ꓕꓯꓲ, ꓗꓴꓷꓼ ꓛꓲ‐ꓟꓮꓲ ꓟꓵꓽ ꓗꓪ ꓮ ꓔꓳ. ꓐꓬ ꓔꓬ ꓟ ꓪꓴ. ꓠꓬꓲ ꓮ. ꓔꓳ. ꓢꓰꓼ ꓒꓽ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

ꓕꓯꓲ, ꓗꓴꓷꓼ ꓛꓲ‐ꓟꓮꓲ ꓟꓵꓽ ꓗꓪ ꓮ ꓔꓳ. ꓐꓬ ꓔꓬ ꓟ ꓪꓴ. ꓠꓬꓲ ꓮ. ꓔꓳ. ꓢꓰꓼ ꓒꓽ ꓕꓲ ꓣꓳ ꓫꓵꓻ ꓡꓰ ꓟ ꓓꓳꓽ

4 ꓦ ꓟ 2 ꓠꓬꓲ 2023 ꓘꓳꓼ ꓕꓯ ꓕꓮꓲ, ꓗꓴꓷꓼ ꓛꓲ‐ꓟꓮꓲ ꓟꓵꓽ ꓗꓪ ꓮ. ꓔꓳ. ꓐꓬ ꓔꓬ ꓟ ꓪꓴ. ꓠꓬꓲ ꓮ. ꓔꓳ. ꓢꓰꓼ ꓒꓽ ꓕꓲ ꓣꓳ ꓫꓵꓻ ꓡꓰ ꓐꓰ ꓐꓯ ꓔ ꓡꓳ꓿ ꓕꓱ ꓮ. ꓔꓳ. ꓢꓰꓼ ꓒꓽ ꓠꓬ ꓬꓲ. ꓞꓲꓼ (39) ꓘꓳꓼ ꓙꓳ ꓡꓰ ꓢꓴ ꓥ ꓢꓲ ꓠꓬꓲ ꓬꓲ. ꓠꓬ ꓢꓯꓼ ꓦ ꓟꓽ ꓓꓽ ꓗꓷ ꓡꓰ ꓟ ꓪꓴ. ꓠꓬꓲ ꓫꓵꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓛꓲ‐ꓟꓮꓲ ꓟꓵꓽ ꓗꓪ ꓗꓳ. ꓗꓷ ꓟ ꓠꓽ ꓡꓲ ꓠꓬꓲ ꓕꓯ  ꓟꓵꓽ ꓗꓪ ꓮ. ꓔꓳ. ꓐꓬ ꓔꓬ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓮ. ꓔꓳ. ꓔꓯ ꓢꓰꓼ ꓠ, ꓟ ꓗꓽ ꓠ, ꓟ ꓐꓯ ꓔ ꓡꓳ꓿

ꓕꓱ ꓮ. ꓔꓳ. ꓔꓯ ꓢꓰꓼ ꓠ, ꓟ ꓕꓮꓲ, ꓮ. ꓔꓳ. ꓢꓰꓼ ꓒꓼ ꓐꓴ ꓠꓬ ꓟꓵꓽ ꓗꓪ ꓙꓰ ꓢꓲ ꓠꓬꓲ ꓮ. ꓔꓳ. ꓔꓯ ꓢꓰꓼ ꓗꓷ ꓟ ꓥ ꓡꓳ꓿ ꓮ. ꓔꓳ. ꓢꓰꓼ ꓠ, ꓟ ꓙꓰ ꓟ ꓙꓵ, ꓕꓯ ꓮ. ꓔꓳ. ꓢꓰꓼ ꓒꓽ ꓕꓲ ꓣꓳ ꓫꓵꓻ ꓡꓰ ꓟ ꓔꓯ ꓡꓳ. ꓟꓳ ꓪ ꓡꓳ꓿

ꓝꓮꓲ ꓕꓱ ꓮ. ꓔꓳ. ꓐꓬ ꓡꓰ ꓟ ꓪꓴ. ꓠꓬꓲ ꓟꓵꓽ ꓮ ꓟꓬ, ꓮ. ꓔꓳ. ꓐꓬ ꓡꓰ ꓢꓲ ꓠꓬꓲ ꓧꓪ ꓫꓵꓽ ꓧꓪ ꓙꓵꓽ ꓥ ꓟꓲ ꓮ ꓟꓬ, ꓫꓵꓻ ꓡꓰ ꓐꓯ ꓔ ꓡꓳ꓿ ꓙꓵꓽ ꓪ ꓙꓳ ꓢꓴ ꓐꓴ ꓮ. ꓔꓳ. ꓔꓯ ꓢꓰꓼ ꓔꓬ ꓡꓳ ꓐꓰ (Popular News Journal) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿