Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓢꓲꓹ ꓠꓯ ꓮ ꓔꓳꓸ ꓐꓬ ꓡ ꓟ ꓑꓶꓸ ꓓꓴ ꓑ ꓫꓬ 5 ꓦꓬ ꓣꓳ ꓟꓽ ꓞꓲꓺ ꓠꓬ ꓮ ꓔꓳꓸ ꓟꓽ ꓛꓲ ꓡ ꓖꓴ ꓗꓪ ꓙꓰ ꓔꓬ ꓪˍ ꓟ꓾ ꓟꓶ ꓦ ꓦ ꓩꓴ ꓡ ꓟ ꓑꓶꓸ ꓓꓴ ꓮ ꓔꓳꓸ ꓢꓰꓼˍ ꓟ ꓗꓪ ꓢ ꓡꓰ ꓟ
ꓖꓴ ꓟꓶꓸ ꓗꓳ-ꓣꓲ-ꓬ ꓗꓪ ꓢꓲꓹ ꓠꓯ ꓮ ꓔꓳꓸ ꓐꓬ ꓡ ꓟ ꓑꓶꓸ ꓓꓴ ꓑ ꓫꓬ 5 ꓦꓬ ꓣꓳ ꓟꓽ ꓞꓲꓺ ꓠꓬ ꓮ ꓔꓳꓸ ꓟꓽ ꓛꓲ ꓡ ꓖꓴ ꓗꓪ ꓙꓰ ꓔꓬ ꓪˍ ꓟ꓾ ꓟꓶ ꓦ ꓦ ꓩꓴ ꓡ ꓟ ꓑꓶꓸ ꓓꓴ ꓮ ꓔꓳꓸ ꓢꓰꓼˍ ꓟ ꓗꓪ ꓢ ꓡꓰ ꓟ (Photo : AP)Wednesday, April 12, 2023
ꓖꓴ ꓟꓶꓸ ꓗꓳ-ꓣꓲ-ꓬ ꓗꓴꓷꓼ꓾ ꓐꓶ ꓓꓳ ꓬꓲꓻ ꓙꓬ ꓘꓶꓽ ꓡꓳ ꓒꓱ ꓥ ꓟ ꓘꓯꓹ-ꓠꓴꓟ ꓡꓳ ꓒꓱ ꓗꓪ ꓠꓽ ꓠꓬꓲꓽ ꓠꓬꓲ ꓕꓯ ꓟꓲꓽ ꓦꓲꓻ ꓓꓽ ꓟ ꓙꓱꓼ ꓡˍ ꓟ ꓗꓪ ꓐꓰ ꓢꓲꓹ ꓠꓯ ꓮ ꓔꓳꓸ ꓐꓬ ꓗꓷ ꓢꓲ ꓖꓳ ꓗꓪ ꓔꓬ ꓟ ꓑ ꓫꓬ 500 ꓣꓳ ꓟꓽ ꓞꓲꓺ ꓔꓯ ꓮ ꓔꓳꓸ ꓟꓽ ꓛꓲ ꓡ ꓖꓴ ꓗꓪ ꓙꓰ ꓝꓲ ꓗꓷꓳ=
ꓖꓳ ꓡꓱ ꓥ ꓟꓲ ꓟꓶꓽ ꓦ ꓦ ꓡ ꓟ ꓑꓶꓸ ꓓꓴ ꓮ ꓔꓳꓸ ꓢꓰꓼ ꓢꓴ ꓐꓴ ꓮ ꓔꓳꓸ ꓢꓰꓼˍ ꓟ ꓗꓪ ꓢꓯꓼ ꓟꓶ ꓡꓰ ꓢꓲ ꓮ ꓔꓳꓸ ꓮ ꓟꓬꓹ ꓐꓬ ꓡ ꓟ ꓔꓯ ꓗꓽ ꓕꓸ ꓐ ꓡ ꓗꓷꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓟ ꓗꓪ ꓐꓰ ꓢꓷꓸ ꓪ ꓡꓳ= ꓮ ꓔꓳꓸ ꓐꓬ ꓗꓷ ꓟ ꓑꓶꓸ ꓓꓴ ꓦ ꓟꓲ ꓓꓰ ꓟꓲ 170 Hectares ꓐꓬ ꓡꓰ ꓗꓷ ꓢꓲ꓾ ꓞꓳ ꓤ 550 ꓣꓳ ꓛꓲꓺ ꓠꓬ ꓚꓲꓸ ꓛꓬ ꓔꓬ ꓦꓲ ꓔꓯ ꓡꓳꓸ ꓔꓲꓸ ꓬꓰ ꓢꓲ ꓮ ꓔꓳꓸ ꓟꓽ ꓐꓬ ꓛꓲ ꓡ ꓟ ꓗꓪ ꓚꓵꓸ ꓙꓰ ꓪ ꓡꓰ ꓗꓷꓳ=
ꓟꓲꓽ ꓦꓲ ꓓꓽ ꓟ ꓙꓱꓼ ꓡ ꓟ ꓑꓶꓸ ꓓꓴ ꓮ ꓔꓳꓸ ꓚ ꓕꓯꓽ ꓢꓲ ꓗꓪ ꓢꓲꓹ ꓡꓯꓼ ꓗꓸ ꓞꓰꓻ ꓔꓲꓸ ꓗꓷ ꓢꓲ ꓠꓬꓲ꓾ ꓢꓧꓳꓚꓗ ꓗꓷ ꓡꓰ ꓢꓲ ꓮ ꓔꓳꓸ ꓐꓬ ꓔꓴ ꓡ ꓟ ꓗꓪ ꓐꓰ ꓢꓲꓹ ꓠꓯ ꓕꓲ ꓟ ꓡꓱꓸꓼ ꓐꓬ ꓗꓷ ꓟ ꓥ ꓡꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓡꓳ=
ꓮ ꓔꓳꓸ ꓐꓬ ꓗꓷ ꓟ ꓫꓵꓽ ꓪꓴ ꓑꓶꓸ ꓓꓴ ꓮ ꓔꓳꓸ ꓢꓰꓼ ꓢꓴ ꓠꓬꓲꓽ ꓣꓳ ꓐꓰ ꓑ ꓫꓬ ꓕꓲ ꓣꓳ ꓠꓻ ꓓꓴ ꓓꓴ ꓡꓰ ꓢꓲ ꓦꓲꓻ ꓮ ꓟꓬꓹ ꓐꓬ ꓡꓰ ꓗꓷ ꓟ ꓔꓯ ꓗꓳ-ꓣꓲ-ꓬ ꓢꓲꓹ ꓠꓯ ꓮꓖꓰꓠꓚꓬ ꓡꓰ ꓐꓯ ꓡꓳ= ꓖꓳ ꓗ ꓠꓯꓸ ꓮ ꓔꓳꓸ ꓐꓬ ꓗꓷ ꓟ ꓦꓲ ꓕꓲ ꓦꓲ ꓘꓴꓽ ꓗꓪ ꓫꓵꓻ ꓟꓳꓻ ꓕꓲ ꓟ ꓔꓯˍ ꓟꓲ ꓟꓳꓻ ꓗꓷꓳ꓾ ꓐꓰ ꓐꓯ ꓡꓳ=
ꓖꓴ ꓟꓶꓸ ꓗꓳ-ꓣꓲ-ꓬ ꓗꓴꓷꓼ ꓙꓵꓽ ꓢꓲꓽ ꓒ ꓥˍ ꓟꓲ ꓮ ꓔꓳꓸ ꓢꓰꓼˍ ꓟ ꓗꓪ ꓠꓲꓹ ꓞ ꓬꓰ ꓙ ꓠꓹ ꓟ ꓐꓰ ꓖꓳ ꓗꓪ ꓟ ꓑ ꓫꓬ ꓐꓴ ꓔꓯ ꓥˍ ꓟꓲ ꓠꓻ ꓓꓴ ꓓꓴ ꓡꓰˍ ꓟ꓾ ꓫꓵꓻˍ ꓟ ꓟꓽ ꓙꓳ ꓠꓹ ꓟ ꓞꓼ ꓞꓼ ꓮ ꓔꓳꓸ ꓟꓽ ꓐꓬ ꓟ ꓗꓪ ꓧꓳꓽ ꓙꓰ ꓖꓶ ꓠꓹ ꓟ ꓐꓯ ꓑꓶ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=
Subscribe
Sign up to our newsletter and get latest news and updates straight to your inbox!
Download RVA App
Add new comment