ ꓟ ꓙꓵ, ꓕꓯ ꓡ‐ꓛꓴ. (ꓑꓳ) ꓣꓱꓽ ꓢꓲ ꓠꓬꓲ ꓟꓲ ꓠꓯ ꓢꓲ ꓡꓲ ꓓꓴ ꓔꓯ ꓪ ꓟꓽ ꓓ ꓐꓰ ꓐꓯ ꓔ ꓡꓳ꓿ꓔꓲꓺ ꓒ ꓪ ꓔꓲ ꓠꓬ Ukraine ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓔꓯ ꓟꓳ. ꓟꓯꓼ ꓢꓰꓼ ꓡꓯ ꓘꓳ_ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓫ. ꓓꓴ ꓟꓷꓼ ꓓꓴ ꓔꓳ, ꓜꓳꓽ ꓡꓰꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ Ukraine ꓗꓴꓷꓼ ꓗꓪ ꓟꓯꓼ ꓢꓰꓼ ꓡꓯ ꓘꓳˍ ꓟ ꓠꓽ ꓡꓰ ꓠ, ꓟ ꓔꓯ ꓬꓰ ꓠ, ꓟ ꓞꓳ ꓜꓴꓻ ꓗꓴꓷꓼ ꓔꓯ ꓓꓰꓽ ꓗꓷꓳ꓿ꓝꓴꓲ ꓟꓽ ꓙꓳ ꓢꓴ ꓑ ꓫꓬ ꓐꓴ ꓮ ꓟꓬ, ꓫꓵꓻ ꓟ ꓪꓴ. ꓠꓬꓲ ꓟꓯꓼ ꓢꓰꓼ ꓡꓯ ꓘꓳ ꓓꓴ ꓔꓯ ꓠꓽ ꓡꓰ ꓠ, ꓟ ꓐꓯ ꓔ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓡꓰ ꓫ. ꓕꓱˍ ꓟ ꓠꓬ Ukraine ꓗꓴꓷꓼ ꓡꓰ ꓟꓽ ꓞꓲꓺ Syria ꓗꓴꓷꓼ Yeman ꓗꓴꓷꓼ ꓐꓰ ꓟꓬ‐ꓟ ꓗꓴꓷꓼ ꓗꓪ ꓐꓰ ꓟꓯꓼ ꓢꓰꓼ ꓡꓯ ꓘꓳˍ ꓟ ꓪꓴ. ꓠꓬꓲ ꓝꓴꓲ ꓟꓽ ꓙꓳ ꓢꓴ ꓑ ꓫꓬ ꓐꓴ ꓔꓯ ꓫꓵꓻ ꓠ ꓗꓪ ꓛꓲ ꓢꓰꓼˍ ꓟ ꓔꓯ ꓠꓽ ꓡꓰ ꓠ, ꓟ ꓐꓯ ꓔ ꓡꓳ꓿ ꓡ‐ꓛꓴ. (ꓑꓳ) ꓣꓱꓽ ꓢꓲ ꓠꓬꓲ ꓟꓯꓼ ꓢꓰꓼ ꓡꓯ ꓘꓳˍ ꓟ ꓪꓴ. ꓠꓬꓲ ꓝꓴꓲ. ꓟꓽ ꓙꓳ ꓟ ꓤ ꓠꓱ ꓤ ꓐꓴ ꓐꓰ ꓞꓳ ꓪꓴꓽ ꓞꓳ ꓟꓳꓽ ꓐꓴ ꓥ ꓟꓲ ꓮ ꓟꓬ, ꓛꓲ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓟꓽ ꓙꓲꓻ ꓟ ꓟꓬꓱꓽ ꓔꓯ ꓠꓽ ꓗꓷ ꓠ, ꓟ ꓝꓮꓲ ꓟꓽ ꓙꓲꓻ ꓟ ꓟꓬꓱꓽ ꓬꓰ ꓔꓬ ꓢꓴ ꓐꓱ ꓶ ꓢꓲꓺ ꓒ ꓬꓰ‐ꓢꓴ ꓠꓯꓸꓼ ꓗꓪ ꓪꓽ ꓘꓴ ꓙ ꓓꓴ ꓬꓰ ꓡꓯ ꓐꓰ ꓝꓲ ꓓꓴ ꓒꓲ‐ꓕꓱ ꓪꓽ ꓘꓴ ꓦꓲꓻ ꓓꓽ ꓟ ꓗꓪ ꓫ. ꓕꓱ ꓔ ꓟ ꓥ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment