ꓔꓲꓺ ꓒ ꓪ ꓔꓲ Francis ꓡ ꓠ, ꓟ 2027 ꓘꓳꓼ ꓕꓯ ꓕꓲ ꓟꓲ ꓠꓯ ꓡꓱꓼ ꓞꓳ ꓡꓱ ꓞꓳ ꓡꓯ. ꓐꓴ ꓦꓬꓼ ꓠꓬꓲ ꓔꓯ ꓖꓴ ꓟꓶ. Korea ꓗꓴꓷꓼ ꓗꓪ ꓬꓰ ꓓꓴ ꓥꓳ ꓐꓰ ꓐꓯ ꓟ ꓓꓳꓽ

ꓔꓲꓺ ꓒ  ꓪ ꓔꓲ Francis ꓡ ꓠ, ꓟ 2027 ꓘꓳꓼ ꓕꓯ ꓕꓲ ꓟꓲ ꓠꓯ ꓡꓱꓼ ꓞꓳ ꓡꓱ ꓞꓳ ꓡꓯ. ꓐꓴ ꓦꓬꓼ ꓠꓬꓲ ꓔꓯ ꓖꓴ ꓟꓶ. Korea ꓗꓴꓷꓼ ꓗꓪ ꓬꓰ ꓓꓴ ꓥꓳ ꓐꓰ ꓐꓯ ꓟ ꓓꓳꓽ

8 ꓦ ꓟ 2 ꓠꓬꓲ 2023 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓡ ꓠ, ꓟ 2027 ꓘꓳꓼ ꓕꓯ ꓕꓲ ꓟꓲ ꓠꓯ ꓡꓱꓼ ꓞꓳ ꓡꓱ ꓞꓳ ꓡꓯ. ꓦꓬꓼ ꓠꓬꓲ ꓑꓮꓲꓽ ꓓꓽ ꓟ ꓔꓯ ꓖꓴ ꓟꓶ. ꓗꓳꓣꓰꓮ ꓗꓴꓷꓼ ꓗꓪ ꓬꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓔꓲꓺ ꓒ ꓪ ꓔꓲ ꓠꓬ ꓑꓳ‐ꓔꓴ‐ꓖꓲ ꓗꓴꓷꓼ ꓗꓪ ꓕꓲ ꓟꓲ ꓠꓯ ꓡꓱꓼ ꓞꓳ ꓡꓱ ꓞꓳ ꓡꓯ. ꓦꓬꓼ ꓠꓬꓲ ꓑꓮꓲ ꓗꓪ ꓛꓲ ꓔꓬ ꓟ ꓥ ꓡꓳ꓿

ꓞꓳ ꓡꓱ ꓞꓳ ꓡꓯ. ꓑꓮꓲ ꓦꓬꓼ ꓠꓬꓲ ꓔꓯ 8 ꓦ ꓟ 1 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓬꓰ ꓗꓷ ꓟ ꓥ ꓡꓳ꓿ ꓕꓲ ꓟꓲ ꓠꓯ ꓡꓱꓼ ꓞꓳ ꓡꓱ ꓞꓳ ꓡꓯ. ꓦꓬꓼ ꓠꓬꓲ ꓔꓯ (4) ꓘꓳꓼ ꓗꓪ ꓕꓲ ꓧꓪ, ꓑꓮꓲ ꓓꓽ ꓬꓰ ꓢꓲ ꓠꓬꓲ ꓕꓲ ꓟꓲ ꓠꓯ ꓡꓱꓼ ꓗꓪ ꓔꓬ ꓟ ꓞꓳ ꓡꓯ. ꓐꓴ ꓢꓳꓻ ꓜꓲꓼ ꓓꓴ ꓐꓰ ꓙꓵꓻ ꓠꓲ, ꓚꓱ, ꓗꓪ ꓪꓴꓽ ꓟꓴ ꓡ ꓠ, ꓟ ꓟ. ꓖꓶ ꓔꓬ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓛꓲ ꓡ ꓟ 2024 ꓘꓳꓼ ꓕꓯ ꓗꓳꓣꓰꓮꓠ ꓗꓴꓷꓼ ꓗꓪ ꓙꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿ ꓖꓴ. ꓟꓶ ꓗꓳꓣꓰꓮ ꓗꓴꓷꓼ ꓠꓬ ꓙꓵꓻ ꓠꓲ, ꓕꓲ ꓒꓳ, ꓗꓪ ꓮ ꓟꓬ, ꓛꓲ ꓢꓯꓼ ꓕꓵꓼ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ꓿ ꓗ‐ꓕꓳ‐ꓡꓲ ꓙꓵꓻ ꓠꓲ, ꓔꓯ ꓙꓲꓻ ꓫꓬ ꓢꓴ ꓐꓴ ꓡꓰ ꓢꓯꓼ ꓟꓬ ꓖꓶ ꓗꓷ ꓢꓲ ꓠꓬꓲ ꓪꓴ‐ꓢ ꓶꓼ ꓓꓳ ꓫꓱ, ꓓꓳꓽ ꓚꓺ ꓟ ꓥ ꓡꓳ꓿ ꓗꓳꓣꓰꓮ ꓗꓴꓷꓼ ꓗꓪ ꓐꓰ ꓙꓲꓻ ꓫꓬ ꓢꓴ Andrew Kim Tae-gon ꓠꓬ (1821‐1846) ꓕꓯ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓢꓲ ꓠꓬꓲ ꓙꓵꓻ ꓠꓲ, ꓚꓱ, ꓑꓶ. ꓓꓴ ꓢꓰꓼ ꓟꓶ ꓡꓰ ꓢꓴ ꓙꓲꓻ ꓫꓬ ꓢꓴ ꓥ ꓡꓳ ꓐꓰ (ꓣꓦꓮ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿