ꓔꓲ ꓒ ꓪ ꓔꓲꓸ Francis ꓡꓰ Benin ꓗꓪ ꓮ ꓔꓳꓸ ꓐꓬ ꓗꓷ ꓟ ꓗꓪ Cꓬꓼ ꓗꓷ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓖꓶ ꓔꓬ ꓡꓳ꓾

ꓔꓲ ꓒ ꓪ ꓔꓲ Francis ꓠꓬ ꓐꓶꓻ ꓓꓵꓽ ꓮ-ꓩ-ꓣꓲ-ꓗ ꓗꓴꓷꓼ ꓐꓰ-ꓠꓲ ꓗꓪ ꓞꓳ ꓤ 35 ꓣꓳ ꓟꓽ ꓞꓲꓺ ꓮ ꓔꓳꓸ ꓐꓬ ꓫꓵꓻ ꓗꓷ ꓟ ꓑꓶꓸ ꓓꓴ ꓮ ꓘꓶꓸ ꓠꓲꓹ ꓟ ꓫꓸ ꓔꓬ ꓡꓳ ꓐꓰ 9 ꓦ 26 ꓠꓬꓲ ꓕꓯ ꓔꓰꓡꓰꓖꓣꓮꓟ ꓗꓪ ꓐꓰ ꓕꓳꓽ ꓶ ꓕꓲ ꓒꓬꓽ ꓐꓳ ꓩꓴ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓔꓲ ꓒ ꓪ ꓔꓲ ꓠꓬ ꓮ ꓔꓳꓸ ꓐꓬ ꓗꓷ ꓟ ꓐꓰ-ꓠꓲ ꓗꓴꓷꓼ Seme Krake ꓡꓳ ꓒꓱ ꓗꓪ ꓔꓬ ꓟ ꓔꓲ ꓒ ꓓꓽ Aristide Gonsallo ꓔꓬ ꓗꓪ ꓕꓳꓽ ꓶ ꓐꓳ ꓩꓴ ꓗꓷ ꓟ ꓥ ꓡꓳ= ꓕꓳꓽ ꓶ ꓗꓪ ꓠꓬ ꓔꓲ ꓒ ꓪ ꓔꓲ ꓡꓰ꓾ “ꓫꓵꓻ ꓢꓴ ꓐꓴ ꓔꓯ ꓪꓴ-ꓢ ꓬꓲ ꓫꓱꓸ ꓤˍ ꓟ ꓠꓯꓸꓼ ꓗꓪ ꓡꓯꓼ ꓙꓱ ꓗꓷ ꓢꓲ꓾ ꓠꓻ ꓓꓴ ꓓꓴ ꓡꓰ ꓢꓴ ꓐꓴ ꓠꓲꓹ ꓞ ꓓꓻ ꓡꓰ ꓠꓹ ꓟ ꓪꓽ ꓘꓴ ꓙ ꓖꓶˍ ꓥꓳ= ꓮ ꓔꓳꓸ ꓐꓬ ꓗꓷ ꓟ ꓗꓪ ꓫꓸ ꓙꓵ ꓡꓰ ꓢꓴ꓾ ꓫꓵꓻ ꓢꓴ ꓐꓴ ꓮ ꓙꓵꓽ ꓐꓱ ꓶ ꓢꓯꓼ ꓪ ꓐꓰ ꓠꓲꓹ ꓗꓴꓹ ꓖꓶˍ ꓟ ꓟꓶ ꓠꓹ ꓟ ꓣꓳ ꓟꓹ ꓟ ꓔꓯ ꓪꓽ ꓘꓴ ꓢꓲ꓾ ꓕꓲ ꓣꓳ ꓐꓱ ꓶˍ ꓐꓰ ꓕꓲ ꓗꓴꓷꓼ ꓡꓱꓸꓼ ꓕꓯꓽ ꓢꓲ ꓠꓲꓹ ꓗꓴ ꓟꓬ ꓗꓴ ꓖꓶˍ ꓟ ꓣꓱꓽ ꓛꓰꓽ ꓟꓶ ꓠꓹ ꓟ ꓥꓪ ꓪꓽ ꓘꓴ ꓖꓶ ꓔꓬ ꓡꓳ꓾ ꓐꓰ ꓐꓳ ꓔ ꓡꓳ=

ꓮ ꓔꓳꓸ ꓖꓳ ꓟ ꓠꓬ 9 ꓦ 23 ꓠꓬꓲ ꓕꓯ ꓙꓼ ꓧꓪꓽ ꓞꓶꓻ ꓪꓴꓽ ꓔꓶꓸ ꓕꓲ ꓟ ꓗꓪ ꓐꓬ ꓗꓷ ꓟ ꓥ ꓢꓲ ꓠꓬꓲ꓾ ꓙꓼ ꓧꓪꓽ ꓞꓶꓻ ꓪꓴꓽ ꓔꓶꓸ ꓐꓰ ꓞꓳ ꓤ 35 ꓣꓳ ꓫꓵꓻ ꓗꓷꓳ꓾ ꓐꓰ ꓢꓷꓸ ꓪ ꓡꓳ=