ꓔꓲꓺ ꓒ ꓪ ꓔꓲ Francis ꓡꓰ ꓡꓯ ꓒꓯ, ꓝ ꓠ, ꓟ ꓙ ꓖꓶ ꓔꓬ ꓢꓴ ꓕꓲ ꓦꓲꓻ ꓡ ꓞꓳ ꓔꓯ ꓕꓲ ꓣꓳ ꓛꓳ ꓕꓲ ꓣꓳ ꓬꓰ ꓙ ꓢꓲ ꓠꓬꓲ ꓙꓰ ꓠ, ꓟ ꓐꓯ ꓗꓷ ꓟ ꓓꓳꓽ

 ꓔꓲꓺ ꓒ ꓪ ꓔꓲ Francis ꓡꓰ  ꓡꓯ ꓒꓯ, ꓝ ꓠ, ꓟ ꓙ ꓖꓶ ꓔꓬ ꓢꓴ ꓕꓲ ꓦꓲꓻ ꓡ ꓞꓳ ꓔꓯ ꓕꓲ ꓣꓳ ꓛꓳ ꓕꓲ ꓣꓳ ꓬꓰ ꓙ ꓢꓲ ꓠꓬꓲ ꓙꓰ ꓠ, ꓟ ꓐꓯ ꓗꓷ ꓟ ꓓꓳꓽ

6 ꓦ ꓟ 27 ꓠꓬꓲ 2022 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓡꓯ ꓒꓯ, ꓝ ꓠ, ꓟ ꓙ ꓖꓶ ꓔꓬ ꓢꓴ ꓕꓲ ꓦꓲꓻ ꓡ ꓞꓳ ꓠꓬꓲ ꓣꓳ ꓔꓯ ꓕꓲ ꓣꓳ ꓛꓳ ꓕꓲ ꓣꓳ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓙ ꓫꓱꓽ ꓠ, ꓟ ꓐꓯ ꓗꓷꓳ꓿ ꓔꓲꓺ ꓒ ꓪ ꓔꓲ ꓠꓬ ꓡꓯ ꓒꓯ, ꓝ ꓗꓷ ꓢꓴ ꓙꓲ‐ꓢꓴ ꓢꓲ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓠ, ꓟ ꓐꓯ ꓔ ꓡꓳ꓿ ꓪꓴ‐ꓢ ꓟꓲꓽ ꓙꓬꓼ ꓗꓪ ꓡꓯ ꓒꓯ, ꓝ ꓗꓷ ꓟ ꓕꓲ ꓦꓲꓻ ꓡ ꓞꓳ ꓧ, ꓡꓯ ꓘꓳˍ ꓕꓯ ꓒꓬꓱꓼ ꓡ ꓟ ꓫꓵꓽ ꓪꓴ ꓔꓯ ꓟꓳ. ꓡꓯ ꓒꓯ, ꓟꓽ ꓝ ꓢꓰꓽ ꓕꓯ ꓘꓴ ꓜꓲꓼ ꓞꓳ ꓗꓪ ꓐꓰ ꓬꓰ ꓙ ꓢꓲ ꓠꓬꓲ ꓟ. ꓖꓶ ꓠ, ꓟ  ꓐꓯ ꓖꓶ ꓗꓷꓳ꓿

ꓔꓲꓺ ꓒ ꓪ ꓔꓲ ꓠꓬ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓡꓯ ꓒꓯ, ꓝ ꓗꓷ ꓢꓴ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓪꓴ‐ꓢ ꓟꓬꓱꓽ ꓗꓪ ꓮ ꓡꓰ ꓬꓰ ꓠ, ꓟ ꓐꓰ ꓦꓲꓻ ꓘꓴꓽ ꓗꓪ ꓔꓬ ꓟ ꓙꓲ‐ꓢꓴ ꓢꓲ ꓤ ꓮ ꓙꓵꓽ ꓠꓬ ꓪꓴ‐ꓢ ꓐꓬꓱꓽ ꓥ ꓟ ꓑꓶ. ꓓꓴ ꓮ ꓘꓶ. ꓒꓵꓽˍ ꓟ ꓚꓱ, ꓔꓯ ꓐꓯ ꓖꓶ ꓔ ꓡꓳ꓿ ꓦꓲꓻ ꓘꓴꓽ ꓗꓪ ꓟ, ꓟ ꓣꓱꓽ ꓢꓴ ꓐꓴ ꓠꓬ ꓤ ꓠꓱ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓐꓰ ꓟꓲ ꓠꓯ ꓡ ꓞꓳ ꓞꓳ ꓙꓳ ꓚꓱ, ꓔꓯ ꓟ. ꓖꓶ ꓠ, ꓐꓰ ꓐ, ꓐ ꓣꓱꓽ ꓢꓴ ꓐꓴ ꓥ ꓟꓲ ꓦꓲꓻ ꓘꓴ ꓔꓯ ꓮ ꓡꓰ ꓐꓰ ꓧꓳꓽ ꓣꓱꓽ ꓠ, ꓟ ꓐꓯ ꓟ. ꓖꓶ ꓗꓷꓳ꓿ ꓘꓴ ꓜꓲꓽ ꓞꓳ ꓗꓪ ꓕꓲ ꓦꓲꓻ ꓡ ꓞꓳ ꓮ ꓙꓵꓽ ꓠꓬ ꓮ ꓘꓶ. ꓒꓵꓽˍ ꓟ ꓐꓰ ꓠꓵꓻ ꓠꓲ, ꓦꓲꓻ ꓘꓴꓽ ꓒꓬꓱꓼ ꓠ, ꓟ ꓔꓲꓺ ꓒ ꓪ ꓔꓲ ꓡꓰ ꓐꓯ ꓖꓶ ꓗꓷꓳ꓿