ꓔꓲꓺ ꓒ ꓪ ꓔꓲ Francis 2024 ꓘꓳꓼ ꓕꓯ India ꓗꓴꓷꓼ ꓗꓪ ꓙꓰ ꓠ, ꓟ ꓙꓽ ꓖꓶ ꓔꓬ ꓟ ꓓꓳꓽ

ꓔꓲꓺ ꓒ ꓪ ꓔꓲ Francis 2024 ꓘꓳꓼ ꓕꓯ India ꓗꓴꓷꓼ ꓗꓪ ꓙꓰ ꓠ, ꓟ ꓙꓽ ꓖꓶ ꓔꓬ ꓟ ꓓꓳꓽ

2 ꓦ ꓟ 6 ꓠꓬꓲ 2023 ꓘꓳꓼ ꓠꓽ ꓕꓲ ꓠꓬꓲ ꓕꓯ ꓛꓲ ꓡ ꓟ ꓘꓳꓼ 2024 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ India ꓗꓴꓷꓼ ꓗꓪ ꓙꓰ ꓓꓴ ꓙꓽ ꓖꓶ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ India ꓗꓴꓷꓼ ꓗꓪ ꓙꓰ ꓠ, ꓟ ꓓꓳꓽ ꓔꓯ ꓖꓴ ꓟꓶ. Sudan ꓗꓴꓷꓼ ꓗꓪ ꓙꓰ ꓢꓲ ꓠꓬꓲ ꓡꓽ ꓙꓰ ꓕꓯ ꓓꓳꓽ ꓫꓵꓽ ꓠꓻ ꓠꓬꓲ ꓢꓴ ꓐꓴ ꓔꓯ ꓐꓯ ꓟ. ꓖꓶ ꓟ ꓥ ꓡꓳ꓿

ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓛꓲ ꓡ ꓟ 8 ꓦ ꓔꓯ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓔꓬ ꓟ ꓞꓳ ꓡꓱ ꓞꓳ ꓡꓯ. ꓐꓴ ꓦꓬꓼ ꓠꓬꓲ ꓑꓮꓲꓽ ꓓꓽ ꓬꓰˍ ꓟ ꓑꓳ‐ꓔꓴ‐ꓖꓲ ꓗꓴꓷꓼ ꓗꓪ ꓙꓰ ꓠ, ꓟ ꓙꓳˍ ꓡꓳ꓿ ꓝꓮꓲ ꓛꓲ ꓡ ꓟ 9 ꓦ ꓕꓯ ꓑꓲ‐ꓔꓲ ꓗꓴꓷꓼ ꓗꓪ ꓔꓲꓺ ꓒ ꓓꓽ ꓐꓴ ꓖꓪ ꓙꓱ ꓜꓲꓼ ꓓꓴ ꓑꓮꓲ ꓗꓪ ꓥ ꓟꓲ ꓙꓰ ꓓꓴ ꓥꓳ ꓐꓰ ꓐꓯ ꓔ ꓡꓳ꓿

ꓗꓳ. ꓗꓷ ꓟ 2021 ꓘꓳꓼ ꓕꓯ India ꓗꓴꓷꓼ ꓙꓵꓽ ꓢꓲꓽ ꓒꓽ ꓟꓴ‐ꓔꓲ ꓠꓬ Vatican ꓗꓴꓷꓼ ꓗꓪ ꓡ, ꓟ ꓙꓵ, ꓕꓯ ꓔꓲꓺ ꓒ ꓪ ꓔꓲ ꓐꓰ ꓫꓵꓽ ꓪꓴ ꓮ ꓟꓬ, ꓐꓰ ꓪꓴꓽ ꓟꓴ ꓡ ꓚꓱ, ꓮ ꓟꓬ, ꓔꓯ ꓖꓪ ꓙꓱ ꓗꓷ ꓟ ꓥ ꓡꓳ꓿

India  ꓗꓴꓷꓼ ꓙꓵꓽ ꓢꓲꓽ ꓒꓽ ꓟꓴ‐ꓔꓲ ꓠꓬ ꓔꓲꓺ ꓒ ꓪ ꓔꓲ ꓔꓯ India ꓗꓴꓷꓼ ꓗꓪ ꓚꓳ ꓗ, ꓡꓯ ꓐꓰ ꓒꓵꓽ ꓠꓲ, ꓗꓪ ꓘꓴ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ India ꓗꓴꓷꓼ ꓗꓪ ꓠꓬ ꓔꓲꓺ ꓒ ꓪ ꓔꓲ ꓒꓳ‐ꓡꓳ (2) ꓥ ꓟꓲ ꓙꓰ ꓗꓷ ꓟ ꓗꓴꓷꓼ ꓕꓲ ꓗꓴꓷꓼ ꓥ ꓡꓳ꓿