ꓔꓴ-ꓣ-ꓗꓲ ꓟꓵꓽ ꓓꓵˍ ꓟ (ꓟꓵꓽ ꓙꓴꓽ ꓚꓵꓹ ꓟ) ꓗꓪ ꓫꓵꓻ ꓢꓴ 1 ꓟꓶꓽ 5 ꓔꓴ ꓣꓳ ꓟꓽ ꓞꓲꓺ ꓙꓳ ꓡ ꓔꓬ ꓟ

ꓔꓴ-ꓣ-ꓗꓲ ꓟꓵꓽ ꓓꓵˍ ꓟ (ꓟꓵꓽ ꓙꓴꓽ ꓚꓵꓹ ꓟ) ꓗꓪ ꓫꓵꓻ ꓢꓴ 1 ꓟꓶꓽ 5 ꓔꓴ ꓣꓳ ꓟꓽ ꓞꓲꓺ ꓙꓳ ꓡ ꓔꓬ ꓟ

ꓔꓴ-ꓣ-ꓗꓲ ꓗꓪ ꓠꓽ ꓕꓲ ꓠꓬꓲ ꓕꓯ ꓒꓬꓱꓼ ꓗꓷ ꓟ ꓟꓵꓽ ꓙꓴꓽ ꓚꓵꓹ ꓟ ꓟꓵꓽ ꓓꓵ ꓗꓷ ꓟ ꓑꓶꓸ ꓓꓴ ꓮ ꓟꓶ ꓬꓲ ꓙꓵꓹ 70 ꓙꓵꓹ ꓛꓲ ꓟꓶ ꓫꓵ ꓡ ꓕꓯ ꓠꓬ ꓫꓵꓻ ꓢꓴ ꓮ ꓙꓵꓽ ꓠꓬ 1 ꓟꓶꓽ 5 ꓔꓴ ꓣꓳ ꓟꓽ ꓛꓲꓺ ꓗꓷ ꓡꓰꓳ꓾ ꓐꓰ ꓢꓷꓸ ꓪ ꓡꓳ=

ꓬꓲ ꓢꓯꓸ ꓮ ꓘꓶꓸ ꓪꓴꓽˍ ꓟ ꓟꓵꓽ ꓙꓴꓽ ꓠꓬꓲꓽ ꓟ ꓪꓴꓸ ꓠꓬꓲ ꓔꓴ-ꓣ-ꓗꓲ ꓗꓪ ꓞꓳ ꓤ 12391 ꓣꓳ ꓐꓰ ꓢꓲ-ꓣꓲ-ꓬ ꓗꓪ 2800 ꓣꓳ ꓟꓽ ꓞꓲꓺ ꓫꓵꓻ ꓗꓷꓳ꓾ ꓐꓰ ꓠꓬꓲꓸ ꓠꓬꓲ ꓠꓯꓼ ꓙꓵꓹ ꓕꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓢꓷꓸ ꓙ ꓟꓳ ꓙ ꓔ ꓡꓳ=

ꓗꓴꓷꓼ ꓗꓪ ꓟ ꓬꓰ ꓙ ꓢꓴ ꓐꓴ ꓡꓰ ꓟꓽ ꓠꓽ ꓠꓽ ꓐꓬ ꓡꓰ ꓐꓱꓽ ꓡꓰ ꓟ ꓦꓲꓻ ꓠꓯꓸ ꓘꓪ ꓗꓪ ꓟ ꓑ ꓫꓬ ꓐꓴ ꓔꓯ ꓚꓬꓴꓸ ꓓꓳˍ ꓟ ꓟꓬꓱꓽ ꓬꓰ ꓔꓬ ꓟ ꓥ ꓢꓲ꓾ ꓮ ꓟꓶ ꓗꓪ ꓛꓲꓺ ꓣ-ꓫ ꓐꓴ ꓡꓰ ꓗꓸ ꓧꓪ ꓡˍ ꓟ ꓟꓶ ꓔꓬ ꓟ ꓬꓴ-ꓗ-ꓣꓲꓸ ꓐꓴ ꓥˍ ꓟꓲ ꓬꓰ ꓙ ꓠꓹ ꓟ ꓐꓱ ꓶ ꓬꓰ ꓙ ꓢꓴ ꓜꓴꓻ ꓔꓯ ꓔꓴ-ꓣ-ꓗꓲ ꓗꓪ ꓝꓲ ꓩꓴ ꓗꓷꓳ꓾ ꓐꓰ ꓢꓷꓸ ꓪ ꓡꓳ=