ꓕꓮꓲ, ꓗꓴꓷꓼ ꓗꓪ ꓐꓰ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓙꓰ ꓢꓴ ꓑ ꓫꓬ (55) ꓣꓳ ꓖꓴ ꓪꓴ. Korean ꓗꓴꓷꓼ ꓗꓪ ꓟꓶꓽ ꓡꓰ ꓟ ꓓꓳꓽ

ꓕꓮꓲ, ꓗꓴꓷꓼ ꓗꓪ ꓐꓰ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓙꓰ ꓢꓴ ꓑ ꓫꓬ (55) ꓣꓳ ꓖꓴ ꓪꓴ. Korean ꓗꓴꓷꓼ ꓗꓪ ꓟꓶꓽ ꓡꓰ ꓟ ꓓꓳꓽ

8 ꓦ ꓟ 8 ꓠꓬꓲ 2022 ꓠꓬꓲ ꓗꓪ Thai  ꓗꓴꓷꓼ ꓗꓪ ꓐꓰ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓙꓰ ꓢꓴ ꓑ ꓫꓬ (55) ꓣꓳ Korean ꓗꓴꓷꓼ ꓙꓯ‐ꓙꓴ ꓟꓵꓽ ꓗꓪ ꓟꓶꓽ ꓔꓬ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ ꓗꓳ. ꓗꓷ ꓟ ꓕꓲ ꓫꓵꓽ ꓠꓽ ꓕꓯ Thai ꓗꓴꓷꓼ ꓗꓪ ꓐꓰ ꓕꓲ ꓟꓵꓽ ꓡꓰ ꓕꓲ ꓟꓵꓽ ꓙꓰ ꓢꓴ ꓑ ꓫꓬ (280) ꓣꓳ ꓙꓯ‐ꓙꓴ ꓐꓬꓱ ꓦꓲꓻ ꓠꓽ ꓔꓶ. ꓗꓪ ꓐꓰ Korean ꓗꓴꓷꓼ ꓗꓪ ꓚꓳ ꓡ ꓟ ꓥ ꓡꓳ꓿ ꓕꓰ ꓚꓳ ꓡ ꓢꓴ ꓑ ꓫꓬ ꓐꓴ ꓗꓪ ꓐꓰ (55) ꓣꓳ ꓠꓬ ꓟꓶꓽ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓖꓶ ꓔ ꓡꓳ꓿

Thai ꓗꓴꓷꓼ ꓗꓪ ꓐꓰ ꓑ ꓫꓬ (697) ꓣꓳ ꓐꓬꓱ ꓦꓲꓻ ꓜꓶ ꓢꓲ ꓠꓬꓲ Korea ꓗꓴꓷꓼ ꓗꓪ ꓙꓰ ꓗꓷ ꓥ ꓟꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓑ ꓫꓬ (417) ꓣꓳ ꓔꓯ ꓡꓽ ꓙꓰ ꓝꓲꓳ꓿ ꓔꓧꓮꓲ ꓑ ꓫꓬ (280) ꓣꓳ ꓔꓯ Korea ꓗꓴꓷꓼ ꓗꓪ ꓓꓵꓽ ꓝꓲ ꓗꓷ ꓟꓲ Thai  ꓑ ꓫꓬ (50) ꓣꓳ ꓠꓬ ꓮ ꓡꓲ ꓗꓪ ꓙꓰ ꓔꓬ ꓟꓽ ꓢꓷ.꓾ ꓟꓶꓽ ꓔꓬ ꓡꓳ ꓐꓰ Korea ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓟꓶꓽ ꓔꓬ ꓟ ꓔꓧꓮꓲ ꓟꓵꓽ ꓚꓳ ꓢꓴ ꓐꓴ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓧꓪ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ Korean ꓗꓴꓷꓼ ꓗꓪ ꓠꓬ Thai ꓑ ꓫꓬ ꓮ ꓟꓬ, ꓟꓬꓱꓽ ꓬꓰ ꓔꓬ ꓟ ꓗꓴꓷꓼ ꓕꓲ ꓗꓴꓷꓼ ꓟꓲ ꓥ ꓡꓳ ꓐꓰ ꓢꓷ. ꓪ ꓡꓳ꓿