ꓕꓲ ꓟꓲ ꓠꓯ ꓡꓱꓸꓼ ꓗꓪ ꓤ ꓑ ꓤ ꓗꓳ ꓡꓳ ꓗꓪ ꓐꓰ ꓞꓲꓼ ꓪꓴꓽ ꓢꓴ ꓬꓲ ꓞꓲꓼ 112 ꓘꓳꓼ ꓙꓳ ꓢꓴ ꓙ‐ꓑ ꓞꓳ ꓫꓵꓽ ꓠꓬ ꓫꓵꓻ ꓟ ꓓꓳꓽ

ꓕꓲ ꓟꓲ ꓠꓯ ꓡꓱꓸꓼ ꓗꓪ ꓤ ꓑ ꓤ ꓗꓳ ꓡꓳ ꓗꓪ ꓐꓰ ꓞꓲꓼ ꓪꓴꓽ ꓢꓴ ꓬꓲ ꓞꓲꓼ 112 ꓘꓳꓼ ꓙꓳ ꓢꓴ ꓙ‐ꓑ ꓞꓳ ꓫꓵꓽ ꓠꓬ ꓫꓵꓻ ꓟ ꓓꓳꓽ

ꓕꓲ ꓟꓲ ꓠꓯ ꓡꓱꓸꓼ ꓗꓪ ꓤ ꓑ ꓤ ꓗꓳ ꓡꓳ ꓗꓪ ꓐꓰ ꓞꓲꓼ ꓪꓴꓽ ꓢꓴ ꓬꓲ ꓞꓲꓼ 112 ꓘꓳꓼ ꓙꓳ ꓢꓴ ꓙ‐ꓑ ꓞꓳ ꓫꓵꓽ ꓠꓬ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱꓽ ꓡꓳ, ꓬꓰꓳ꓾ ꓐꓰ ꓢꓷ. ꓪ ꓡꓳ꓿ ꓬꓲ ꓠꓬ ꓙ‐ꓑ ꓗꓴꓷꓼ ꓠ‐ꓬ ꓡꓳ ꓒꓱ ꓗꓪ ꓔꓬ ꓢꓴ ꓥ ꓡꓳ꓿ ꓙ‐ꓑ ꓗꓴꓷꓼ ꓗꓪ ꓐꓰ ꓞꓲꓼ ꓪꓴꓽ ꓡꓳ, ꓬꓰ ꓢꓴ ꓟꓲ‐ꓗꓳ‐ꓜꓴ ꓬꓴ‐ꓲ‐ꓔ ꓟꓬꓱꓺ ꓢꓴ ꓠꓬ 9 ꓦ 13 ꓠꓬꓲ ꓔꓯ ꓫꓵꓻ ꓡꓰꓳ꓾ ꓐꓰ ꓐꓯ ꓔ ꓡꓳ꓿ ꓬꓴ‐ꓲ‐ꓔ ꓔꓯ 1910 ꓘꓳꓼ 5 ꓦ 11 ꓠꓬꓲ ꓕꓯ ꓠ‐ꓬ ꓡꓳ ꓒꓱ ꓗꓪ ꓦꓵꓻ ꓗꓷꓳ꓿ ꓙ‐ꓑ ꓗꓴꓷꓼ ꓗꓪ ꓕꓲ ꓟꓲ ꓠꓯ ꓡꓱꓸꓼ ꓗꓪ ꓞꓲꓼ ꓪꓴꓽ ꓡꓳ, ꓬꓰ ꓢꓴ ꓮ ꓟꓬ, ꓔꓬ, ꓟ ꓗꓴꓷꓼˍ ꓟꓲ ꓥ ꓡꓳ꓿ꓙ‐ꓑ ꓗꓴꓷꓼ ꓗꓪ ꓐꓰ ꓞꓲꓼ ꓪꓴꓽ ꓡꓳ, ꓬꓰ ꓢꓴ ꓙꓬ‐ꓬꓴ‐ꓟꓳ ꓗꓲ‐ꓣꓲ‐ꓟꓴ ꓟꓬꓱꓺ ꓔ ꓢꓴ ꓠꓬ ꓞꓲꓼ 116 ꓘꓳꓼ ꓕꓯ ꓫꓵꓻ ꓡꓰꓳ꓿

ꓝꓮꓲ ꓙ‐ꓑ ꓗꓴꓷꓼ ꓗꓪ ꓐꓰ ꓞꓲꓼ ꓪꓴꓽ ꓢꓴ ꓤ ꓟꓶ ꓤ ꓠꓬ ꓬꓲ ꓞꓲꓼ 119 ꓘꓳꓼ꓾ 2022 ꓘꓳꓼ 4 ꓦ ꓕꓯ ꓫꓵꓻ ꓡꓰꓳ꓿ꓮ ꓟꓶ ꓟ ꓙꓵ, ꓗꓪ ꓟꓲ ꓠꓯ ꓗꓪ ꓞꓲꓼ ꓪꓴꓽ ꓡꓳ, ꓬꓰ ꓢꓴ ꓠꓬ ꓬꓲ ꓞꓲꓼ 118 ꓘꓳꓼ ꓥ ꓢꓲ ꓠꓬꓲ ꓬꓲ ꓠꓬ Spain ꓗꓴꓷꓼ ꓗꓪ ꓐꓰ ꓗ‐ꓕꓳ‐ꓡꓲ ꓔꓲꓺ ꓟ ꓡꓴ‐ꓚ ꓣꓲ‐ꓓ ꓟꓬꓱꓺ ꓔ ꓢꓴ ꓥ ꓡꓳ꓿ ꓬꓲ ꓠꓬ Covid-19 ꓠꓻ ꓫꓵꓽ ꓙꓳˍ ꓟ ꓙꓵ, ꓗꓪ ꓢꓯ. ꓔꓬ ꓢꓴ ꓥ ꓡꓳ꓿