ꓕꓮꓲ ꓗꓴꓷꓼ ꓭꓸ ꓘꓴ ꓗꓪ ꓐꓱ ꓡꓰ ꓢꓴ 13 ꓣꓳ ꓔꓯ ꓚꓬꓴꓸ ꓙ ꓗꓷ ꓟ ꓐꓣꓲꓔꓮꓲꓠ ꓬꓲꓻ ꓙꓬ ꓖꓴꓽ ꓢꓴ 2 ꓣꓳ ꓒꓵꓽˍ ꓟ ꓙꓵꓽ ꓪꓴꓸ ꓛꓴꓽ ꓘꓳꓹ ꓣꓴ ꓟꓶ ꓡꓰ ꓟ

ꓕꓮꓲ ꓗꓷꓴꓼ ꓗꓪ ꓬꓲꓻ ꓙꓬ ꓐꓲꓻ ꓓꓹ ꓟ ꓭꓸ ꓘꓴ ꓗꓪ ꓐꓰ ꓞꓳ ꓡꓱ 12 ꓣꓳ ꓐꓰ ꓑꓰꓹ ꓡꓴꓸ ꓟꓸ ꓒ ꓐꓴ ꓔꓯ ꓚꓬꓴꓸ ꓙ ꓐ ꓡ ꓗꓷ ꓟ ꓐꓣꓲꓔꓮꓲꓠ ꓗꓴꓷꓼ ꓢꓴ ꓬꓲꓻ ꓙꓬ ꓖꓴꓽ ꓢꓴ ꓠꓬꓲꓽ ꓣꓳ ꓔꓯ ꓐꓣꓲꓔꓮꓲꓠ ꓗꓴꓷꓼ ꓐ-ꓣꓲ-ꓢ-ꓔꓳꓹ ꓟꓴ ꓕꓲꓸ ꓢꓳꓻ ꓦꓲ ꓗꓪ ꓐꓰ ꓒꓵꓽˍ ꓟ ꓙꓵꓽ ꓪꓴꓸ ꓛꓴꓽ ꓖꓶ ꓗꓷꓳ=

2018 ꓘꓳꓼ 7 ꓦ ꓕꓯ ꓔꓮꓪ-ꓪꓰꓔ ꓑꓰꓹ ꓡꓴꓸ ꓑꓰꓹ ꓜꓴꓻ ꓗꓪ ꓟ ꓞꓳ ꓡꓱ ꓤ 12 ꓣꓳ ꓐꓰ ꓬꓲ ꓪ ꓐꓴ ꓔꓯ ꓟꓸ ꓖꓶ ꓢꓴ ꓐꓴ ꓠꓬ ꓬꓲꓻ ꓙꓬ ꓐꓲꓻ ꓓꓹ ꓟ ꓭ ꓘꓴ ꓗꓪ ꓛꓵꓽ ꓔꓲꓸ ꓓꓹ ꓟ ꓥ ꓡꓳ= ꓮ ꓘꓶꓸ ꓠꓯꓹ ꓞꓲꓹ ꓟ ꓭ ꓘꓴ ꓗꓪ ꓬꓲꓻ ꓙꓬ ꓬꓲ ꓓꓽ ꓟ ꓬꓲꓻ ꓔꓬ ꓥˍ ꓟꓲ ꓐꓣꓲꓔꓮꓲꓠ ꓗꓴꓷꓼ ꓢꓴ ꓠꓬꓲꓽ ꓣꓳ ꓠꓬ ꓭꓸ ꓘꓴ ꓗꓪ ꓓꓵꓽ ꓙꓰ ꓢꓲ ꓤ ꓠꓱ ꓤ 12 ꓣꓳ ꓐꓰ ꓑꓰꓹ ꓡꓴꓸ ꓟꓸ ꓒ ꓔꓯ ꓚꓬꓴꓸ ꓙ ꓐ ꓡ ꓗꓷ ꓟ ꓥ ꓡꓳ=

ꓕꓲ ꓟꓲ ꓠꓯ ꓡꓱꓸꓼ ꓡꓳꓸ ꓔꓬ ꓟ ꓫꓵꓽ ꓪꓴ ꓕꓱ ꓟ ꓗꓪ ꓞꓳ ꓡꓱ ꓐꓴ ꓐꓰ ꓑꓰꓹ ꓡꓴꓸ ꓟꓸ ꓒ ꓐꓴ ꓔꓯ ꓚꓬꓴꓸ ꓙ ꓠꓹ ꓟ ꓐꓣꓲꓔꓮꓲꓠ ꓗꓴꓷꓼ ꓢꓴ John Volanthen ꓐꓰ Rick Stanton ꓐꓴ ꓔꓯ ꓕꓮꓲ ꓙꓵꓽ ꓪ ꓙꓳ ꓢꓴ ꓡꓰ ꓬꓰ ꓙ ꓠꓹ ꓟ ꓓꓰꓽ ꓗꓷ ꓟ ꓥ ꓡꓳ=

Ref: Yo Yar Lay