ꓕꓮꓲ, ꓗꓴꓷꓼ ꓗꓪ ꓪꓴꓽ ꓜꓽ ꓗꓷ ꓢꓲ ꓠꓬꓲ ꓟꓬꓱꓽ ꓬꓰ ꓖꓴ ꓗꓪ ꓫ. ꓓꓴ ꓔꓳ, ꓜꓳ ꓔꓬ ꓟ ꓟꓬ‐ꓟ ꓞꓳ ꓫꓵꓽ (14) ꓣꓳ ꓔꓯ ꓕꓮꓲ, ꓟꓯꓼ ꓐꓴ ꓡꓰ ꓚꓬꓴ. ꓙ ꓗꓷ ꓟ

#rvalisu #Myanmar Migrant workers #Thailand #Credit # NTK

Friday, March 03, 2023

ꓕꓮꓲ, ꓗꓴꓷꓼ ꓗꓪ ꓪꓴꓽ ꓜꓽ ꓗꓷ ꓢꓲ ꓠꓬꓲ ꓟꓬꓱꓽ ꓬꓰ ꓖꓴ ꓗꓪ ꓫ. ꓓꓴ ꓔꓳ, ꓜꓳ ꓔꓬ ꓟ ꓟꓬ‐ꓟ ꓞꓳ ꓫꓵꓽ (14) ꓣꓳ ꓔꓯ ꓕꓮꓲ, ꓟꓯꓼ ꓐꓴ ꓡꓰ ꓚꓬꓴ. ꓙ ꓗꓷ ꓟ

3 ꓦ 3 ꓠꓬꓲ 2023 ꓘꓳꓼ ꓕꓯ ꓕꓯꓲ, ꓗꓴꓷꓼ ꓗꓪ ꓪꓴꓽ ꓜꓽ ꓗꓷ ꓢꓲ ꓠꓬꓲ ꓟꓬꓱꓽ ꓬꓰ ꓖꓴ ꓗꓪ ꓫ. ꓓꓴ ꓔꓳ, ꓜꓳ ꓔꓬ ꓟ ꓟꓬ‐ꓟ ꓞꓳ ꓫꓵꓽ (14) ꓣꓳ ꓔꓯ ꓕꓮꓲ, ꓟꓯꓼ ꓐꓴ ꓡꓰ ꓚꓬꓴ. ꓙ ꓗꓷꓳ꓾ ꓐꓰ ꓐꓯ ꓔ ꓡꓳ꓿

ꓟꓬ‐ꓟ ꓟꓬꓱꓽ ꓬꓰ ꓢꓴ (14) ꓣꓳ ꓠꓬ ꓟ‐ꓛꓵ ꓘꓶꓻˍ ꓟ ꓟꓬꓱꓽ ꓔꓯ ꓬꓲ. ꓙꓵ, ꓟꓶ ꓫꓵ ꓫꓵˍ ꓟꓬꓱꓽ ꓬꓰ ꓝꓲˍ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓬ‐ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓬꓱꓽ ꓬꓰ ꓒꓵꓽ ꓟꓽ ꓖꓶ꓿ ꓝꓮꓲ ꓜꓽ ꓓꓴ ꓥ ꓟꓲ ꓫ. ꓫ.ˍ ꓐꓰ ꓖꓶ ꓜꓽ ꓔ ꓡꓳ ꓐꓰ ꓐꓯ ꓔ ꓡꓳ꓿ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓬꓱꓽ ꓢꓲꓺ ꓒꓽ ꓡꓰ ꓮ ꓟꓬ, ꓛꓲ ꓝꓴꓲ ꓖꓶ ꓔ ꓟ ꓪꓴ. ꓠꓬꓲ ꓟꓬꓱꓽ ꓬꓰ ꓢꓴ ꓐꓴ ꓮ ꓘꓶ. ꓔꓬ ꓫ. ꓗꓷꓳ ꓐꓰ ꓐꓯ ꓔ ꓡꓳ꓿

ꓟꓬꓱꓽ ꓬꓰ ꓢꓴ ꓐꓴ ꓡꓰ ꓬꓰ ꓙ ꓢꓴ ꓜꓴꓻ ꓔ ꓚꓬꓴ. ꓙ ꓠ, ꓟ ꓓꓰꓽˍ ꓟ ꓪꓴ. ꓠꓬꓲ ꓕꓮꓲ, ꓟꓯꓼ ꓐꓴ ꓐꓰ ꓬꓰ ꓙ ꓢꓴ ꓜꓴꓻ ꓡꓰ ꓙꓰ ꓢꓲ ꓠꓬꓲ ꓚꓬꓴ. ꓙ ꓗꓷ ꓟ ꓥ ꓡꓳ ꓐꓰ (MyanmaPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿