Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓔꓲꓺ ꓒ ꓪ ꓔꓲ Francis Turkey ꓗꓴꓷꓼ Istanbul ꓡꓳ ꓒꓱ ꓗꓪ ꓟꓯꓼ ꓘꓰ, ꓔꓬ ꓟ Ukraine ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ
ꓔꓲꓺ ꓒ ꓪ ꓔꓲ Francis Turkey ꓗꓴꓷꓼ Istanbul ꓡꓳ ꓒꓱ ꓗꓪ ꓟꓯꓼ ꓘꓰ, ꓔꓬ ꓟ Ukraine ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙˍ ꓟ ꓓꓳꓽ
ꓔꓲꓺ ꓒ ꓪ ꓔꓲ Francis ꓠꓬ 11 ꓦ ꓟ 16 ꓠꓬꓲ 2022 ꓘꓳꓼ ꓕꓯ Turkey ꓗꓴꓷꓼ Istanbul ꓡꓳ ꓒꓱ ꓗꓪ ꓟꓯꓼ ꓘꓰ, ꓔꓬ ꓟ Ukraine ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶ ꓗꓷꓳ ꓐꓰ ꓐꓯ ꓔ ꓡꓳ꓿ꓔꓲꓺ ꓒ ꓪ ꓔꓲ ꓠꓬ ꓕꓱ ꓕꓲ ꓫꓵꓽ ꓠꓽ ꓘꓴꓽ ꓗꓪ ꓣ‐ꓫ ꓗꓴꓷꓼ ꓡꓰ Ukraine ꓗꓴꓷꓼ ꓔꓯ ꓮ ꓘꓶ. ꓬꓲ. ꓢꓯꓼ ꓙꓳˍ ꓟ ꓐꓳꓽ ꓐꓰ ꓐꓶ ꓩꓴ ꓡ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓟ ꓪꓴ. ꓠꓬꓲ ꓠꓲ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓣ‐ꓫ ꓗꓴꓷꓼ ꓙꓵꓽ ꓢꓲꓽ ꓒ ꓐꓴ ꓔꓯ ꓢꓲ ꓡꓲ ꓟꓶ ꓠꓲ, ꓫꓵˍ ꓟ ꓠꓲ, ꓟ ꓙꓳ ꓠ, ꓟ ꓪꓽ ꓘꓴ ꓙ ꓠ, ꓟ ꓐꓯ ꓔ ꓡꓳ꓿
ꓝꓮꓲ ꓔꓲꓺ ꓒ ꓪ ꓔꓲ ꓠꓬ Turkey ꓗꓴꓷꓼ Istanbul ꓡꓳ ꓒꓱ ꓗꓪ ꓟꓽ ꓙꓲꓻ ꓢꓴ ꓐꓴ ꓡꓰ ꓑꓳꓻ ꓑꓳ ꓗꓷ ꓟ ꓪꓴ. ꓠꓬꓲ ꓫꓵꓻ ꓡꓰ ꓢꓴ ꓑ ꓫꓬ ꓐꓴ ꓐꓱ ꓶ ꓪꓽ ꓘꓴ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ꓟꓽ ꓙꓲꓻ ꓟ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓔꓯ ꓙꓲꓻˍ ꓟ ꓠꓲ, ꓟ ꓙꓳ ꓡ ꓠ, ꓟ ꓪꓽ ꓘꓴ ꓙ ꓖꓶ ꓡꓯ ꓐꓰ ꓐꓯ ꓔ ꓡꓳ꓿ ꓝꓮꓲ ꓔꓲꓺ ꓒ ꓠꓬ Ukraine ꓗꓴꓷꓼ ꓗꓪ ꓢꓲ ꓡꓲ ꓟꓶ ꓠ, ꓟ ꓐ, ꓐ ꓪꓴ‐ꓢ ꓡꓰ ꓬꓰ ꓙ ꓔꓳ, ꓙ ꓡ ꓠ, ꓟ ꓶ ꓓꓰꓽ ꓪꓽ ꓘꓴ ꓙ` ꓗꓷꓳ ꓐꓰ Vatican ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
Add new comment