ꓕꓮꓲꓹ ꓗꓪ ꓬꓲꓻ ꓙꓬ ꓘꓴꓻ ꓘꓴꓽ ꓗꓪ ꓞꓰꓻ ꓓꓵꓽ ꓡꓰ ꓟ ꓟꓬ-ꓟ ꓤ ꓠꓱ ꓤ ꓔꓯ ꓚꓬꓴꓸ ꓙ ꓗꓷ ꓟ

ꓕꓮꓲꓹ ꓗꓪ ꓬꓲꓻ ꓙꓬ ꓘꓴꓻ ꓘꓴꓽ ꓗꓪ ꓞꓰꓻ ꓓꓵꓽ ꓡꓰ ꓟ ꓟꓬ-ꓟ ꓤ ꓠꓱ ꓤ ꓔꓯ ꓚꓬꓴꓸ ꓙ ꓗꓷ ꓟ

ꓕꓮꓲꓹ ꓟꓬ-ꓟ ꓟꓵꓽ ꓫꓸ ꓗ꓾ ꓔꓸ-ꓘꓷ ꓟꓵꓽ ꓫꓴ꓾ ꓒꓴꓸꓼ-ꓒ-ꓣ ꓡꓳ ꓒꓱ ꓘꓴꓽ ꓗꓪ ꓦ ꓟꓲ ꓕꓲ ꓟ ꓗꓪ ꓟ ꓔꓶꓺ ꓓꓴ ꓐꓱ ꓶ ꓣꓱꓽ ꓔꓬ ꓟ ꓬꓲꓻ ꓙꓬ ꓘꓴꓻ ꓕꓲ ꓟ ꓘꓴꓽ ꓗꓪ 2023 ꓘꓳꓼ 1 ꓦ 6 ꓠꓬꓲ꓾ ꓟꓶꓽ ꓘꓶ 4ꓽ00 ꓙꓵꓹ ꓟꓽ ꓞꓲꓺ ꓕꓯ ꓬꓲ ꓞꓲꓼ 2 ꓘꓳꓼ ꓛꓲꓺ ꓙꓳˍ ꓟ ꓟꓬ-ꓟ ꓤ ꓠꓱ ꓤ ꓕꓲ ꓣꓳ ꓞꓰꓻ ꓓꓵꓽ ꓡꓰ ꓟ ꓔꓯ ꓕꓮꓲꓹ ꓬꓰ ꓙ ꓢꓴ ꓜꓴꓻ ꓡꓰ ꓧꓪꓸ ꓧꓪꓸꓼ ꓐꓰ ꓚꓬꓴꓸ ꓙ ꓐ ꓡ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓤ ꓠꓱ ꓬꓲ ꓮ ꓐꓽ ꓮ ꓟ ꓐꓴ ꓠꓬ ꓟꓬ-ꓟ ꓗꓴꓷꓼ ꓗꓪ ꓐꓰ ꓕꓮꓲꓹ ꓗꓪ ꓟꓬꓱꓽ ꓬꓰ ꓔꓬ ꓢꓴ ꓐꓴ ꓥ ꓢꓲ꓾ ꓤ ꓠꓱ ꓤ ꓔꓯ ꓚꓬꓴꓸ ꓐ ꓡ ꓠꓹ ꓟ ꓐꓱ ꓶ ꓕꓮꓲꓹ ꓬꓰ ꓙ ꓜꓴ ꓡꓰ ꓚꓬꓴꓸ ꓙˍ ꓟ ꓚꓬꓼ ꓔꓯ ꓣꓱꓽ ꓢꓲ ꓬꓲ ꓙꓵꓹ ꓫꓵꓽ ꓫꓵ 20 ꓙꓵꓹ ꓟ ꓛꓲꓺ ꓢꓯꓼ ꓕꓵꓼ ꓗꓷ ꓢꓲ ꓚꓬꓴꓸ ꓐ ꓡ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓟꓬ-ꓟ ꓤ ꓠꓱ ꓤ ꓞꓰꓻ ꓓꓵꓽ ꓡꓰ ꓟ ꓬꓲꓻ ꓙꓬ ꓘꓴꓻ ꓠꓬ ꓣꓳ ꓢꓲ ꓠꓬꓲ꓾ 50’ ꓠꓯꓸˍ ꓟ ꓪꓴꓸ ꓠꓬꓲ ꓤ ꓠꓱ ꓤ ꓔꓯ ꓬꓲ ꓙꓵꓹ 18 ꓙꓵꓹ ꓟꓽ ꓞꓲꓺ ꓧꓪ ꓗꓷ ꓢꓲ ꓡꓳꓹ ꓬꓰˍ ꓕꓯ ꓠꓬ ꓤ ꓠꓱ ꓤ ꓠꓬ ꓟꓽ ꓫꓵꓻ ꓢꓯꓸ ꓔꓬ ꓟ ꓔꓯ ꓟꓳꓻ ꓡꓰ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=