ꓖꓣꓰꓰꓗ ꓢꓲꓹ ꓠꓯ ꓮꓸ ꓔꓳꓸ ꓔꓯ ꓢꓰꓼ ꓟꓽ ꓧꓪꓸ ꓗꓷ ꓡꓰ ꓔꓬ ꓕꓯ ꓮꓸ ꓔꓳꓸ ꓢꓰꓼˍ ꓟ ꓐꓬꓱ ꓦꓲꓻ ꓕꓲ ꓟ ꓞꓰꓻ ꓡꓰꓳ

ꓖꓣꓰꓰꓗ ꓗꓴꓷꓼ ꓗꓪ ꓮ ꓟꓬꓹ ꓠꓬꓲ ꓐꓬ ꓔꓬ ꓟ ꓢꓲꓹ ꓠꓯ ꓮꓸ ꓔꓳꓸ ꓔꓯ ꓢꓰꓼ ꓧꓪꓸ ꓡꓰ ꓠꓹ ꓟ ꓢꓯꓼ ꓕꓵꓼ ꓔꓬ ꓕꓯ ꓗꓴꓷꓼ ꓖꓴ ꓟꓶꓸ ꓗꓪ ꓖꓣꓰꓰꓗ ꓟꓲꓽ ꓦꓲ ꓟꓯꓼ ꓜꓴꓻ ꓗꓪ ꓟ ꓮꓸ ꓔꓳꓸ ꓢꓰꓼ ꓐꓬꓱ ꓦꓲꓻ ꓕꓲ ꓟ ꓠꓬ ꓠꓽ-ꓠꓬꓲꓽ-ꓠꓬꓲ ꓕꓯ ꓞꓰꓻ ꓡꓰꓳ꓾ ꓐꓰ ꓢꓷꓸ ꓪ ꓡꓳ= ꓐꓬꓱ ꓦꓲꓻ ꓖꓳ ꓟ ꓔꓯ ꓬꓰ ꓙ ꓢꓴ ꓜꓴ ꓐꓴ ꓡꓰ ꓧꓪ ꓔꓬ ꓡꓳ ꓐꓰ ꓐꓯ ꓔꓬ ꓥ ꓟꓲ ꓐꓬꓱ ꓦꓲꓻ ꓫꓵꓸ ꓢꓴ ꓠꓬꓲꓽ ꓣꓳ ꓡꓱꓸꓼ ꓠꓬ ꓫꓵꓻ ꓓꓴ ꓥꓳ꓾ ꓐꓰ ꓐꓯ ꓔꓬ ꓟ ꓥ ꓢꓲ ꓐꓬꓱ ꓦꓲꓻ ꓖꓳ ꓟ ꓗꓪ ꓠꓬ ꓔꓷꓹ ꓓꓳ ꓙꓰ ꓠꓹ ꓟ ꓬꓲ ꓘꓴ ꓟꓽ ꓙꓳ ꓐꓰˍ ꓟꓲ ꓢꓷꓸ ꓪ ꓡꓳ=

ꓠꓽ ꓠꓬꓲꓽ ꓠꓬꓲ ꓕꓯ ꓖꓣꓰꓰꓗ ꓕꓲ ꓗꓴꓷꓼ ꓡꓱꓸꓼ ꓗꓪ 3 ꓟ ꓕꓲ ꓟꓻ ꓟ ꓞꓻ ꓢꓯꓼ ꓚꓱꓹ ꓗꓳꓸ ꓙꓰ ꓔꓬ ꓟ ꓑꓶꓸ ꓓꓴ ꓞꓻ ꓢꓯꓼ ꓥ ꓟꓲ 40°C ꓟꓽ ꓞꓲꓺ ꓗꓷ ꓡꓰ ꓟ ꓥ ꓡꓳ= ꓞꓻ ꓢꓯꓼ ꓮ ꓘꓶꓸ ꓟꓬꓽ ꓔꓬ ꓟ ꓬꓲ ꓘꓴꓽ ꓗꓪ ꓢꓲꓹ ꓠꓯ ꓐꓴ ꓗꓪ ꓮꓸ ꓔꓳꓸ ꓐꓴ ꓠꓬ ꓢꓰꓼ ꓟꓽ ꓐ ꓡ ꓗꓪ ꓛꓲ ꓮ ꓟꓬꓹ ꓠꓬꓲ ꓐꓬ ꓔꓬ ꓟ ꓥ ꓢꓲ ꓠꓬꓲ꓾ ꓖꓳ ꓕꓲ ꓠꓬꓲ ꓟꓶꓽ ꓘꓶꓼ ꓗꓪ ꓮꓸ ꓔꓳꓸ ꓐꓬˍ ꓟ ꓗꓪ ꓐꓰ ꓡꓲꓹ ꓙꓰ ꓟꓶ ꓠꓹ ꓟ ꓐꓱ ꓶ ꓑ ꓫꓬ ꓐꓴ ꓔꓯ ꓔꓬ ꓖꓴ ꓚꓵꓸ ꓖꓶ ꓔꓬ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓮ ꓘꓶꓸ ꓞꓻˍ ꓟ ꓞꓻ ꓢꓯꓼ ꓐꓰ ꓟꓲꓽ ꓦꓲ ꓢꓯꓼ ꓪꓽ ꓠꓬꓲˍ ꓟ ꓑꓶꓸ ꓓꓴ Algeria ꓗꓴꓷꓼ ꓗꓪˍ ꓟꓲ ꓢꓲꓹ ꓠꓯ ꓮꓸ ꓔꓳꓸ ꓐꓬ ꓔꓬ ꓟ ꓑꓶꓸ ꓓꓴ ꓖꓳ ꓗꓪ ꓫꓵꓻ ꓢꓴ 34 ꓣꓳ ꓗꓪ ꓛꓲꓺ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=