ꓖꓴ ꓟꓶ. ꓗꓳꓣꓰꓮ ꓗꓴꓷꓼ ꓗꓪ ꓘ‐ꓠꓱ ꓟꓲꓽ ꓦꓲ ꓕꓳꓽ ꓥꓳꓽ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓗꓷ ꓟ

ꓖꓴ ꓟꓶ. ꓗꓳꓣꓰꓮ ꓗꓴꓷꓼ ꓗꓪ ꓘ‐ꓠꓱ ꓟꓲꓽ ꓦꓲ ꓕꓳꓽ ꓥꓳꓽ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓔꓬ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓗꓷ ꓟ

8 ꓦ ꓟ 10 ꓠꓬꓲ 2023 ꓘꓳꓼ ꓕꓯ ꓖꓴ ꓟꓶ. ꓗꓳꓣꓰꓮ ꓗꓴꓷꓼ ꓗꓪ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓢꓲ ꓠꓬꓲ ꓑ ꓫꓬ (14000) ꓣꓳ ꓔꓯ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓗꓷꓳ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ꓿ ꓘ‐ꓠꓱ ꓟꓬꓱꓺ ꓔ ꓟ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓟ ꓥ ꓡꓳ꓿ ꓖꓴ ꓪꓴ. ꓗꓳꓣꓰꓮ ꓗꓴꓷꓼ ꓗꓪ ꓥ ꓟꓲ ꓟꓲꓽ ꓦꓲ ꓕꓳꓽ ꓥꓳꓽ ꓙꓱ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓤ ꓟꓳ ꓠ, ꓟ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓕꓱ ꓟꓲꓽ ꓦꓲ ꓕꓳꓽ ꓥꓳꓽ ꓠꓬ ꓖꓴ ꓟꓶ. ꓗꓳꓣꓰꓮ ꓗꓴꓷꓼ ꓘꓴꓽ ꓗꓪ ꓑ ꓫꓬ ꓐꓴ ꓟꓬꓱꓽ ꓮ ꓟꓬ, ꓔꓯ ꓥ ꓟꓲ ꓠꓽ ꓡꓰ ꓝꓲˍ ꓟ ꓥ ꓡꓳ꓿ ꓟꓲꓽ ꓦꓲ ꓕꓳꓽ ꓥꓳꓽ ꓑꓶ. ꓓꓴ ꓟꓶꓽ ꓦ ꓦ꓾ ꓬꓲꓻ ꓙꓬ ꓙꓵꓽ ꓮ ꓟꓬ, ꓫꓵꓽ ꓫ. ꓓꓴ ꓔꓳ, ꓜꓳꓽ ꓔꓬ ꓟ ꓪꓴ. ꓠꓬꓲ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓤ ꓟꓳ ꓠ, ꓟ ꓐꓯ ꓔ ꓡꓳ꓿ ꓗꓳ. ꓗꓷ ꓟ ꓦ‐ꓐ ꓕꓯ ꓥ ꓟꓲ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓖꓴ ꓟꓶ. ꓗꓳꓣꓰꓮ ꓗꓴꓷꓼ ꓗꓪ ꓑ ꓫꓬ ꓮ ꓟꓬ, ꓫꓵꓻ ꓡꓰ ꓢꓴ ꓙꓳˍ ꓡꓳ ꓐꓰ (Popular News Journal ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿