ꓖ‐ꓟꓶ‐ꓓꓰ ꓑꓴꓔꓮꓳ ꓡꓳ ꓒꓱ ꓡꓳ‐ꓜꓳ ꓞꓳ ꓘ, ꓗꓪ ꓬꓲ. ꓤꓲꓻ ꓠꓻ ꓫꓵꓽ ꓠ, ꓢꓴ ꓑ ꓫꓬ ꓐꓴ ꓮ ꓟꓬ, ꓔꓬ ꓟ ꓓꓳꓽ

ꓖ‐ꓟꓶ‐ꓓꓰ ꓑꓴꓔꓮꓳ ꓡꓳ ꓒꓱ ꓡꓳ‐ꓜꓳ ꓞꓳ ꓘ, ꓗꓪ ꓬꓲ. ꓤꓲꓻ ꓠꓻ ꓫꓵꓽ ꓠ, ꓢꓴ ꓑ ꓫꓬ ꓐꓴ ꓮ ꓟꓬ, ꓔꓬ ꓟ ꓓꓳꓽ

6 ꓦ ꓟ 17 ꓠꓬꓲ 2023 ꓘꓳꓼ ꓕꓯ ꓗ‐ꓛꓲ ꓗꓴꓷꓼ ꓫꓴ ꓖ‐ꓟꓶ‐ꓓꓰ ꓑꓴꓮꓔꓳ ꓡꓳ ꓒꓱ ꓗꓪ ꓬꓲ. ꓤꓲꓻ(ꓔꓴ‐ꓗꓬꓲ) ꓠꓻ ꓫꓵꓽ ꓠꓽ ꓢꓴ ꓑ ꓫꓬ ꓐꓴ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓮ ꓟꓬ, ꓟꓬꓽ ꓡ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓕꓱ ꓠꓻ ꓔꓬ ꓢꓴ ꓑ ꓫꓬ ꓐꓴ ꓐꓱ ꓶ ꓥ ꓟꓲ ꓠꓻ ꓫꓬ, ꓖꓶ ꓠ, ꓟ ꓠꓯꓻ ꓞꓲꓼ ꓣꓱꓽ ꓞꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓞꓳ ꓘ, ꓘꓴꓽ ꓗꓪ ꓠꓻ ꓢꓴ ꓑ ꓫꓬ ꓐꓴ ꓮ ꓟꓬ, ꓔꓬ ꓥ ꓟꓲ ꓠꓻ ꓫꓬ, ꓖꓶ ꓠ, ꓟ ꓠꓯꓻ ꓞꓲꓼ ꓦꓲꓻ ꓐꓰ ꓜꓽ ꓓꓴ ꓠꓯꓻ ꓞꓲꓼ ꓣꓱ ꓞ ꓔꓬ ꓡꓳ ꓐꓰ ꓐꓯ ꓔ ꓡꓳ꓿  ꓠꓻ ꓫꓬ, ꓠ, ꓟ ꓒꓴ ꓫꓵˍ ꓟꓽ ꓙꓳ ꓢꓴ ꓑ ꓫꓬ ꓐꓴ ꓠꓬ ꓠꓻ ꓫꓬ, ꓠ, ꓟ ꓮ ꓟꓬ, ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓖ‐ꓟꓶ‐ꓓꓰ ꓑꓴꓔꓮꓳ ꓡꓳ ꓒꓱ ꓘꓴꓽ ꓗꓪ ꓮ.‐ꓠꓬꓲ ꓮ.‐ꓪꓰ ꓠꓻ ꓠꓵꓽ ꓒꓬꓱꓼ ꓔꓬ ꓟ ꓙꓵ, ꓕꓯ ꓑ ꓫꓬ ꓐꓴ ꓥ ꓟꓲ ꓠꓻ ꓓꓴ ꓔꓳ, ꓜꓳ ꓔꓬ ꓟ ꓥ ꓡꓳ꓿ ꓕꓱ ꓠꓻ ꓔꓬ ꓟ ꓑ ꓫꓬ ꓐꓴ ꓗꓪ ꓐꓰ ꓞꓲꓼ ꓪꓴꓽ ꓡꓰ ꓢꓴ ꓐꓴ ꓐꓰ ꓤ ꓠꓱ ꓤ ꓐꓴ ꓠꓻ ꓓꓴ ꓓꓻ ꓡꓰ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓕꓯ ꓠꓻ ꓓꓴ ꓔꓳ, ꓜꓳ ꓔꓬ ꓢꓴ ꓑ ꓫꓬ ꓐꓴ ꓮ ꓟꓬ, ꓔꓬ ꓥ ꓟꓲ ꓢꓯꓼ ꓙꓳˍ ꓟ ꓞꓳ ꓡꓯ. ꓐꓴ ꓠꓬ ꓠꓯꓻ ꓞꓲꓼ ꓜ ꓗꓷ ꓕꓯ ꓠꓻ ꓓꓴ ꓓꓻ ꓡꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟꓲ ꓞꓲꓼ ꓪꓴ ꓢꓴ ꓐꓴ ꓐꓰ ꓤ ꓠꓱ ꓤ ꓐꓴ ꓐꓱ ꓶ ꓢꓯ. ꓙꓳˍ ꓟ ꓜ ꓫꓵꓽ ꓓꓳꓻ ꓫꓵꓽ ꓐꓰ ꓠꓱꓻ ꓞꓲꓼ ꓮ ꓟꓬ, ꓣꓱꓽ ꓞ ꓔꓬ ꓡꓳ ꓐꓰ ꓐꓯ ꓔ ꓡꓳ ꓐꓰ (The Kachin Net) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿