ꓔꓲꓺ ꓒ Francis ꓠꓬ ꓐ‐ꓣꓲ ꓗꓴꓷꓼ ꓗꓪ ꓮ ꓣꓳ ꓜꓴꓻ ꓔꓯ ꓡꓳ. ꓠ, ꓟ ꓙꓰ ꓗꓷ ꓟ ꓓꓳꓽ

ꓔꓲꓺ ꓒ Francis ꓠꓬ ꓐ‐ꓣꓲ ꓗꓴꓷꓼ ꓗꓪ ꓮ  ꓣꓳ ꓜꓴꓻ ꓔꓯ ꓡꓳ. ꓠ, ꓟ ꓙꓰ ꓗꓷ ꓟ ꓓꓳꓽ

11 ꓦ ꓟ 3 ꓠꓬꓲ 2ꓳ22 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Francis ꓠꓬ ꓐ‐ꓣꓲ ꓗꓴꓷꓼ ꓗꓪ ꓮ. ꓣꓳ ꓜꓴꓻ ꓔꓯ ꓡꓳ. ꓠ, ꓟ ꓬꓰ ꓗꓷꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓐ‐ꓣꓲ ꓗꓴꓷꓼ ꓗꓪ ꓔꓬ ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓜꓲ ꓠ, ꓟ ꓐꓰ ꓪꓴ‐ꓢ ꓐꓯ ꓘꓶꓽ ꓶꓽ ꓓꓳ ꓫꓱ, ꓓꓳ ꓚꓺ ꓖꓶ ꓠ, ꓟ ꓙꓰˍ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓔꓯ ꓐ‐ꓣꓲ ꓗꓴꓷꓼ ꓪ ꓔꓲ ꓡꓰ ꓗ, ꓡ ꓠ, ꓟ ꓘꓴˍ ꓟ ꓪꓴ. ꓠꓬꓲ ꓙꓰ ꓗꓷ ꓟ ꓥ ꓡꓳ꓿ ꓝꓮꓲ ꓔꓲꓺ ꓒ ꓪ ꓔꓲ ꓠꓬ ꓐ‐ꓣꓲ ꓗꓴꓷꓼ ꓗꓪ ꓔꓬ ꓟ ꓗ‐ꓕꓳ‐ꓡꓲꓗ ꓙꓲ‐ꓢꓴ ꓢꓲꓺ ꓤ ꓜꓴꓻ ꓔꓯ ꓥ ꓟꓲ ꓜꓲ ꓠ, ꓟ ꓙꓳˍ ꓟ ꓥ ꓡꓳ꓿

ꓐ‐ꓣꓲ ꓗꓴꓷꓼ ꓗꓪ ꓠꓱ. ꓐꓯꓼ ꓗꓴꓷꓼ ꓗꓪ ꓐꓰ ꓟꓯꓼ ꓘꓰ, ꓡ ꓢꓴ ꓐꓴ ꓔꓯ ꓥ ꓟꓲ ꓔꓲꓺ ꓒ ꓪ ꓔꓲ ꓡꓰ ꓜꓲ ꓠ, ꓟ ꓙꓳˍ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓛꓲ ꓒꓯ, ꓠꓻ ꓔꓬ ꓥ ꓟꓲ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓐꓯ ꓟ. ꓖꓶ ꓠ, ꓟ ꓠꓱ. ꓐꓯꓼ ꓗꓴꓷꓼ ꓗꓪ ꓙꓰˍ ꓟ ꓥ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓗꓴꓷꓼ ꓫꓵꓽ ꓪꓴ ꓒꓬꓱꓼ ꓔꓬ ꓟ ꓗꓴꓷꓼ ꓮ ꓟꓬ, ꓐꓱ ꓶ ꓪꓽ ꓘꓴ ꓙ ꓢꓲ ꓠꓬꓲ ꓢꓲ ꓡꓲ ꓟꓶ ꓠ, ꓟ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓶꓽ ꓓꓳ ꓫꓱ, ꓓꓳ ꓚꓺ ꓗꓷ ꓟ ꓗꓴꓷꓼ ꓠꓬ 39 ꓗꓴꓷꓼ ꓙꓳ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓪ ꓔꓲ Francis ꓠꓬ ꓐ‐ꓣꓲ ꓗꓴꓷꓼ 11 ꓦ 3 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓔꓬ ꓓꓴ ꓥꓳ ꓐꓰ ꓢꓷ. ꓪ ꓡꓳ꓿