ꓕꓯꓰ ꓗꓴꓷꓼ ꓗꓪ ꓟꓬ ꓟ ꓟꓬꓱꓼ ꓬꓲ ꓢꓴ ꓬꓲ ꓪ ꓤ ꓠꓱ ꓐꓴ ꓔꓯ ꓥ ꓟꓲ ꓔꓬ ꓠꓹ ꓟ ꓙꓵ ꓪ ꓖꓶꓼˍ ꓟ ꓓꓳꓽ

ꓕꓯꓰ ꓗꓴꓷꓼ ꓗꓪ ꓟꓬ ꓟ ꓟꓬꓱꓼ ꓬꓲ ꓢꓴ ꓬꓲ ꓪ ꓤ ꓠꓱ ꓐꓴ ꓔꓯ ꓥ ꓟꓲ ꓔꓬ ꓠꓹ ꓟ ꓙꓵ ꓪ ꓖꓶꓼˍ ꓟ ꓓꓳꓽ

           ꓕꓯꓲ ꓗꓴꓷꓼ ꓗꓪ ꓟꓬ ꓟ ꓟꓬꓱ ꓬꓲ ꓢꓴ ꓐꓴ ꓤ ꓠꓱ 18 ꓘꓳꓼ ꓟ ꓡꓳ ꓢꓴ ꓐꓴ ꓔꓯꓸ ꓥ ꓟꓲ ꓞꓳ ꓟꓳ ꓐꓴ ꓕꓯꓲ ꓗꓴꓷꓼ ꓗꓪ ꓔꓬ ꓪ ꓠꓹ ꓟ ꓐꓱ ꓶ ꓫꓬꓼ ꓔ ꓟ ꓬꓲ ꓠꓬꓲ ꓮ ꓡꓲ ꓠꓬ ꓖꓳ ꓡꓱ ꓤ ꓠꓱ ꓐꓴ ꓥ ꓟꓲ ꓔꓬ ꓪ ꓓˍ ꓡꓳ ꓐꓰ 10 ꓦ ꓕꓯ ꓕꓯꓲ ꓗꓴꓷꓼ ꓗꓪ ꓟ ꓙꓵ ꓪ ꓙꓳ ꓢꓴ ꓐꓴ ꓡꓲ ꓖꓪ ꓙꓱ ꓞꓶꓸ ꓗꓶ ꓟ ꓥ ꓡꓳ ꓐꓰ ꓢꓷꓸ ꓪ ꓡꓳ=ꓖꓳ ꓟ ꓡꓲ ꓟ ꓞꓲ ꓟꓬ ꓟ ꓟꓬꓱꓼ ꓬꓲ ꓢꓴ ꓐꓴ ꓔꓯ 2023 ꓘꓳꓼ 10 ꓦ ꓟ ꓕꓲ ꓠꓬꓲ ꓗꓪ ꓐꓰ 2025 ꓘꓳꓼ 2 ꓦ ꓟ 13 ꓠꓬꓲ ꓗꓪ ꓛꓲ ꓟꓬꓱꓼ ꓬꓲ ꓠꓹ ꓟ ꓐꓱ ꓶ ꓙꓵ ꓪ ꓖꓶ ꓔ ꓟ ꓟꓲ ꓥ ꓡꓳ=

               ꓖꓳ ꓡꓱ ꓥ ꓟꓲ 2023 ꓘꓳꓼ 1 ꓦ ꓟ 18 ꓠꓬꓲ ꓗꓪ ꓐꓰ 2024 ꓘꓳꓼ 1 ꓦ ꓟ 15 ꓠꓬꓲ ꓬꓲ ꓘꓴ ꓗꓪ ꓟꓬꓱꓼ ꓪ ꓠꓹ ꓟ ꓐꓱ ꓶ ꓠꓹ ꓟꓬꓱ ꓗꓶ ꓠꓹ ꓔ ꓟ ꓥꓡꓳ ꓐꓰ ꓢꓷꓸ ꓪ ꓡꓳ=18 ꓘꓳꓼ ꓐꓰ ꓡꓲ ꓢꓴ ꓐꓴ ꓔꓯ ꓥ ꓟꓲ 2025 ꓘꓳꓼ 2 ꓦ ꓟ 13 ꓠꓬꓲ ꓗꓪ ꓛꓲ ꓔꓬ ꓪ ꓟ ꓡꓲ ꓐꓰ ꓟꓬꓱꓼ ꓬꓲ ꓠꓲꓹ ꓫꓵ ꓢꓴ ꓔꓯ ꓠꓬ꓾ ꓬꓲ ꓠꓲ ꓫꓵ ꓟ ꓚꓱꓼ ꓶ ꓓꓰ ꓙꓵˍ ꓟ ꓔꓯ ꓥ ꓟꓲ ꓕꓯꓲ ꓗꓴꓷꓼ ꓟꓬꓱꓼ ꓬꓲ ꓢꓴ ꓐꓴ ꓔꓯ ꓗꓪ ꓫꓵ ꓢꓴ ꓜꓴ ꓗꓪ ꓐꓰ ꓢꓷꓸ ꓪ ꓡꓳ=

              ꓕꓱ ꓟ ꓔꓯ ꓕꓯꓲ ꓗꓴꓷꓼ ꓗꓪ ꓟꓬꓱꓼ ꓬꓲ ꓔꓬ ꓢꓴ ꓐꓴ ꓡꓲ ꓚꓲꓸ ꓛꓬ ꓬꓲ ꓔꓬ ꓟ ꓔꓶꓸ ꓗꓪ ꓟꓬꓱ ꓢꓲ ꓒ ꓥ ꓠꓬ꓾ ꓙꓵ ꓪ ꓙꓳ ꓢꓴ ꓐꓴ ꓔꓯ ꓐꓯ ꓟꓸ ꓠꓹ ꓟ ꓥ ꓟꓲ ꓕꓯꓲ ꓗꓴꓷꓼ ꓟꓬꓱ ꓬꓲ ꓢꓴ ꓔꓯ ꓗꓪ ꓫꓵ ꓢꓴ ꓜꓴ ꓡꓲ 10 ꓦ ꓟ 25 ꓠꓬꓲ ꓕꓯ ꓐꓯ ꓖꓶ ꓔ ꓟ ꓥ ꓡꓳ=