Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓕꓮꓲꓹ ꓗꓴꓷꓼ ꓗꓪ ꓫꓬꓹ ꓔꓬ ꓟ ꓓꓽ ꓖꓴ ꓞꓰꓻ ꓡꓰ ꓢꓲ 2 ꓣꓳ ꓫꓵꓻ꓾ 12 ꓣꓳ ꓠꓻ ꓓꓴ ꓓꓴ ꓡꓰꓳ
ꓕꓮꓲꓹ ꓗꓴꓷꓼ ꓗꓪ ꓫꓬꓹ ꓔꓬ ꓟ ꓓꓽ ꓖꓴ ꓞꓰꓻ ꓡꓰ ꓢꓲ 2 ꓣꓳ ꓫꓵꓻ꓾ 12 ꓣꓳ ꓠꓻ ꓓꓴ ꓓꓴ ꓡꓰꓳWednesday, July 12, 2023
ꓕꓮꓲꓹ ꓗꓴꓷꓼ꓾ ꓐꓮꓠꓖꓗꓳꓗ ꓡꓳ ꓒꓱ ꓡꓯꓸ-ꓗ-ꓐꓯ ꓟꓵꓽ ꓙ ꓫꓸ ꓕꓲ ꓟ ꓗꓪ 7 ꓦ 10 ꓠꓬꓲ꓾ ꓠꓽ ꓕꓲꓽ ꓠꓬꓲ ꓟꓶꓽ ꓘꓶꓼ ꓙꓵꓹ ꓕꓯ ꓓꓽ ꓖꓴꓽ ꓐꓱꓽ ꓞꓰꓻ ꓡꓰ ꓗꓷꓳ=
ꓓꓽ ꓖꓴꓽ ꓓꓽ ꓟ ꓐꓱꓽ ꓞꓰꓻ ꓡꓰ ꓟ ꓑꓶꓸ ꓓꓴ ꓬꓲ ꓪꓴꓸ ꓕꓯ ꓠꓬ ꓫꓵꓻ ꓢꓴ 1 ꓣꓳ ꓠꓻ ꓓꓴ ꓓꓴ ꓡꓰ ꓢꓴ 13 ꓣꓳ ꓙꓳ ꓡꓰ ꓢꓲ꓾ ꓗ ꓠꓯꓸ ꓟꓶꓽ ꓘꓶꓽ 9 ꓙꓵꓹ ꓛꓲ ꓕꓯ ꓠꓬ ꓠꓻ ꓓꓴ ꓓꓴ ꓡꓰ ꓢꓴ 13 ꓣꓳ ꓘꓴꓽ ꓗꓪ ꓟ 1 ꓣꓳ ꓠꓬ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬꓹ ꓔꓬ ꓕꓯ ꓫꓵꓻ ꓟ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=
ꓫꓵꓻ ꓢꓴ ꓕꓲ ꓣꓳ ꓠꓬ ꓟꓳ-ꓓꓳ ꓫꓵꓸ ꓔꓬ ꓕꓯ ꓓꓽ ꓖꓴꓽ ꓓꓽ ꓟ ꓞꓰꓻ ꓔꓲꓸ ꓡ ꓢꓲ ꓬꓲ ꓠꓬ ꓟꓳ-ꓓꓳ ꓘꓴꓽ ꓗꓪ ꓡꓰꓽ ꓔꓲꓸ ꓛꓵꓽ ꓡꓰ ꓢꓲ ꓫꓵꓻ ꓟ ꓥ ꓡꓳ꓾ ꓐꓰ ꓬꓰ ꓙ ꓢꓴ ꓐꓴ ꓡꓰ ꓐꓯ ꓡꓳ= ꓠꓯꓻ ꓞꓲꓼ ꓦꓲ ꓗꓪ ꓫꓵꓻ ꓢꓴ ꓐꓰ ꓠꓻ ꓓꓴ ꓓꓴ ꓡꓰ ꓢꓴ ꓐꓴ ꓘꓴꓽ ꓗꓪ ꓟꓬꓽ ꓠꓬꓲ ꓠꓬ ꓓꓽ ꓖꓴꓽ ꓫꓬꓹ ꓟ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓡꓰꓽ ꓥ ꓡꓳ꓾ ꓐꓰ ꓢꓷꓸ ꓪ ꓡꓳ=
ꓙ ꓫꓸ ꓐꓴ ꓗꓪ ꓟꓳ-ꓓꓳ ꓙ ꓖꓴ ꓛꓵꓽ ꓡꓰˍ ꓟ ꓫꓵꓽ ꓪꓴ ꓠꓲꓸ ꓡꓰ ꓠꓹ ꓟ ꓐꓱ ꓶ ꓗꓳꓸ ꓗꓷ ꓟ ꓠꓬꓲꓽ ꓘꓳꓼ ꓕꓯ ꓡꓰ ꓓꓽ ꓖꓴꓽ ꓕꓱ ꓟ ꓔꓯ ꓫꓬꓹ ꓩꓴ ꓡ ꓟ ꓥ ꓢꓲ ꓠꓬꓲ꓾ ꓟꓴꓺ ꓙ ꓠꓬ 20m꓾ ꓫꓵꓺ ꓙ ꓠꓬ 2200m 4 ꓚꓱꓹ ꓙꓰˍ ꓟ ꓓꓽ ꓖꓴꓽ ꓓ ꓟ ꓥ ꓢꓲ ꓮ ꓟꓶ 2023 ꓘꓳꓼ 8 ꓦ ꓕꓯ ꓫꓬꓹ ꓓꓳ ꓡꓰ ꓝꓲ ꓓꓴ ꓥ ꓡꓳ꓾ ꓐꓰ ꓓꓽ ꓖꓴꓽ ꓫꓬꓹ ꓢꓴ ꓐꓴ ꓡꓰ ꓐꓯ ꓡꓳ꓾ ꓐꓰ ꓢꓷꓸ ꓪ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment