Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓟꓬ-ꓟ ꓟꓬꓱꓽ ꓬꓰ ꓢꓴ 148 ꓣꓳ ꓔꓯ ꓮ ꓟꓰ ꓕꓯ ꓝꓲ ꓩꓴ ꓓꓳ ꓡꓰꓳ
ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓟꓬ-ꓟ ꓟꓬꓱꓽ ꓬꓰ ꓢꓴ 148 ꓣꓳ ꓔꓯ ꓮ ꓟꓰ ꓕꓯ ꓝꓲ ꓩꓴ ꓓꓳ ꓡꓰꓳWednesday, September 20, 2023
ꓖꓴ ꓟꓶꓸ ꓗꓳ-ꓣꓲ-ꓬ ꓗꓴꓷꓼ ꓔꓯ ꓮ ꓟꓶ ꓗꓴꓸ ꓦ ꓘꓴꓽ ꓗꓪ ꓡꓰꓽ ꓟꓬ-ꓟ ꓟꓬꓱꓽ ꓬꓰ ꓢꓴ 148 ꓣꓳ ꓔꓯ ꓝꓲ ꓩꓴ ꓗꓷ ꓟ ꓥ ꓢꓲ ꓠꓬꓲ꓾ ꓮ ꓟꓶ ꓕꓲ ꓧꓪꓹ ꓟ ꓠꓬ ꓕꓱ ꓗꓴꓸ ꓦ ꓘꓴꓽ ꓗꓪ 5 ꓧꓪꓹ ꓕꓲꓽ ꓧꓪꓹ ꓟ ꓥ ꓡꓳ꓾ ꓐꓰ ꓢꓰꓳꓴꓡ ꓡꓳ ꓒꓱ ꓗꓪ ꓙꓳˍ ꓟ ꓟꓬ-ꓟ ꓗꓴꓷꓼ ꓝꓲ ꓓꓴ ꓬꓳꓹ ꓗꓪ ꓐꓰ ꓢꓷꓸ ꓪ ꓡꓳ=
ꓰꓑꓢ ꓚꓱꓹ ꓗꓪ ꓐꓰ ꓮ ꓟꓰ ꓕꓯ ꓶꓻ ꓤ ꓚꓬ ꓢꓲꓸ ꓫꓬꓹ ꓢꓴ ꓬꓲ ꓫꓵꓼ 72 ꓣꓳ ꓐꓰ ꓔꓶꓺ ꓫꓵꓽ ꓔꓶꓺ ꓙꓰꓽ ꓔꓶˍ ꓟ ꓟꓬꓱꓽ ꓬꓰ ꓢꓴ ꓬꓲ ꓫꓵꓼ 76 ꓣꓳ ꓔꓯ꓾ ꓮ ꓟꓶ ꓕꓲ ꓦ ꓘꓴꓽ ꓗꓪ 5 ꓧꓪꓹ ꓕꓲ ꓧꓪꓹ ꓝꓲ ꓩꓴˍ ꓟ ꓥ ꓢꓲ ꓠꓬꓲ꓾ ꓖꓳ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓬꓮꓠꓖꓳꓠ ꓐꓬꓱꓻ ꓦꓲꓻ ꓜꓶꓽ ꓔꓶꓸ ꓗꓪ ꓐꓰ ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓙꓰ ꓗꓷ ꓟ ꓥ ꓡꓳ=
ꓟꓬ-ꓟ ꓗꓴꓷꓼ ꓝꓲ ꓓꓴ ꓐꓴ ꓠꓬ ꓟꓬꓱꓽ ꓬꓰ ꓢꓴ ꓐꓴ ꓢꓷꓸ ꓠ ꓔ ꓟ ꓐꓰ ꓣꓱꓽ ꓞꓹ ꓟ ꓐꓴ ꓔꓯ ꓐꓯ ꓟꓸ ꓖꓶ ꓗꓷ ꓢꓲ ꓬꓲ ꓪ ꓔꓯ ꓬꓰ ꓙ ꓗꓷꓳ꓾ ꓐꓰ ꓢꓷꓸ ꓪ ꓡꓳ=
ꓕꓱ 2023 ꓘꓳꓼ ꓘꓴꓽ ꓗꓪ ꓟꓬ-ꓟ ꓗꓴꓷꓼ ꓗꓪ ꓐꓰ ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓰꓑꓢ ꓚꓱꓹ ꓗꓪ ꓐꓰ ꓟꓬꓱꓽ ꓬꓰ ꓢꓴ ꓝꓲ ꓩꓴ ꓔꓬ ꓟ ꓠꓬ ꓠꓬꓲꓸ ꓠꓬꓲ ꓗꓪ ꓛꓲ ꓟꓬꓱꓽ ꓬꓰ ꓢꓴ 7000 ꓣꓳ ꓛꓲ ꓝꓲ ꓩꓴ ꓗꓷ ꓟ ꓙꓳˍ ꓡꓳ꓾ ꓐꓰ ꓢꓰꓳꓴꓡ ꓡꓳ ꓒꓱ ꓟꓬ-ꓟ ꓗꓴꓷꓼ ꓝꓲ ꓓꓴ ꓬꓳꓹ ꓗꓪ ꓐꓰ ꓐꓯ ꓑꓶ ꓔ ꓟ ꓗꓪ ꓐꓰ ꓢꓷꓸ ꓪ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment