ꓖ‐ꓟꓶ‐ꓓꓲ Putao ꓡꓳ ꓒꓱ ꓔ‐ꓙ ꓘ, ꓗꓪ ꓬꓲ. ꓜꓲ ꓠꓻ ꓢꓴ ꓑ ꓫꓬ ꓮ ꓟꓬ, ꓙꓳ ꓟ ꓓꓳꓽ

ꓖ‐ꓟꓶ‐ꓓꓲ Putao ꓡꓳ ꓒꓱ ꓔ‐ꓙ ꓘ, ꓗꓪ ꓬꓲ. ꓜꓲ ꓠꓻ ꓢꓴ ꓑ ꓫꓬ ꓮ ꓟꓬ, ꓙꓳ ꓟ ꓓꓳꓽ

8 ꓦ ꓟ 2 ꓠꓬꓲ 2022 ꓘꓳꓼ ꓕꓯ ꓟꓲ‐ꓚꓲ‐ꓠ ꓐꓰ ꓖ‐ꓟꓶ‐ꓓꓲ ꓙꓰ ꓖꓴ ꓗꓪ ꓙꓳˍ ꓟ ꓔ‐ꓙ ꓘ, ꓗꓪ ꓔꓬ ꓟ ꓑ ꓫꓬ ꓐꓴ ꓬꓲ. ꓜꓲ ꓠꓻ ꓫꓵꓽ ꓮ ꓟꓬ, ꓠꓻ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓞꓳ ꓘ, ꓘꓴꓽ ꓗꓪ ꓬꓰ ꓙ ꓢꓴ ꓜꓴꓻ ꓡꓰ ꓠꓯꓻ ꓞꓲꓼ ꓬꓰ ꓙ ꓔꓳ ꓙ ꓥ ꓟꓲ ꓠꓯꓻ ꓞꓲꓼ ꓟꓽ ꓙꓳ ꓡꓰ ꓟ ꓪꓴ. ꓠꓬꓲ ꓟꓵꓽ  ꓗꓪ ꓙꓳˍ ꓟ ꓢꓲ, ꓚꓰꓺ ꓠꓯꓻ ꓞꓲꓼ ꓡꓰ ꓠꓻ ꓫꓬ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ꓮ ꓟꓶ ꓟ ꓙꓵ, ꓗꓪ ꓔ‐ꓙ ꓘ, ꓗꓪ ꓔꓬ ꓟ ꓞꓲꓼ ꓪꓴꓽ ꓢꓴ ꓐꓰ ꓤ ꓠꓱ ꓐꓴ ꓮ ꓟꓬ, ꓦꓰꓼ ꓟ ꓧꓳ, ꓮ ꓟꓬ, ꓫꓵꓽ ꓠꓻ ꓓꓴ ꓔꓳ, ꓜꓳꓽ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓞꓳ ꓘ, ꓗꓪ ꓠꓻ ꓢꓴ ꓑ ꓫꓬ ꓠꓬ ꓟꓬꓽ ꓡ ꓔꓬ ꓡꓳ꓿

ꓠꓯꓻ ꓞꓲꓼ ꓟ. ꓒ ꓟ. ꓟ ꓐꓴ ꓥ ꓟꓲ ꓟꓽ ꓔꓬ ꓟ ꓪꓴ. ꓠꓬꓲ ꓮ ꓘꓶ. ꓫ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿  ꓠꓻ ꓔꓬ ꓢꓴ ꓑ ꓫꓬ ꓐꓴ ꓔꓯ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ, ꓠ, ꓟ ꓐꓱ ꓶ ꓙꓰˍ ꓥ ꓟꓲ ꓡꓳ‐ꓔ (40) ꓔꓷ, ꓶꓽˍ ꓟ ꓪꓴ. ꓠꓬꓲ ꓠꓻ ꓢꓴ ꓑ ꓫꓬ ꓐꓴ ꓮ ꓘꓶ. ꓫ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓔ‐ꓙ ꓘ, ꓠꓬ ꓑ ꓫꓬ (500) ꓣꓳ ꓔꓬ ꓢꓲ ꓠꓬꓲ ꓦ ꓟꓲ ꓟꓬꓱꓽ ꓬꓰ ꓜꓽ ꓢꓴ ꓐꓴ ꓥ ꓡꓳ ꓐꓰ ꓢꓷ. ꓪ ꓡꓳ꓿