Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓖꓴ‐ꓟꓶ ꓗꓳꓣꓰꓮ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ (8) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓮ ꓟꓬ, ꓫ. ꓓꓴ ꓔꓳ, ꓜꓳ ꓡꓰ ꓟ ꓓꓳꓽ
Monday, July 17, 2023
ꓖꓴ‐ꓟꓶ ꓗꓳꓣꓰꓮ ꓗꓴꓷꓼ ꓗꓪ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ (8) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓮ ꓟꓬ, ꓫ. ꓓꓴ ꓔꓳ, ꓜꓳ ꓡꓰ ꓟ ꓓꓳꓽ
7 ꓦ 16 ꓠꓬꓲ 2023 ꓘꓳꓼ ꓕꓯ ꓖꓴ‐ꓟꓶ ꓗꓳꓣꓰꓮ ꓗꓴꓷꓼ ꓗꓪ ꓟꓲ ꓦ ꓮ ꓟꓬ, ꓦꓻ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ (8) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓐꓬ ꓡꓰ ꓐꓰ ꓐꓯ ꓔ ꓡꓳ꓿ꓗꓳ‐ꓣꓲ‐ꓬ ꓗꓴꓷꓼ ꓛ‐ꓚꓴ ꓟꓵꓽ ꓗꓪ ꓗꓳ. ꓗꓷ ꓟ 14 ꓠꓬꓲ ꓗꓪ ꓐꓰ ꓟꓲ ꓦ ꓮ ꓟꓬ, ꓦꓻ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓟꓵꓽ ꓡꓶꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓫꓵꓻ ꓡꓰ ꓢꓴ ꓙꓳˍ ꓡꓰ ꓟ ꓥ ꓡꓳ꓿
ꓠꓯꓼ ꓙꓵ, ꓕꓯ ꓑ ꓫꓬ (8000)ꓣꓳ ꓔꓯ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓗꓷ ꓟ ꓥ ꓡꓳ꓿ꓝꓮꓲ ꓕꓱ ꓡꓱ ꓐꓰ ꓟꓲ ꓦꓻ ꓮ ꓟꓬ, ꓦꓻ ꓔꓬ ꓟ ꓪꓴ. ꓠꓬꓲ ꓠꓬꓲ. ꓠꓬꓲ ꓗꓪ ꓛꓲ ꓫꓵꓻ ꓡꓰ ꓢꓴ ꓑ ꓫꓬ ꓮ ꓙꓵꓽ ꓠꓬ (38) ꓣꓳ ꓫꓵꓻ ꓡꓰꓳ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓟꓲ ꓠꓯ ꓘꓴꓽ ꓗꓪ ꓟꓳ‐ꓓꓳ ꓙꓻ ꓖꓴ ꓗꓪ ꓫꓵꓻ ꓡꓰ ꓢꓴ ꓐꓴ ꓐꓰ ꓟꓶ ꓔꓬ ꓢꓴ ꓐꓴ ꓡꓰ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓙ ꓚꓬꓴ ꓙ ꓟ ꓟꓬꓱꓽ ꓔ ꓬꓰ ꓔꓬ ꓟ ꓥ ꓡꓳ꓿
ꓕꓱ ꓡꓱ ꓒꓬꓱꓼ ꓡ ꓟ ꓠꓬ ꓟꓵꓽ ꓘꓳꓼ ꓒꓳ, ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓠꓻ ꓫꓬ, ꓖꓶ ꓔꓬ ꓢꓲ ꓠꓬꓲ ꓫ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ (MyanmarPlatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment