ꓕꓮꓲ, ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ (180) ꓣꓳ ꓟꓬ‐ꓪ‐ꓓꓲ ꓡꓳ ꓒꓱ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓡꓽ ꓙꓰ ꓝꓲ ꓟ

#creditphoto #Myanmar Migrant workers

Tuesday, August 29, 2023

ꓕꓮꓲ, ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ (180) ꓣꓳ ꓟꓬ‐ꓪ‐ꓓꓲ ꓡꓳ ꓒꓱ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓡꓽ ꓙꓰ ꓝꓲ ꓟ

8 ꓦ 27 2023 ꓘꓳꓼ ꓕꓯ ꓕꓯꓲ, ꓗꓴꓷꓼ ꓗꓪ ꓟꓬꓱꓽ ꓬꓰ ꓔꓬ ꓟ ꓟꓬ‐ꓟ ꓟꓬꓱꓽ ꓬꓰ ꓢꓴ (180) ꓣꓳ ꓠꓬ ꓟꓬ‐ꓪ‐ꓓꓲ ꓡꓳ ꓒꓱ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓙ ꓙꓰ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓟꓬꓱꓽ ꓬꓰ ꓢꓴ ꓔꓯ ꓕꓮꓲ, ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓟꓬ‐ꓟ ꓗꓴꓷꓼ ꓗꓪ ꓡ ꓙꓰ ꓝꓲ ꓟ ꓠꓬ ꓠꓬ 8 24 ꓦ ꓟ 24 ꓠꓬꓲ ꓗꓪ ꓛꓲ (184) ꓣꓳ ꓥ ꓢꓲ ꓠꓬꓲ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓕꓯꓲ, ꓗꓴꓷꓼ ꓫ. ꓔꓬ ꓢꓴ ꓐꓴ ꓐꓰ ꓟꓬꓱꓽ ꓬꓰ ꓟ ꓔꓶ. ꓗꓪ ꓫ. ꓓꓴ ꓙꓳˍ ꓢꓴ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓟꓬ‐ꓪ‐ꓓꓲ ꓡꓳ ꓒꓱ ꓗꓪ ꓙ ꓛꓲ ꓡ ꓟ ꓙꓵ, ꓕꓯ ꓟꓬꓱꓽ ꓬꓰ ꓢꓴ ꓐꓴ ꓠꓯ, ꓗꓪ ꓮ ꓡꓰ ꓫꓵꓽ ꓔꓯ ꓢꓷ. ꓠ, ꓟ ꓢꓳꓻ ꓜꓲꓼ ꓓꓴ ꓔꓯ ꓟ. ꓖꓶ ꓗꓷ ꓐꓰ ꓐꓯ ꓔ ꓡꓳ꓿ ꓝꓮꓲ ꓚꓲ. ꓛꓬ ꓔꓬ ꓟ ꓟꓵꓽ ꓗꓪ ꓡ ꓙꓰ ꓠ, ꓟ ꓫ. ꓔꓬ ꓢꓴ ꓐꓴ ꓔꓯ ꓥ ꓟꓲ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓕꓮꓲ, ꓗꓪ ꓐꓰ ꓬꓯꓼ ꓡ ꓢꓴ ꓐꓴ ꓔꓯ ꓠꓻ ꓓꓴ ꓑꓬ ꓓꓴ ꓟꓽ ꓙꓳˍ ꓠ, ꓟ ꓮ ꓡꓰ ꓐꓰ ꓤ ꓟꓳ ꓠ, ꓟ ꓮ ꓟꓬ, ꓫꓵꓽ ꓔꓯ ꓟ. ꓖꓶ ꓗꓷ ꓐꓰ (Popular News Journal ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿