ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓐꓰ ꓟꓬꓱꓽ 3 ꓙꓰꓽ ꓐꓱ ꓶ ꓟꓬ-ꓟ ꓟꓬꓱꓽ ꓢꓴ 9000 ꓣꓳ ꓟꓽ ꓛꓲꓺ ꓔꓯ EPS ꓕꓳꓽ ꓶ ꓠ ꓠꓬꓲꓺ ꓚꓬꓹ ꓠꓬꓲ ꓢꓲ ꓟꓬꓱꓽ ꓬꓰ ꓢꓴ ꓘꓴˍ ꓥꓳ꓾

ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓐꓰ ꓟꓬꓱꓽ 3 ꓙꓰꓽ ꓐꓱ ꓶ ꓟꓬ-ꓟ ꓟꓬꓱꓽ ꓢꓴ 9000 ꓣꓳ ꓟꓽ ꓛꓲꓺ ꓔꓯ EPS ꓕꓳꓽ ꓶ ꓠ ꓠꓬꓲꓺ ꓚꓬꓹ ꓠꓬꓲ ꓢꓲ ꓟꓬꓱꓽ ꓬꓰ ꓢꓴ ꓘꓴˍ ꓥꓳ

Friday, July 01, 2022

ꓖꓴ ꓟꓶꓸ ꓗꓳ-ꓣꓲ-ꓬ ꓟꓬꓱꓽ EPS ꓕꓳꓽ ꓶ ꓠ ꓠꓬꓲꓺ ꓚꓬꓹ ꓠꓬꓲˍ ꓟ ꓔꓯ ꓒꓳꓹ ꓖꓶ ꓠꓹ ꓟ 7 ꓦ 7 ꓠꓬꓲ ꓗꓪ ꓐꓰ ꓪꓴꓸ ꓔꓴꓺ ꓢꓲ ꓟꓬꓱꓺ ꓧꓳꓽ ꓐ ꓡˍ ꓟ ꓥ ꓢꓲ ꓠꓬꓲ꓾ ꓣꓱꓽ ꓫꓵꓽ ꓣꓱꓽ ꓙꓰꓽ ꓫꓬꓹ ꓟ ꓟꓬꓱꓽ꓾ ꓦꓲꓻ꓾ ꓓꓽ ꓖꓴ ꓐꓰ ꓔꓬ ꓔꓶꓸ ꓬꓲ ꓫꓵꓽ ꓬꓲ ꓙꓰꓽ ꓫꓬꓹ ꓟ ꓟꓬꓱꓽ ꓐꓰ ꓔꓶꓺ ꓫꓵꓽ ꓔꓶꓺ ꓙꓰꓽ ꓔꓶˍ ꓟ ꓟꓬꓱꓽ ꓐꓱ ꓶ ꓟꓬ-ꓟ ꓟꓬꓱꓽ ꓬꓰ ꓢꓴ 9000 ꓣꓳ ꓟꓽ ꓞꓲꓺ ꓔꓯ ꓘꓴ ꓓꓴ ꓥꓳ꓾ ꓐꓰ ꓠꓱꓸ ꓐꓯ ꓗꓴꓷꓼ ꓟꓬꓱꓽ ꓔꓯ ꓟꓳꓸ ꓰ-ꓙꓰ-ꓢꓰ ꓗꓪ ꓐꓰ ꓢꓷꓸ ꓪ ꓟ ꓥ ꓡꓳ=

ꓖꓴ ꓟꓶꓸ ꓗꓳ-ꓣꓲ-ꓬ ꓟꓬꓱꓽ EPS ꓕꓳꓽ ꓶ ꓠ ꓠꓬꓲꓺ ꓚꓬꓹ ꓠꓬꓲˍ ꓟ ꓔꓯ ꓟꓬꓱꓺ ꓧꓳꓽˍ ꓟ ꓔꓯ 7 ꓦ 7 ꓠꓬꓲ ꓗꓪ ꓐꓰ 23 ꓠꓬꓲ ꓗꓪ ꓛꓲꓺ ꓳꓠꓡꓲꓠꓰ ꓗꓪ ꓚꓳꓸ ꓘꓳꓹ ꓣꓴ ꓖꓶˍ ꓟ ꓥ ꓢꓲ꓾ 2022 ꓘꓳꓼ 8 ꓦ 3 ꓠꓬꓲ ꓗꓪ ꓐꓰ 12 ꓦ 23 ꓠꓬꓲ ꓗꓪ ꓛꓲꓺ ꓗꓳ-ꓣꓲ-ꓬ ꓟꓬꓱꓽ ꓬꓰ ꓚꓱꓹ ꓔꓯ ꓟꓳꓸ ꓮ ꓟꓬꓹ ꓗꓪ ꓛꓲꓺ ꓓꓻ ꓟꓽ ꓓꓻ ꓟ ꓔꓯ ꓚꓬꓹ ꓠꓬꓲˍ ꓟ ꓬꓰ ꓢꓲ ꓠꓬꓲ 12 ꓦ 22 ꓠꓬꓲ ꓗꓪ ꓐꓰ 30 ꓠꓬꓲ ꓗꓪ ꓛꓲꓺ ꓠꓬ ꓧꓪꓸ ꓡꓰ ꓢꓴ ꓐꓴ ꓟꓬꓱꓺ ꓔꓯ ꓐꓯ ꓑꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓖꓴ ꓟꓶꓸ ꓗꓳ-ꓣꓲ-ꓬ ꓟꓬꓱꓽ ꓬꓰ ꓚꓱꓹ EPS ꓕꓳꓽ ꓶ ꓠ ꓠꓬꓲꓺ ꓚꓬꓹ ꓠꓬꓲˍ ꓟ ꓧꓪꓸ ꓡꓰ ꓢꓴ ꓐꓴ ꓔꓯ ꓠꓬ ꓣꓱꓽ ꓫꓵꓽ ꓣꓱꓽ ꓙꓰꓽ ꓫꓬꓹ ꓓꓴ ꓟꓬꓱꓽ ꓐꓱ ꓶ 7045 ꓣꓳ꓾ ꓔꓶꓺ ꓫꓵꓽ ꓔꓶꓺ ꓙꓰꓽ ꓟꓬꓱꓽ ꓐꓱ ꓶ 595 ꓣꓳ꓾ ꓔꓬ ꓔꓶꓸ ꓐꓰ ꓓꓽ ꓖꓴ ꓫꓬꓹ ꓟ꓾ ꓦꓲꓻ ꓫꓬꓹ ꓟ ꓟꓬꓱꓽ ꓐꓱ ꓶ 1485 ꓣꓳ ꓐꓴ ꓔꓯ ꓘꓴ ꓔꓯꓹ ꓙꓰ ꓓꓴ ꓥꓳ꓾ ꓐꓰ MyanmaPlatform ꓓꓳꓽ ꓗꓪ ꓐꓰ ꓢꓷꓸ ꓪ ꓡꓳ=