ꓖ‐ꓟꓶ‐ꓓꓲ ꓡꓳ ꓒꓱ ꓘꓴꓽ ꓞꓳ ꓘ, ꓮ ꓟꓬ, ꓗꓪ ꓫꓬ, ꓔ ꓟ ꓓꓽ ꓖꓴ: ꓐꓬ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓙꓰ ꓠ, ꓟ ꓫ. ꓔꓬ ꓟ

ꓖ‐ꓟꓶ‐ꓓꓲ ꓡꓳ ꓒꓱ ꓘꓴꓽ ꓞꓳ ꓘ, ꓮ ꓟꓬ, ꓗꓪ ꓫꓬ, ꓔ ꓟ ꓓꓽ ꓖꓴ: ꓐꓬ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓙꓰ ꓠ, ꓟ ꓫ. ꓔꓬ ꓟ

7 ꓦ ꓟ 14 ꓠꓬꓲ 2023 ꓘꓳꓼ ꓕꓯ ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓘꓴꓽ ꓗꓪ ꓫꓬ, ꓔ ꓟ ꓓꓽ ꓖꓴ ꓮ ꓟꓬ, ꓠꓬ ꓐꓬ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓙꓰ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓐꓴ ꓡꓰ ꓐꓯ ꓔ ꓟ ꓠꓬ ꓑ ꓫꓬ ꓐꓴ ꓡꓰ ꓫꓬ, ꓢꓲ ꓠꓬꓲ ꓣꓱ ꓔꓬ ꓟ ꓓꓽ ꓖꓴ ꓕꓲ ꓐꓱ ꓠꓬ (70) ꓘꓳꓼ ꓛꓲ ꓡꓳꓼ ꓬꓰ ꓟ ꓪꓴ. ꓠꓬꓲ ꓐꓬ ꓡꓰ ꓐꓰ ꓐꓯ ꓔ ꓡꓳ꓿

ꓑ ꓫꓬ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓟ‐ꓜꓯ ꓞꓳ ꓘ, ꓐꓰ ꓟ‐ꓟꓴ‐ꓡꓯ ꓞꓳ ꓘ, ꓗꓪ ꓙꓰ ꓠ, ꓟ ꓓꓽ ꓖꓴ ꓠꓬ ꓐꓬ ꓡꓰ ꓟ ꓪꓴ. ꓠꓬꓲ ꓙꓰ ꓠ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓠꓬ ꓢꓳꓻ ꓤ ꓙꓳꓻ ꓟ ꓐꓴ ꓓꓽ ꓖꓴ ꓟꓽ ꓙꓲꓻ ꓟ ꓪꓴ. ꓠꓬꓲ ꓕꓳ ꓶ ꓢꓳꓻ ꓦꓲꓻ ꓗꓪ ꓙꓰ ꓠ, ꓟ ꓮ ꓘꓶ. ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓓꓽ ꓖꓴ ꓔꓯ ꓞ ꓞ ꓫꓬ, ꓖꓶ ꓡ ꓠ, ꓟ ꓠꓲ, ꓫꓵˍ ꓡꓳ ꓐꓰ ꓐꓯ ꓔ ꓡꓳ꓿

ꓮ ꓟꓶ ꓟ ꓙꓵ, ꓗꓪ ꓠꓬ ꓖ‐ꓟꓶ‐ꓓꓲ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓶꓻ ꓤ ꓟ ꓟꓵꓽ ꓥ ꓟ ꓛ‐ꓖꓳ ꓟꓵꓽ ꓗꓪ ꓠꓬ ꓓꓽ‐ꓖꓴ ꓐꓰ ꓟꓵꓽ ꓡꓶꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓜ ꓓꓴ ꓜ ꓒꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ ꓐꓰ (The 74 media) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿